സെപ്റ്റംബര്‍ മാസത്തിലെ പ്രധാന ആഘോഷ ദിനങ്ങള്‍

1 സെപ്റ്റംബര്‍ - 7 സെപ്റ്റംബര്‍: ദേശീയ പോഷകാഹാര വാരം

പോഷകാഹാരത്തിന്റെ പ്രാധാന്യത്തെക്കുറിച്ച് ആള്‍ക്കാരെ ബോധവാന്മാരാക്കാന്‍ എല്ലാ വര്‍ഷവും സെപ്റ്റംബര്‍ ഒന്ന് മുതല്‍ സെപ്റ്റംബര്‍ ഏഴ് വരെ ഇന്ത്യയില്‍ പോഷകാഹാര വാരം ആചരിക്കുന്നു.

സെപ്റ്റംബര്‍ 2 - ലോക നാളികേര ദിനം

ദാരിദ്ര്യ നിര്‍മാര്‍ജനത്തില്‍ നാളികേരത്തിന്റെ പ്രാധാന്യത്തെക്കുറിച്ച് ജനങ്ങളെ ബോധവത്കരിക്കുന്നതിനായി എല്ലാ വര്‍ഷവും സെപ്റ്റംബര്‍ 2 ന് ലോക നാളികേര ദിനം ആചരിക്കുന്നു. ഏഷ്യന്‍ പസഫിക് കോക്കനട്ട് കമ്മ്യൂണിറ്റിയുടെ (എ.പി.സി.സി) രൂപീകരണ ദിനത്തെയും ഈ ദിവസം ഓര്‍മ്മിക്കുന്നു.

Most read:രുദ്രാക്ഷം ധരിച്ച് ഇക്കാര്യങ്ങള്‍ ചെയ്താല്‍ ദോഷം ഫലം

5 സെപ്റ്റംബര്‍- അധ്യാപക ദിനം

സാക്ഷരതയുടെ പ്രാധാന്യത്തെക്കുറിച്ച് ജനങ്ങളെ ബോധവാന്മാരാക്കുന്നതിനായി എല്ലാ വര്‍ഷവും സെപ്റ്റംബര്‍ 8 ന് അന്തര്‍ദേശീയ സാക്ഷരതാ ദിനം ആചരിക്കുന്നു. യുഎന്‍ സുസ്ഥിര വികസന ലക്ഷ്യങ്ങളുടെ ഒരു പ്രധാന ഘടകമാണ് സാക്ഷരത.

സെപ്റ്റംബര്‍ 8 - അന്താരാഷ്ട്ര സാക്ഷരതാ ദിനം

സാക്ഷരതയുടെ പ്രാധാന്യത്തെക്കുറിച്ച് ജനങ്ങളെ ബോധവാന്മാരാക്കുന്നതിനായി എല്ലാ വര്‍ഷവും സെപ്റ്റംബര്‍ 8 ന് അന്തര്‍ദേശീയ സാക്ഷരതാ ദിനം ആചരിക്കുന്നു. യുഎന്‍ സുസ്ഥിര വികസന ലക്ഷ്യങ്ങളുടെ ഒരു പ്രധാന ഘടകമാണ് സാക്ഷരത.

സെപ്റ്റംബര്‍ 10 - ലോക ആത്മഹത്യാ പ്രതിരോധ ദിനം

ഇന്റര്‍നാഷണല്‍ അസോസിയേഷന്‍ ഓഫ് സൂയിസൈഡ് പ്രിവന്‍ഷനും ലോകാരോഗ്യ സംഘടനയും ചേര്‍ന്ന്‌ ആത്മഹത്യ തടയുന്നതിനായി ജനങ്ങളില്‍ അവബോധം വളര്‍ത്തുന്നതിനായി സെപ്റ്റംബര്‍ 10ന് ആത്മഹത്യാ പ്രതിരോധ ദിനം ആഘോഷിക്കുന്നു.

14 സെപ്റ്റംബര്‍- ഹിന്ദി ദിവസ്

1949 സെപ്റ്റംബര്‍ 14 -ന് ദേവനാഗരി ലിപിയില്‍ എഴുതിയ ഹിന്ദി ഇന്ത്യയുടെ ഔദ്യോഗിക ഭാഷയായി അംഗീകരിക്കപ്പെട്ടു. ഈ ദിവസം അടയാളപ്പെടുത്തുന്നതിനായി എല്ലാ വര്‍ഷവും സെപ്റ്റംബര്‍ 14 ഹിന്ദി ദിവസ് ആയി ആഘോഷിക്കുന്നു. ഇന്ത്യയുടെ രാഷ്ട്രഭാഷ ഹിന്ദിയാണ്.

