Click it and Unblock the Notifications
Just In
-
-
-
-
Don't Miss
-
ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ -
ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി -
ഡബിള് രാജയോഗം പോക്കറ്റ് നിറയ്ക്കും, അടിപൊളി നേട്ടങ്ങള് ലഭിക്കും; ഭാഗ്യം ഈ രാശിക്കാര്ക്കൊപ്പം -
IPL 2024: ആര്സിബിക്കു ഡു ഓര് ഡൈ, തോറ്റാല് പുറത്ത്; ടോസ് ഏഴു മണിക്ക് -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
1 കോടി രൂപ സമ്പാദ്യം എന്നത് യാഥാർത്ഥ്യമാക്കാം, ഇതാണ് നിക്ഷേപ പദ്ധതി, ഇന്ന് തന്നെ തുടങ്ങൂ... -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
മെയ് ദിനം; തൊഴിലാളികളുടെ അവിസ്മരണീയ ദിനം
ലോകമെമ്പാടുമുള്ള തൊഴിലാളികള്‍ വിവിധ കാലങ്ങളില്‍ നടത്തിയ സമരങ്ങളുടെ ഫലമാണ് ഇന്ന് നാം അനുഭവിക്കുന്ന മനുഷ്യാവകാശങ്ങള്‍. ഒരു ദിവസം എട്ടുമണിക്കൂര്‍ ജോലി, എട്ടു മണിക്കൂര്‍ വിനോദം, എട്ടുമണിക്കൂര്‍ വിശ്രമം എന്ന മനുഷ്യാവകാശം നേടിയെടുക്കാന്‍ ചിക്കാഗോയിലെ തൊഴിലാളികള്‍ പോരാടുകയും മരണം വരിക്കുകയും ചെയ്ത ദിവസത്തിന്റെ ഓര്‍മയാണ് മെയ്ദിനം. ലോകമെമ്പാടുമുള്ള തൊഴിലാളികളുടെ പൊരാട്ടത്തിന്റെ ഫലമായി നേടിയെടുത്ത അവകാശങ്ങള്‍ സ്മരിക്കുന്നതിനായി മെയ് 1 ന് അന്താരാഷ്ട്ര തൊഴിലാളി ദിനം ആഘോഷിക്കുന്നു.
ദേശീയമായും അന്തര്‍ദ്ദേശീയമായും വിവിധ പരിപാടികളോടെ ആഘോഷിക്കുന്ന ഈ ദിനം തൊഴിലാളികളുടെ സംഭാവനകളെയും തൊഴിലാളി പ്രസ്ഥാനങ്ങളെയും അനുസ്മരിക്കുന്ന അവസരമാണ്. മെയ് ദിനത്തെക്കുറിച്ചുള്ള ചില രസകരമായ വസ്തുതകള്‍ ഈ ലേഖനത്തില്‍ നിങ്ങള്‍ക്ക് വായിച്ചറിയാം.
ഇന്ത്യയിലെ തൊഴിലാളി ദിനം
1923 മെയ് 1 ന് ലേബര്‍ കിസാന്‍ പാര്‍ട്ടി ഓഫ് ഹിന്ദുസ്ഥാന്‍, മദ്രാസില്‍ വച്ച് ആദ്യത്തെ മെയ് ദിനാഘോഷം സംഘടിപ്പിച്ചു. ഇന്ത്യയില്‍ ആദ്യമായി ചുവന്ന പതാക ഉപയോഗിച്ച കാലം കൂടിയായിരുന്നു അത്. കമ്മ്യൂണിസ്റ്റ്, സോഷ്യലിസ്റ്റ് രാഷ്ട്രീയ പാര്‍ട്ടികളുടെ തൊഴിലാളി പ്രസ്ഥാനങ്ങളുമായി മെയ്ദിനം ബന്ധപ്പെട്ടിരിക്കുന്നു. 1960 ല്‍ മുന്‍ ബോംബെ സംസ്ഥാനം ഭാഷാപരമായി ഗുജറാത്ത്, മഹാരാഷ്ട്ര എന്നിങ്ങനെ വിഭജിക്കപ്പെട്ടതിനുശേഷം മെയ് 1 മഹാരാഷ്ട്ര ദിനം, ഗുജറാത്ത് ദിനം എന്നിങ്ങനെ ആചരിച്ചുവരുന്നു.
മെയ് ദിനം : രസകരമായ വസ്തുതകള്‍
1886 മെയ് 1 ന് അമേരിക്കയിലെ തൊഴിലാളി യൂണിയനുകള്‍ പണിമുടക്കാന്‍ തീരുമാനിച്ചു, തൊഴിലാളികളെ ദിവസത്തില്‍ 8 മണിക്കൂറില്‍ കൂടുതല്‍ ജോലി ചെയ്യിക്കരുതെന്ന് ആവശ്യപ്പെട്ടു. പണിമുടക്ക് ആരംഭിച്ച് മൂന്ന് ദിവസത്തിന് ശേഷം, ചിക്കാഗോയിലെ ഹെയ്മാര്‍ക്കറ്റ് സ്‌ക്വയറിലുണ്ടായ ഒരു സ്ഫോടനത്തില്‍ നിരവധി പേര്‍ കൊല്ലപ്പെട്ടു. അവകാശ പോരാട്ടങ്ങള്‍ക്കിടെ സ്ഫോടനത്തില്‍ കൊല്ലപ്പെട്ട തൊഴിലാളികളെ ആദരിക്കുന്നതിനായി അന്താരാഷ്ട്ര സോഷ്യലിസ്റ്റ് സമ്മേളനം മെയ് 1 തൊഴിലാളികളുടെ ദിനമായി പ്രഖ്യാപിച്ചു.
