അച്ഛനില്‍ നിന്ന് പാരമ്പര്യമായി മക്കള്‍ക്ക് കിട്ടും ശാരീരിക പ്രത്യേകതകള്‍

ഉയരം

ഉയരം കുട്ടികളില്‍ കൂടുതലോ അല്ലെങ്കില്‍ കുറവോ ആണെങ്കില്‍ അത് അച്ഛനില്‍ നിന്ന് പാരമ്പര്യമായി ലഭിച്ചതാണ് എന്നാണ് ശാസ്ത്രം പറയുന്നത്. ഇതിന് ശാസ്ത്രത്തിന്റെ പിന്തുണയുണ്ട് എന്നത് തന്നെയാണ് സത്യം. മാതാപിതാക്കളില്‍ നിന്നും പാരമ്പര്യമായി ലഭിച്ച 700 ജനിതക വ്യതിയാനങ്ങളാണ് ഒരാളുടെ ഉയരം നിര്‍ണ്ണയിക്കുന്നത്. എന്നിരുന്നാലും, ഓരോ മാതാപിതാക്കളുടെയും ഉയരമുള്ള ജീന്‍ അല്പം വ്യത്യസ്തമായ രീതിയില്‍ പ്രവര്‍ത്തിക്കുന്നതായിരിക്കും. എന്നാല്‍ അച്ഛന്റെ ജീനുകളാണ് പലപ്പോഴും കുട്ടികളില്‍ ഉയരത്തെ നിര്‍ണയിക്കുന്നത്. ഉയരമുള്ള അച്ഛനാണെങ്കില്‍ മക്കള്‍ക്കും ഉയരമുണ്ടായിരിക്കും, എന്നാല്‍ ഉയരക്കുറവാണെങ്കില്‍ കുട്ടികള്‍ക്കും ഉയരക്കുറവുണ്ടാവും എന്നാണ് ശാസ്ത്രം പറയുന്നത്.

വളഞ്ഞ പല്ലുകള്‍

നിങ്ങളുടെ കുഞ്ഞിന് ഒരു പല്ലിന് മുകളില്‍ മറ്റൊരു പല്ല് ഉണ്ടോ? എന്നാല്‍ ഇത് അച്ഛനില്‍ നിന്ന് പാരമ്പര്യമായി ലഭിക്കുന്നതാണ് എന്നാണ് പറയുന്നത്. പലപ്പോഴും അച്ഛന്റെ ദന്താരോഗ്യം മോശമാണെങ്കില്‍ അത് മക്കളേയും ബാധിക്കുന്നതിനുള്ള സാധ്യതയുണ്ട്. അതുകൊണ്ട് തന്നെ ഇവര്‍ക്ക് മറ്റ് കുട്ടികളേക്കാള്‍ കൂടുതല്‍ തവണ ദന്തഡോക്ടറെ കാണേണ്ടതായി വരുന്നു. അമ്മയ്ക്ക് വലിയ പല്ലുകള്‍ ഉണ്ടെങ്കിലും പലപ്പോഴും അത് കുഞ്ഞിന് ലഭിക്കണം എന്നില്ല. എന്നാല്‍ അച്ഛനുണ്ടാവുന്ന ദന്തപ്രശ്‌നങ്ങള്‍ എല്ലാം തന്നെ കുഞ്ഞിനുണ്ടാവുന്നതിന് സാധ്യതയുണ്ട്.

ലിംഗഭേദം

നവജാതശിശുക്കളുടെ ലിംഗഭേദത്തിന് 100% ഉത്തരവാദികള്‍ അച്ഛനാണ്. സെക്സ് ക്രോമസോമുകള്‍ എന്നറിയപ്പെടുന്ന എക്‌സ്, വൈ ക്രോമസോമുകള്‍ കുട്ടിയുടെ ലിംഗഭേദം നിര്‍വചിക്കുന്നു. പെണ്‍കുട്ടികള്‍ക്ക് അവരുടെ പിതാവില്‍ നിന്ന് X ക്രോമസോം പാരമ്പര്യമായി ലഭിക്കുന്നു, അതിന്റെ ഫലമായി XX ജനിതകമാതൃകയും പുരുഷന്മാര്‍ക്ക് അവരുടെ പിതാവില്‍ നിന്ന് Y ക്രോമസോമും ലഭിക്കുന്നു, ഇത് XY ജനിതകരൂപത്തിന് കാരണമാകുന്നു. അമ്മമാര്‍ എക്സ് ക്രോമസോമുകള്‍ മാത്രമേ കൈമാറുന്നുള്ളൂ എന്നതിനാല്‍, കുഞ്ഞ് ആണായാലും പെണ്ണായാലും അതിന്റെ പൂര്‍ണ നിയന്ത്രണം അച്ഛനാണ്.