Most read:ശിവപുരാണം പ്രകാരം ഏറ്റവും വലിയ പാപങ്ങള്‍; ഒരിക്കലും പരമേശ്വരന്‍ മാപ്പുനല്‍കില്ല

14 സെപ്റ്റംബര്‍ - ലോക പ്രഥമശുശ്രൂഷ ദിനം

അടിയന്തിര സാഹചര്യങ്ങളില്‍ ജീവന്‍ രക്ഷിക്കാന്‍ പ്രഥമശുശ്രൂഷയെക്കുറിച്ച് അവബോധം സൃഷ്ടിക്കുന്നതിനും എല്ലാ ആളുകള്‍ക്കും ഇത് പ്രാപ്യമാക്കുന്നതിനുമായി സെപ്റ്റംബര്‍ 14 ലോക പ്രഥമശുശ്രൂഷ ദിനമായി ആഘോഷിക്കുന്നു. 2021 സെപ്റ്റംബറില്‍ അന്താരാഷ്ട്ര തലത്തില്‍ ശ്രദ്ധിക്കപ്പെടുന്ന പ്രധാനപ്പെട്ട ദിവസങ്ങളില്‍ ഒന്നാണിത്.

15 സെപ്റ്റംബര്‍ - എഞ്ചിനീയേഴ്‌സ് ദിനം

ഇന്ത്യയിലെ ഏറ്റവും ശ്രദ്ധേയരായ എഞ്ചിനീയര്‍മാരില്‍ ഒരാളായി കണക്കാക്കപ്പെടുന്ന എം വിശ്വേശ്വരയ്യയോടുള്ള ആദരസൂചകമായി സെപ്റ്റംബര്‍ 15 ന് ദേശീയ എഞ്ചിനീയര്‍ ദിനം ആഘോഷിക്കുന്നു.

Most read:മുഖത്ത് ഈ മറുകുണ്ടോ? എങ്കില്‍ ഭാഗ്യം നിങ്ങളുടെ കൂടെയുണ്ട്‌

സെപ്റ്റംബര്‍ 15- ലോക ജനാധിപത്യ ദിനം

സെപ്റ്റംബറിലെ പ്രധാനക ദിവസങ്ങളില്‍ ഒന്നാണ് ഇത്. ജനാധിപത്യത്തെക്കുറിച്ചും സുസ്ഥിരമായ ജീവിതത്തിന് അതിന്റെ പ്രാധാന്യത്തെക്കുറിച്ചും ജനങ്ങളെ ബോധവാന്മാരാക്കാനായി സെപ്റ്റംബര്‍ 15 ലോക ജനാധിപത്യ ദിനമായി ലോകമെമ്പാടും ആഘോഷിക്കുന്നു.

സെപ്റ്റംബര്‍ 16- ലോക ഓസോണ്‍ ദിനം

ഭൂമിയിലെ ഓസോണ്‍ പാളിയുടെ ശോഷണം തടയാന്‍ ഒപ്പിട്ട മോണ്‍ട്രിയല്‍ പ്രോട്ടോക്കോള്‍ കണക്കിലെടുത്താണ് ലോക ഓസോണ്‍ ദിനം ആഘോഷിക്കുന്നത്. ഈ ദിവസം, ഓസോണ്‍ പാളിയുടെ പ്രാധാന്യത്തെക്കുറിച്ചും അത് എങ്ങനെ സംരക്ഷിക്കാമെന്നും ആളുകളെ ബോധവാന്‍മാരാക്കുന്നു.

18 സെപ്റ്റംബര്‍ - ലോക മുള ദിനം

ആഗോളതലത്തില്‍ മുളയെക്കുറിച്ചുള്ള അവബോധം വര്‍ദ്ധിപ്പിക്കുന്നതിനായി സെപ്തംബര്‍ 18 -ന് ലോക മുള ദിനം ആചരിക്കുന്നു.

