വീട്ടില്‍ ഒരിക്കലും ചെരിപ്പിട്ട് ഈ മുറികളില്‍ കയറരുത്; വാസ്തുദോഷം ഫലം

ധാന്യപ്പുര

ചെരിപ്പ് ധരിച്ച് വീട്ടിലെ ധ്യാന്യം അല്ലെങ്കില്‍ അരി സൂക്ഷിക്കുന്ന മുറിയിലേക്ക് പോകുന്നത് അശുഭകരമാണെന്ന് വാസ്തു ശാസ്ത്രത്തില്‍ പറയുന്നു. ഇത് ചെയ്യുന്നതിലൂടെ, വീട്ടില്‍ ഭക്ഷണത്തിന് കുറവുണ്ടാകുന്നു. ഇക്കാരണത്താല്‍, ധാന്യപ്പുരയില്‍ കടക്കുമ്പോള്‍ ഷൂ, ചെരിപ്പ്, സ്ലിപ്പറുകള്‍ എന്നിവ അഴിച്ചുവയ്ക്കാന്‍ ആരും മറക്കരുത്.

നിലവറ

ലക്ഷ്മിദേവി വസിക്കുന്ന ഇടമാണ് നിലവറയെന്ന് കരുതപ്പെടുന്നു. ഇക്കാരണത്താല്‍, ചെരിപ്പ് ധരിച്ച് ഒരിക്കലും നിലവറ തുറക്കുകയോ അതില്‍ പ്രവേശിക്കുകയോ ചെയ്യരുത്. ഇത് ലക്ഷ്മി ദേവിയുടെ കോപത്തിന് ഇടവരുത്തുകയും ദേവി വീട് വിട്ട് പോവുകയും വീട്ടില്‍ സാമ്പത്തിക പ്രതിസന്ധി ആരംഭിക്കുകയും ചെയ്യുമെന്ന് പറയപ്പെടുന്നു.

പൂജാമുറി

ഹിന്ദുമതത്തില്‍ ഒരു ക്ഷേത്രമോ ആരാധനാലയമോ ദൈവത്തിന്റെ ഭവനമായി കണക്കാക്കപ്പെടുന്നു. ഇവിടെ ചെരിപ്പും ധരിച്ച് പ്രവേശിക്കുന്നത് ദേവീദേവന്മാര്‍ക്ക് ശല്യമുണ്ടാക്കുന്നതാണെന്ന് വിശ്വസിക്കപ്പെടുന്നു. ഇങ്ങനെ ചെയ്താല്‍ വീട്ടില്‍ സാമ്പത്തിക നഷ്ടം ആരംഭിക്കുകയും കുടുംബത്തില്‍ വിള്ളലുണ്ടാവുകയും ചെയ്യുമെന്നും പറയപ്പെടുന്നു. അതിനാല്‍ പൂജാമുറിയില്‍ ഒരിക്കലും ചെരിപ്പ് ധരിച്ച് പ്രവേശിക്കരുത്.

അടുക്കള

ചെരിപ്പ്, സ്ലിപ്പര്‍ എന്നിവ ധരിച്ച് അടുക്കളയില്‍ പ്രവേശിക്കുന്നത് അന്നപൂര്‍ണ ദേവിയെ ശല്യപ്പെടുത്തുന്നുവെന്ന് പറയപ്പെടുന്നു. ഇതിലൂടെ വീട്ടില്‍ സാമ്പത്തിക ഞെരുക്കം ആരംഭിക്കുന്നു. ഇക്കാരണത്താല്‍, അടുക്കളയില്‍ ചെരിപ്പ് ധരിച്ച് പ്രവേശിക്കാതിരിക്കുക.

പുണ്യനദി

ഒരു പുണ്യനദിയില്‍ ഒരിക്കലും പാദരക്ഷ ഇട്ട് കാല്‍വയ്ക്കരുതെന്ന് വാസ്തു ശാസ്ത്രം പറയുന്നു. പുണ്യനദികളില്‍ കുളിക്കുന്നതിനുമുമ്പ്, ചെരിപ്പും തുകല്‍ കൊണ്ട് നിര്‍മ്മിച്ച വസ്തുക്കളും അകറ്റി നിര്‍ത്തണം. ഇത് ചെയ്യുന്നതിലൂടെ വീട്ടില്‍ സമാധാനം കൈവരുമെന്ന് വിശ്വസിക്കപ്പെടുന്നു.