നുണക്കുഴികള്‍

നുണക്കുഴികള്‍ കാണുന്നതിന് വളരെ രസമാണ്. ഇത് പലരും സൗന്ദര്യത്തിന്റെയും ആകര്‍ഷണീയതയുടെയും അടയാളമായി കാണപ്പെടുന്നു. എന്നിരുന്നാലും, മുഖത്തെ പേശികളുടെ ചുരുങ്ങല്‍ മൂലമുണ്ടാകുന്ന വൈകല്യമായിട്ടാണ് ശാസ്ത്രജ്ഞര്‍ നുണക്കുഴികളെ വിശേഷിപ്പിക്കുന്നത്. എന്നാല്‍ നുണക്കുഴികള്‍ ഒരു പ്രധാന ജനിതക മാറ്റമായാണ് കണക്കാക്കുന്നത്. അതുകൊണ്ട് തന്നെ അവ പാരമ്പര്യമായി ലഭിച്ചതാണെന്നതാണ് പറയുന്നത്. അവ സാധാരണയായി പിതാവില്‍ നിന്ന് പാരമ്പര്യമായി ലഭിക്കുന്നതാണ്.

വിരലടയാളം

ലോകത്ത് ഒരാള്‍ക്കും മറ്റൊരാളുടേതിന് സമാനമായ വിരലടയാളം ഉണ്ടായിരിക്കില്ല. എന്നാല്‍ ഒരേ രീതിയിലുള്ള ഒരു പാറ്റേണ്‍ ഉണ്ടാവുന്നതിനുള്ള സാധ്യതയുണ്ട്. എന്നിരുന്നാലും, ഒരു കുഞ്ഞിന്റെ വിരലടയാളം അവരുടെ പിതാവിന്റെ വിരലടയാളം പോലെയായിരിക്കുന്നതിനുള്ള സാധ്യത വളരെ കൂടുതലാണ്. വിരലടയാള പാറ്റേണുകള്‍ നമ്മുടെ അച്ഛനില്‍ നിന്ന് പാരമ്പര്യമായി ലഭിച്ച ജനിതക സവിശേഷതകളാണ് എന്നതാണ് ശാസ്ത്രം പറയുന്നത്.

ഇടക്കിടെ തുമ്മുന്നത്

തുമ്മുന്നത് ഒരു മനുഷ്യന്റെ സ്വാഭാവിക പ്രക്രിയയാണ്. സൂര്യനെയോ മറ്റ് പ്രകാശമാനമായ ലൈറ്റുകളിലേക്കോ നോക്കുമ്പോള്‍ അനിയന്ത്രിതമായി തുമ്മുന്ന ഒരാള്‍ പലപ്പോഴും നമുക്കിടയില്‍ ഉണ്ടാവാം. എന്നാല്‍ ഇത് പലപ്പോഴും നിങ്ങള്‍ക്ക് ലഭിക്കുന്ന ഒരു ജനിതക സ്വഭാവമാണ് എന്നതാണ് സത്യം. ഈ അവസ്ഥയെ അച്ചൂ സിന്‍ഡ്രോം എന്നാണ് വിളിക്കുന്നത്. ഇത് പിതാവിന്റെ ഭാഗത്ത് നിന്ന് പകരാനുള്ള സാധ്യത കൂടുതലാണ്. ഇതെല്ലാമാണ് പാരമ്പര്യമായി അച്ഛനില്‍ നിന്ന് മക്കള്‍ക്ക് ലഭിക്കുന്ന ചില ശാരീരിക സ്വഭാവ സവിശേഷതകള്‍.