സെപ്റ്റംബര്‍ 21 - ലോക അല്‍ഷിമേഴ്‌സ് ദിനം

അല്‍ഷിമേഴ്‌സ് രോഗത്തെക്കുറിച്ചും അത് ബാധിച്ചവരുടെ ക്ഷേമത്തിനുമായി ലോക ജനതയെ ബോധവത്കരിക്കുന്നതിനായി സെപ്റ്റംബര്‍ 21 ലോക അല്‍ഷിമേഴ്‌സ ദിനമായി ആചരിക്കുന്നു.

21 സെപ്റ്റംബര്‍ - അന്താരാഷ്ട്ര സമാധാന ദിനം (യുഎന്‍)

യു.എന്‍ നിര്‍ദേശപ്രകാരംസെപ്റ്റംബര്‍ 21 ലോകമെമ്പാടും ലോക സമാധാന ദിനം ആചരിക്കുന്നു.

സെപ്റ്റംബര്‍ 22 - റോസ് ദിനം (കാന്‍സര്‍ രോഗികളുടെ ക്ഷേമം)

കാന്‍സര്‍ രോഗികളുടെ ക്ഷേമത്തിനായി സെപ്റ്റംബര്‍ 22 ന് റോസ് ദിനം ആചരിക്കുന്നു. അര്‍ബുദം സുഖപ്പെടുത്താനാകുമെന്ന് കാന്‍സര്‍ രോഗികളില്‍ പ്രതീക്ഷ വര്‍ധിപ്പിക്കുന്നതിനായാണ് ഈ ദിനം ആചരിക്കുന്നത്. കാനഡയിലെ 12 വയസ്സുള്ള മെലിന്‍ഡ റോസിന്റെ ഓര്‍മ്മയ്ക്കായാണ് ഈ ദിനം ആഘോഷിക്കപ്പെടുന്നത്.

സെപ്റ്റംബര്‍ 22 - ലോക കാണ്ടാമൃഗം ദിനം

കാണ്ടാമൃഗങ്ങള്‍ അഭിമുഖീകരിക്കുന്ന അപകടങ്ങളെക്കുറിച്ചും വംശനാശഭീഷണി നേരിടുന്ന ഈ മൃഗങ്ങളെ എങ്ങനെ സംരക്ഷിക്കാമെന്നും ആളുകളെ ബോധവത്കരിക്കുന്നതിനായ സെപ്റ്റംബര്‍ 22 ലോക കാണ്ടാമൃഗ ദിനമായി ആചരിക്കുന്നു.

23 സെപ്റ്റംബര്‍ - അന്താരാഷ്ട്ര ആംഗ്യഭാഷാ ദിനം

സെപ്റ്റംബര്‍ 23 ന് യുഎന്‍ ജനറല്‍ അസംബ്ലി ദിവസത്തെ അന്താരാഷ്ട്ര ആംഗ്യഭാഷാ ദിനമായി പ്രഖ്യാപിച്ചു. എല്ലാ ബധിരരുടെയും മറ്റ് ആംഗ്യഭാഷാ ഉപയോക്താക്കളുടെയും ഭാഷാപരമായ സ്വത്വത്തെയും സാംസ്‌കാരിക വൈവിധ്യത്തെയും പിന്തുണയ്ക്കുന്നതിനും പരിരക്ഷിക്കുന്നതിനുമായി ഈ ദിവസം പ്രയോജനപ്പെടുത്തുന്നു.

സെപ്റ്റംബര്‍ 25 - ലോക ഫാര്‍മസിസ്റ്റ് ദിനം

2009 ല്‍, തുര്‍ക്കിയിലെ ഇസ്താംബൂളില്‍ നടന്ന ഇന്റര്‍നാഷണല്‍ ഫാര്‍മസ്യൂട്ടിക്കല്‍ ഫെഡറേഷന്‍ (എഫ്‌ഐപി) കോണ്‍ഗ്രസ് സെപ്റ്റംബര്‍ 25ന് ലോക ഫാര്‍മസിസ്റ്റ് ദിനമായി ആചരിക്കാന്‍ തീരുമാനിച്ചു.

