ഭാവി പറയും നിങ്ങളുടെ പല്ലുകള്‍...

വരിയും നിരയും തെറ്റാത്ത പല്ലുകള്‍

മനോഹരമായ, അതായത് നല്ല പല്ലുകള്‍, വരിയും നിരയും തെറ്റാത്ത പല്ലുകള്‍ സൗന്ദര്യ ലക്ഷണമാണെന്നു പറയാം. ഇതു സാമുദ്രിക ശാസ്ത്ര പ്രകാരവും നല്ല ലക്ഷണമാണെന്നാണ് പറയുന്നത്. തിങ്ങിയതും വിടവുള്ളതുമായ പല്ലുകള്‍ ജീവിത വിജയത്തിന് തടസമാണ്. ഇത് നല്ല അവസരങ്ങള്‍ നഷ്ടപ്പെടുത്തുവാനും കാരണമാകും.

പല്ലിന്റെ നിറവും

പല്ലിന്റെ നിറവും വെളിപ്പെടുത്തുന്ന ചിലതുണ്ട്. ഇളം മഞ്ഞ കലര്‍ന്ന നിറമാണ് സാധാരണ പല്ലുകളുടേത്. അതേ സമയം ഇവയുടെ പുറം ഭാഗം വെള്ള നിറത്തിലായിരിയ്ക്കും. ഇത് മഹാഭാഗ്യത്തെ സൂചിപ്പിയ്ക്കുന്നു. അതേ സമയം നല്ല വെളുത്ത, തിളങ്ങുന്ന പല്ലുകള്‍ ലക്ഷണ ശാസ്ത്ര പ്രകാരം നല്ല ഫലമല്ല, പറയുന്നത്. ഇത് ദുര്‍ഭാഗ്യവും ജീവിതത്തിലെ പ്രശ്‌നങ്ങളുമെല്ലാം സൂചിപ്പിയ്ക്കുന്നു. പല്ലുകള്‍ക്കിടയില്‍ തീരെ വിടവില്ലാത്തതും ന്ല്ല ലക്ഷണമല്ല. ഇത്തരക്കാര്‍ വിശ്വസിയ്ക്കാന്‍ കൊള്ളാത്തവരും സമൂഹത്തിന് ദോഷം ചെയ്യുന്നവരുമാകുമെന്ന് ലക്ഷണ ശാസ്ത്രം പറയുന്നു.

വായിലെ പല്ലുകളുടെ എണ്ണവും

വായിലെ പല്ലുകളുടെ എണ്ണവും പല കാര്യങ്ങളും സൂചിപ്പിയ്ക്കുന്നു. സാധാരണ പറയുക പ്രായപൂര്‍ത്തിയായ ഒരാളുടെ വായില്‍ 32 പല്ലുകളാണ് ഉണ്ടാവുക എന്നതാണ്. എന്നാല്‍ ചിലരില്‍ ഇതില്‍ വ്യത്യാസങ്ങളും വരാറുണ്ട്. 31-32 പല്ലുകളെങ്കില്‍ ധനവും സമൂഹത്തില്‍ സ്ഥാനവുമുള്ളവരാകും. 28-30 വരെയാണ് പല്ലുകളുടെ എണ്ണമെങ്കില്‍ ഇവര്‍ സുഖവും ദുഖവും ഒരുപോലെയുള്ളവരാകും. ആരോഗ്യ കാര്യത്തിലും ഇവര്‍ക്കു പ്രശ്‌നങ്ങളുണ്ടാകാം. 25-27 പല്ലുകളെങ്കില്‍ കുടുംബത്തില്‍ നിന്നും ബന്ധുക്കളില്‍ നിന്നും അകന്നു ജീവിയ്ക്കാന്‍ യോഗമുള്ളവരാകും. 27 പല്ലില്‍ താഴെയാണെങ്കില്‍ ജീവിതത്തില്‍ ഏറെ പ്രശ്‌നങ്ങളുള്ളവരാകും. ഇവര്‍ക്ക് വിജയം വളരെ പതുക്കയേ വരികയുമുള്ളൂ.

മുകള്‍ നിരയിലെയും താഴത്തെ നിരയിലേയും

മുകള്‍ നിരയിലെയും താഴത്തെ നിരയിലേയും പല്ലുകള്‍ തമ്മില്‍ ചെറിയ അകലമുള്ളവരെങ്കില്‍ ഇവര്‍ നല്ല പോലെ സംസാരിയ്ക്കുന്ന പ്രകൃതക്കാരാകും. രണ്ടു പല്ലുകള്‍ക്കിടയില്‍ അകലം കൂടുതലും അതേ സമയം നല്ല പോലെ തിളങ്ങുന്ന കണ്ണുകളുമുള്ള വ്യക്തികളെങ്കില്‍ പങ്കാളിയെ വഞ്ചിയ്ക്കുവാന്‍ സാധ്യത കൂടുതലുള്ളവരാണ്. കാര്യങ്ങള്‍ രഹസ്യമാക്കി വയ്ക്കാനും എന്നാല്‍ ചിലപ്പോഴെല്ലാം കള്ളത്തരം പിടിയ്ക്കപ്പെടാനും സാധ്യതയുള്ള വ്യക്തികളാണ്.

മോണയുടെ നിറവും ആകൃതിയും

മോണയുടെ നിറവും ആകൃതിയും പല കാര്യങ്ങളും സൂചിപ്പിയ്ക്കുന്നതായി ലക്ഷണ ശാസ്ത്രം പറയുന്നു. വീതിയേറിയ, കട്ടിയുള്ള മോണകളുള്ള വ്യക്തികള്‍ക്ക് അഹങ്കാരവും ദാരിദ്ര്യവും ഫലമായി പറയുന്നു. പിങ്ക് നിറത്തിലെ മോണയെങ്കില്‍ ദയാലുക്കളും മര്യാദക്കാരുമാകും. ഇവര്‍ക്കു ദീര്‍ഘായുസുമുണ്ടാകും. ഇരുണ്ട, രക്തനിറത്തിലെ മോണയെങ്കില്‍ പെട്ടെന്നു ദേഷ്യം വരുന്ന, അക്രമാസക്തരായ കൂട്ടരാകും. കറുത്ത മോണയെങ്കില്‍ ദുര്‍ഭാഗ്യവും ദാരിദ്ര്യവും ഫലമായി പറയുന്നു