വീട്ടില്‍ ഐശ്വര്യം നിറയാന്‍ ആ ചിത്രം

കുടുംബ ചിത്രങ്ങള്‍

വീടിന്റെ തെക്കേ ഭിത്തിയില്‍ കുടുംബ ചിത്രങ്ങള്‍ തൂക്കുന്നതു നല്ലതാണ്. പര്‍വ്വതങ്ങള്‍, കെട്ടിടങ്ങള്‍ എന്നിവയുടെ ചിത്രങ്ങളും ഇവിടെ സൂക്ഷിയ്ക്കുന്നതു ഗുണം നല്‍കും. വീടിന്റെ പടിഞ്ഞാറേ ഭിത്തിയില്‍ കുട്ടികളുടെ ചിത്രങ്ങള്‍ നല്ലതാണ്. ഇത് പുതിയ അവസരങ്ങള്‍ കുടുംബത്തിനു നല്‍കാന്‍ സഹായിക്കും.

ഫോട്ടോകള്‍ വയ്ക്കാന്‍

ഫോട്ടോകള്‍ വയ്ക്കാന്‍ കിഴക്ക്, തെക്കു ദിശ ഏറെ ഉത്തമമാണ്. ഇത് സൂര്യനുമായി ബന്ധപ്പെട്ടിരിയ്ക്കുന്നു. ഈ ദിക്കില്‍ പൂക്കള്‍, സ്ത്രീ എന്നിങ്ങനെയുളള ചിത്രങ്ങള്‍ നല്ലതാണ്.

കിടപ്പു മുറിയില്‍

കിടപ്പു മുറിയില്‍ പ്രണയവുമായി ബന്ധപ്പെട്ട ചിത്രങ്ങള്‍ സൂക്ഷിയ്ക്കുന്നതാണ് കൂടുതല്‍ നല്ലത്. ഇത് ദാമ്പത്യത്തിന് ഗുണം നല്‍കുമെന്നു വേണം, പറയുവാന്‍. പക്ഷികളുടെ ചിത്രങ്ങള്‍, യാത്രകളുടെ ചിത്രങ്ങള്‍, ദമ്പതിമാരുടെ ചിത്രങ്ങള്‍ എന്നിവ ഇവിടെ ഗുണം ചെയ്യും.

വെള്ളം ഒഴുകുന്ന രീതിയിലെ ചിത്രങ്ങള്‍

വെള്ളം ഒഴുകുന്ന രീതിയിലെ ചിത്രങ്ങള്‍, ജല സ്രോതസിന്റെ ചിത്രങ്ങള്‍ എന്നിവ വീട്ടില്‍ സൂക്ഷിയ്ക്കുന്നത് ഏറെ നല്ലതാണ്. ഇവ വടക്കു കിഴക്കു ദിശയില്‍ വയ്ക്കരുത്.

ചാടുന്ന കുതിരകളുടെ ചിത്രങ്ങള്‍

വീട്ടില്‍ ചാടുന്ന കുതിരകളുടെ ചിത്രങ്ങള്‍ സൂക്ഷിയ്ക്കുന്നത് ഏറെ നല്ലതാണെന്നു വേണം, പറയുവാന്‍. വാസ്തു ശാസ്ത്ര പ്രകാരം ഇവ വിജയം, ശക്തി, ഉയര്‍ച്ച എന്നിവ സൂചിപ്പിയ്ക്കുന്ന ഒന്നാണ്. ഇവ തെക്കേ ഭിത്തിയില്‍ വയ്ക്കുന്നതാണ് കൂടുതല്‍ നല്ലത്. ഇവ ജനലുകള്‍ക്ക് എതിരെയുളള ഭിത്തികളില്‍ വയ്ക്കരുത്. വാതില്‍, വാഷ്‌റൂം, അടുക്കള എന്നിവയ്ക്ക് അടുത്തും ജനലുകള്‍ക്ക് എതിരെയുളള ഭിത്തികളിലും ഇവ വയ്ക്കരുത്.

യുദ്ധം, ദുരന്തം, ദുഖം

യുദ്ധം, ദുരന്തം, ദുഖം എന്നിങ്ങനെയുളള ചിത്രങ്ങള്‍ ചുവരില്‍ വയ്ക്കരുത്. കുട്ടികളുടെ ചിത്രം വയ്ക്കാമെങ്കിലും കരയുന്ന കുട്ടികളുടെ ചിത്രം വയ്ക്കരുത്. ഇവയെല്ലാം നെഗറ്റീവ് ഊര്‍ജം കൊണ്ടു വരുന്നവയാണ്. കണ്ണീരിന്റെയോ കരയുന്നതോ ആയ യാതൊരു ചിത്രങ്ങളും ഇവിടെ വയ്ക്കരുത്. ഇത് ദോഷം വരുത്തുന്ന ഒന്നാണ്.

ദൈവങ്ങളുടെ ചിത്രങ്ങള്‍

ദൈവങ്ങളുടെ ചിത്രങ്ങള്‍ വയ്ക്കാം. എന്നാല്‍ ഇവ പൂജാമുറിയില്‍ സൂക്ഷിയ്ക്കുന്നതാണ് നല്ലത്. വെണ്ണക്കണ്ണന്‍, രാധാകൃഷ്ണന്‍ എന്നിവയെല്ലാം വീടിന് പൊസറ്റീവ് ഊര്‍ജം നല്‍കുന്ന ചിത്രങ്ങളാണ്.