25 സെപ്റ്റംബര്‍ - അന്ത്യോദയ ദിവസ്

പണ്ഡിറ്റ് ദീന്‍ ദയാല്‍ ഉപാധ്യായയുടെ ജന്മവാര്‍ഷികത്തോടനുബന്ധിച്ച് സെപ്റ്റംബര്‍ 25 ന് 'അന്ത്യോദയ ദിവസ്' ആയി ആഘോഷിക്കാന്‍ പ്രഖ്യാപിച്ചു. 2014 മുതല്‍ ഈ ദിവസം ആഘോഷിച്ചുവരുന്നു.

Most read:നിങ്ങള്‍ക്കറിയാമോ, ശ്രീകൃഷ്ണനെ കുറിച്ചുള്ള ഈ വസ്തുതകള്‍ ?

സെപ്റ്റംബര്‍ 26- ലോക ഗര്‍ഭനിരോധന ദിനം

ഫലപ്രദമായ ഗര്‍ഭനിരോധന മാര്‍ഗ്ഗത്തിന്റെ പ്രാധാന്യത്തെക്കുറിച്ചും അതിന്റെ പ്രാധാന്യത്തെക്കുറിച്ചും ആളുകള്‍ എന്തുകൊണ്ട് ഇത് ഉപയോഗിക്കണം എന്നതിനെക്കുറിച്ചും സമൂഹത്തില്‍ അവബോധം വളര്‍ത്തുന്നതിനായി സെപ്റ്റംബര്‍ 26ന് ലോക ഗര്‍ഭനിരോധന ദിനമായി ആചരിക്കുന്നു.

സെപ്റ്റംബര്‍ 26 - ലോക നദി ദിനം (സെപ്റ്റംബറിലെ നാലാമത്തെ ഞായറാഴ്ച)

നദികളെയും അവയുടെ പാരിസ്ഥിതിക സംവിധാനത്തെയും സംരക്ഷിക്കുന്നതിനെക്കുറിച്ച് അവബോധം വളര്‍ത്തുന്നതിനായി സെപ്റ്റംബര്‍ 26ന് ലോക നദി ദിനമായി ആഘോഷിക്കുന്നു.

27 സെപ്റ്റംബര്‍ - ലോക ടൂറിസം ദിനം

ലോകമെമ്പാടുമുള്ള ദശലക്ഷക്കണക്കിന് ആളുകള്‍ക്ക് തൊഴില്‍ സൃഷ്ടിക്കുന്നതിനും ഭാവി കെട്ടിപ്പടുക്കുന്നതിനും സഹായിക്കുന്ന ടൂറിസത്തിന്റെ പ്രാധാന്യം ഉയര്‍ത്തിക്കാട്ടുന്നതിനായി എല്ലാ വര്‍ഷവും സെപ്റ്റംബര്‍ 27 ന് ലോക ടൂറിസം ദിനം ആഘോഷിക്കുന്നു.

Most read:ഭാഗ്യവും സമ്പത്തും എക്കാലവും; 12 രാശികള്‍ക്കും ഭാഗ്യം നല്‍കും രത്‌നങ്ങള്‍

സെപ്റ്റംബര്‍ 29 - ലോക ഹൃദയ ദിനം

ഹൃദ്രോഗം, പക്ഷാഘാതം എന്നിവയെക്കുറിച്ചും അവയുടെ പ്രതിരോധങ്ങളെക്കുറിച്ചും അവബോധം സൃഷ്ടിക്കുന്നതിനാണ് സെപ്റ്റംബര്‍ 29 ന് ലോക ഹൃദയദിനം ആഘോഷിക്കുന്നത്.

30 സെപ്റ്റംബര്‍ - അന്താരാഷ്ട്ര വിവര്‍ത്തന ദിനം

എല്ലാ വര്‍ഷവും സെപ്റ്റംബര്‍ 30 നാണ് അന്താരാഷ്ട്ര വിവര്‍ത്തന ദിനം ആചരിക്കുന്നത്. ഭാഷാ പ്രൊഫഷണലുകളുടെ പ്രവര്‍ത്തനത്തിന് ആദരമര്‍പ്പിക്കാനുള്ള അവസരമാണ് ഈ ദിവസം. രാജ്യങ്ങളെ ഒരുമിപ്പിക്കുന്നതിലും ലോക സമാധാനവും സുരക്ഷയും ശക്തിപ്പെടുത്തുന്നതിലും ഭാഷാ വിവര്‍ത്തനം ഒരു പ്രധാന പങ്ക് വഹിക്കുന്നു.