Just In
- 8 min ago നിഴല് ഗ്രഹത്തിന്റെ രാശിമാറ്റം: 2025 വരെ തിരിഞ്ഞുനോക്കേണ്ട ഈ 3 രാശിക്കാര്ക്ക്
- 2 hrs ago Weekly Horoscope: അതിശ്രേഷ്ഠഫലങ്ങള് നല്കും ഒരാഴ്ച: വിവാഹം, ജോലി, കരിയര് മാറ്റങ്ങള് അത്ഭുതപ്പെടുത്തും
- 11 hrs ago യോഗ ചെയ്യുമ്പോള് വെള്ളം കുടിക്കാമോ? കുടിക്കുന്നതിലെ അപകടമെന്ത്?
- 11 hrs ago Lok Sabha Election 2024: പുതിയ, ശക്തനായ നേതാവ് ഉയര്ന്നുവരും, ഭരണമാറ്റമുണ്ടാകും, ജ്യോതിഷ പ്രവചനം ഇങ്ങനെ
Don't Miss
- News ഇനി കുതിപ്പ് പെന്നി സ്റ്റോക്കുകൾക്ക് ഒപ്പം; വിപണിയിൽ തരംഗമായി ഈ ഓഹരികൾ, വില നൂറിൽ താഴെ..!
- Finance തുടർച്ചയായ രണ്ടാം ദിവസവും ഇടിഞ്ഞ് സ്വർണ വില, ഇന്ന് കുറഞ്ഞത് 80 രൂപ, ഇപ്പോൾ വാങ്ങിയാൽ നേട്ടമാകുമോ..
- Movies ഐശ്വര്യയുടെ കാമുകൻമാർക്കൊപ്പം കുടുങ്ങിയാൽ; നടി തന്റെ ഭാര്യയാകുമെന്ന് അഭിഷേക് കരുതിയില്ല; വൈറലായി വീഡിയോ
- Sports IPL 2024: ആദ്യ മത്സരത്തില് തകര്പ്പന് ജയം, സിഎസ്കെ കപ്പ് ഉറപ്പിച്ചോ? മുമ്പ് സംഭവിച്ചത് ഇതാണ്
- Automobiles സിഎൻജിയിൽ ഓടുന്ന ലോകത്തിലെ ആദ്യ ബൈക്ക്, അവതരണത്തിന് സമയം കുറിച്ച് ബജാജ്
- Travel ആശ്വാസം തേടി പാവങ്ങളുടെ ഊട്ടിയിലേക്ക് വരേണ്ട, അരുവികൾ വറ്റി, വരൾച്ചയിൽ നെല്ലിയാമ്പതി
- Technology പഴയ ഫോണുകൾക്കും എസ്24 സീരീസിന് സമാനമായ എഐ ഫീച്ചറുകൾ നൽകാനൊരുങ്ങി സാംസങ്; പുതിയ തീരുമാനം ഉടൻ
Mother's Day 2023: അമൂല്യമായ സ്നേഹത്തിന്റെ അവസാന വാക്ക്; 'അമ്മ'
സ്നേഹത്തിന്റെ പര്യായമാണ് ഓരോ മാതാവും. ജീവിതത്തില് അമ്മമാരുടെ പ്രാധാന്യം എന്തെന്ന് എടുത്തു പറയേണ്ട ആവശ്യമില്ല. എങ്കിലും അമ്മമാരെ ആദരിക്കാനായി നമ്മള് ഓരോ വര്ഷവും ഒരു പ്രത്യേക ദിനം തിരഞ്ഞെടുത്തിട്ടുണ്ട്. അവരെ ബഹുമാനിക്കാനും ആദരിക്കാനുമായി എല്ലാ വര്ഷവും മെയ് മാസത്തിലെ രണ്ടാമത്തെ ഞായറാഴ്ച മാതൃദിനമായി ആഘോഷിക്കുന്നു. ലോകത്തിന്റെ പല ഭാഗത്തും മാതൃദിനത്തില് അമ്മമാരെ ആദരിക്കുന്നതിനായി വിവിധ പരിപാടികള് സംഘടിപ്പിക്കുന്നു. മാതൃദിനത്തിന്റെ ചരിത്രം എന്തെന്ന് അറിയാന് തുടര്ന്ന് വായിക്കൂ.