മെയ് ദിനം : രസകരമായ വസ്തുതകള്‍
* തൊഴിലാളികളെ അനുസ്മരിച്ച് ഈ ദിനം ആഘോഷിക്കാന്‍ നിര്‍ദ്ദേശിച്ച വ്യക്തിയാണ് ബ്രദര്‍ഹുഡ് ഓഫ് കാര്‍പെന്റേഴ്സ് ആന്റ് ജോയ്നേഴ്സിന്റെ ജനറല്‍ സെക്രട്ടറിയും അമേരിക്കന്‍ ഫെഡറേഷന്‍ ഓഫ് ലേബര്‍ സഹസ്ഥാപകനുമായ ജെ. മക്ഗ്വയര്‍.
* പ്രതിഷേധങ്ങള്‍, പണിമുടക്കുകള്‍ എന്നിവ അടയാളപ്പെടുത്തുന്നതാണ് തൊഴിലാളി ദിനം. 1971 ലെ വിയറ്റ്‌നാം യുദ്ധത്തിനെതിരായ യുഎസ് നിസ്സഹകരണ നടപടികളാണ് തൊഴിലാളി ദിനത്തിലെ ഏറ്റവും അറിയപ്പെടുന്ന ചില സംഭവങ്ങളിലൊന്ന്.
മെയ് ദിനം : രസകരമായ വസ്തുതകള്‍
* ഇന്ത്യയില്‍ തൊഴിലാളി ദിനം 'അന്താരാഷ്ട്ര ശ്രമിക് ദിവസ്', 'ഉഴൈപാളര്‍ ദിനം'(തമിഴ്) എന്നിങ്ങനെ ഓരോ സംസ്‌കാരങ്ങളിലായി ആഘോഷിക്കുന്നു. ഇന്ത്യയില്‍ തൊഴിലാളി ദിനത്തിന്റെ ആദ്യത്തെ ഔദ്യോഗിക ആഘോഷം 1923 മെയ് 01 ന് ചെന്നൈയില്‍ 'ലേബര്‍ കിസാന്‍ പാര്‍ട്ടി ഓഫ് ഹിന്ദുസ്ഥാന്‍' നേതൃത്വത്തിലാണ് നടന്നത്.
* തൊഴിലാളി ദിനത്തിന്റെ പ്രതീകമായ ചുവന്ന പതാക ഇന്ത്യയില്‍ ആദ്യമായി ഉപയോഗിച്ചു. പ്രമുഖ കമ്മ്യൂണിസ്റ്റ് നേതാവ് മലയപുരം സിംഗാരവേലു ചെട്ടിയാര്‍ പതാക ഉയര്‍ത്തി മെയ് ദിനം ആഘോഷിക്കാന്‍ യോഗങ്ങള്‍ സംഘടിപ്പിച്ചു.
മെയ് ദിനം : രസകരമായ വസ്തുതകള്‍
* 1882 സെപ്റ്റംബര്‍ 5ന് ന്യൂയോര്‍ക്കിലെ സെന്‍ട്രല്‍ ലേബര്‍ യൂണിയന്‍, യൂണിയന്‍ പ്രവര്‍ത്തനങ്ങള്‍ ആഘോഷിക്കുന്നതിനും എല്ലാ യൂണിയനുകള്‍ക്കും പിന്തുണ പ്രഖ്യാപിക്കുന്നതിനുമായി പരേഡ് നടത്തി. സിറ്റി ഹാളില്‍ നിന്ന് യൂണിയന്‍ സ്‌ക്വയറിലൂടെ 42 ആം സ്ട്രീറ്റിലേക്ക് മാര്‍ച്ച് ചെയ്യാന്‍ പതിനായിരത്തിലധികം യൂണിയന്‍ തൊഴിലാളികള്‍ അണിനിരന്നു.
* 1887 ഫെബ്രുവരി 21 ന് തൊഴിലാളി ദിനത്തെ നിയമപരമായ അവധി ദിനമായി അംഗീകരിച്ച ആദ്യത്തെ അമേരിക്കന്‍ സംസ്ഥാനമാണ് ഒറിഗോണ്‍. അതേ വര്‍ഷം തന്നെ കൊളറാഡോ, മസാച്ചുസെറ്റ്‌സ്, ന്യൂജേഴ്സി, ന്യൂയോര്‍ക്ക് എന്നിവയും നിയമപരമായി അവധി സ്വീകരിച്ചു.
മെയ് ദിനം : രസകരമായ വസ്തുതകള്‍
* 1894 ജൂണ്‍ 28 ന് തൊഴിലാളി ദിനത്തെ സെപ്റ്റംബറിലെ ആദ്യ തിങ്കളാഴ്ച ആക്കാനുള്ള തീരുമാനം അംഗീകരിച്ചു.
* അമേരിക്കന്‍ ഐക്യനാടുകള്‍ ഈ ദിവസം ആഘോഷിക്കുന്നതിനും പത്ത് വര്‍ഷം മുമ്പ് തന്നെ കാനഡ 1872 ല്‍ തൊഴിലാളി ദിനം ആഘോഷിച്ചിരുന്നു.
* പത്തൊന്‍പതാം നൂറ്റാണ്ടില്‍ അമേരിക്കക്കാര്‍ ദിവസം 12 മണിക്കൂര്‍ വച്ച് ആഴ്ചയില്‍ ഏഴു ദിവസവും ജോലി ചെയ്തിരുന്നു.