എല്ലാ വര്ഷവും മെയ് മാസത്തിലെ രണ്ടാം ഞായറാഴ്ച ഇന്ത്യയില് മാതൃദിനമായി ആഘോഷിക്കുന്നു. ഈ വര്ഷം അത് മെയ് 14 ഞായറാഴ്ചയാണ്. വ്യത്യസ്ത തീയതികളില് വിവിധ സ്ഥലങ്ങളില് മാതൃദിനം ആഘോഷിക്കുന്നു. ബ്രിട്ടനില് മാര്ച്ചിലെ നാലാമത്തെ ഞായറാഴ്ചയാണ് മദര് ചര്ച്ചിന്റെ സ്മരണയ്ക്കായി മാതൃദിനം ആഘോഷിക്കുന്നത്. ഗ്രീസില് കിഴക്കന് ഓര്ത്തഡോക്സ് വിശ്വാസികള്ക്ക് പ്രധാനപ്പെട്ട ഒന്നാണ് മാതൃദിനം. ഫെബ്രുവരി രണ്ടാം തീയതി യേശുക്രിസ്തുവിനെ പള്ളിമേടയില് പ്രദര്ശിപ്പിച്ചാണ് അവര് ആഘോഷങ്ങള് നടത്തുന്നത്.
യുഎസിലാണ് ആദ്യമായി മാതൃദിനം ആഘോഷിച്ചതെന്ന് കരുതുന്നു. 1905ല് അമ്മ മരിച്ചതിനെ തുടര്ന്ന് അന്ന റീവെസ് ജാര്വിസ് എന്ന സ്ത്രീയാണ് മാതൃദിനം എന്ന ആശയത്തിന് തുടക്കമിട്ടത്. 1908ല് ഈ പ്രചാരണം ഫലം കണ്ടു. വിര്ജീനിയയുടെ പടിഞ്ഞാറന് പ്രദേശമായ ഗ്രാഫ്റ്റണിലെ സെന്റ് ആന്ഡ്രൂസ് മെത്തഡിസ്റ്റ് പള്ളിയില് അന്ന ജാര്വിസ് സ്വന്തം അമ്മയുടെ ശവകുടീരത്തിന് മുകളില് പുഷ്പങ്ങള് അര്പ്പിച്ച് പ്രാര്ത്ഥനയ്ക്ക് തുടക്കം കുറിച്ചു. ഈ പള്ളി ഇന്ന് അന്താരാഷ്ട്ര മാതൃദിന പള്ളിയെന്ന പദവി വഹിക്കുന്നു.
1914 ല് അമേരിക്കയില്, മദര് ഡേ ഒരു ഔദ്യോഗിക അവധി ദിനമായി മാറി. പ്രസിഡന്റ് വുഡ്രോ വില്സണ് മെയ് മാസത്തിലെ രണ്ടാമത്തെ ഞായറാഴ്ച മാതൃത്വത്തെ ബഹുമാനിക്കുന്ന ദിവസമായി പ്രഖ്യാപിച്ചു.
അറബ് രാഷ്ട്രങ്ങള് ഏറെയും മാര്ച്ച് 21നാണ് മാതൃദിനം. ക്രൈസ്തവ മത രാഷ്ട്രങ്ങളില് ചിലത് ഈ ദിവസം വിശുദ്ധ മേരി മാതാവിന്റെ ദിനമായും ആചരിക്കുന്നു. ബൊളീവിയയില് മാതൃദിനം എന്നത് സ്ത്രീകള് പങ്കെടുത്ത യുദ്ധത്തിന്റെ ദിവസമാണ്. മുന് കമ്യൂണിസ്റ്റ് രാഷ്ട്രങ്ങളിലെല്ലാം അന്താരാഷ്ട്ര വനിതാ ദിനമാണ് മാതൃദിനമായി ആഘോഷിച്ചുവരുന്നത്.
പൊക്കിള് കൊടിയില് തുടങ്ങുന്നതാണ് അമ്മയും കുഞ്ഞും തമ്മിലുള്ള ബന്ധം. ഓരോ അമ്മയും സ്നേഹത്തിന്റെ അവസാനത്തെ വാക്കാണ്. സ്വന്തം മക്കളെ ജീവശ്വാസം പോലെ സ്നേഹിക്കുന്ന ഓരോ അമ്മമാര്ക്കുമായി ഈ ദിനം സമര്പ്പിക്കുന്നു. മാതൃദിനാശംസകള്..