സാമ്പത്തികത്തിനും കാര്യസാധ്യത്തിനും തേങ്ങവിദ്യ

കോടതി വ്യവഹാരങ്ങളില്‍ വിജയമുണ്ടാകാന്‍

കോടതി വ്യവഹാരങ്ങളില്‍ വിജയമുണ്ടാകാന്‍ തേങ്ങ ഉപയോഗിച്ചു പൂജ നടത്താം. വീട്ടില്‍ തേങ്ങ ഉപയോഗിച്ചു ചെറിയ പൂജ നടത്തുക. പിന്നീട് ഇതില്‍ ചുവപ്പു നിറത്തിലെ ഏതെങ്കിലും പൂ വയ്ക്കുക. പിന്നീട് കേസിനായി പോകുമ്പോള്‍ ഈ പൂവു കയ്യില്‍ കരുതുക. ഇത് വിജയം നല്‍കും.

കരിങ്കണ്ണു നീങ്ങാനും

കരിങ്കണ്ണു നീങ്ങാനും തേങ്ങാ പ്രയോഗമുണ്ട്. ചൊവ്വാഴ്ച ദിവസങ്ങളില്‍ തേങ്ങ ചുവന്ന തുണിയില്‍ പൊതിഞ്ഞ് കരിങ്കണ്ണു ദോഷം മാറേണ്ടയാളുടെ തലയ്ക്കു ചുറ്റും 7 തവണ ഉഴിയുക. പിന്നീടിത് ഹനുമാന്റെ കാല്‍പാദത്തില്‍ സമര്‍പ്പിയ്ക്കുക.

കാര്യതടസം നീങ്ങാന്‍

കാര്യതടസം നീങ്ങാന്‍ കിടക്കും നേരം സമീപത്തായി ഒരു തേങ്ങ വയ്ക്കുക. പിന്നീട് ഇത് ഗണപതിയ്ക്കു മറ്റു പൂജാദ്രവ്യങ്ങളോടൊപ്പം സമര്‍പ്പിയ്ക്കുക. കാര്യതടസം നീങ്ങിക്കിട്ടും. ബിസിനസ് ലാഭത്തിനായി വ്യാഴാഴ്ച ദിവസം ഒരു മഞ്ഞത്തുണിയില്‍ തേങ്ങ പൊതിഞ്ഞ് ഇതിനൊപ്പം മഞ്ഞ നിറത്തിലെ മധുരവുമടക്കം വിഷ്ണു ക്ഷേത്രത്തില്‍ സമര്‍പ്പിയ്ക്കുക.

ജീവിതത്തിലെ പ്രശ്‌നങ്ങള്‍ നീങ്ങിക്കിട്ടുവാന്‍

ജീവിതത്തിലെ പ്രശ്‌നങ്ങള്‍ നീങ്ങിക്കിട്ടുവാന്‍ ഒരു തേങ്ങ, ചുവന്ന തുണി, ചുവപ്പു പൂക്കള്‍, കര്‍പ്പൂരം എന്നിവയടക്കം ദുര്‍ഗാദേവിയ്ക്കു സമര്‍പ്പിയ്ക്കുക.

സാമ്പത്തിക തടസം

സാമ്പത്തിക തടസം പലരേയും അലട്ടുന്ന ഒന്നാണ്. സാമ്പത്തികം നന്നാകാനും തേങ്ങാപ്രയോഗമുണ്ട്. ചൊവ്വാഴ്ച ദിവസങ്ങളില്‍ തേങ്ങ കൊണ്ട് ഹനുമാന്‍ ക്ഷേത്രത്തില്‍ പോകുക. ഹനുമാന്റെ വിഗ്രഹത്തില്‍ നിന്നുള്ള കുങ്കുമം കൊണ്ട് തേങ്ങയില്‍ സ്വാസ്തിക് ചിഹ്നം വരയ്ക്കുക. പിന്നീട് അവിടെയിരുന്ന് ഹനുമാന്‍ ചാലിസ ജപിയ്ക്കുക. ഇത് എട്ടാഴ്ച ചെയ്യുക. സാമ്പത്തിക തടസങ്ങള്‍ മാറിക്കിട്ടും. ദാരിദ്ര്യം മാറാന്‍ വെള്ളിയാഴ്ച ദിവസം തേങ്ങ കയ്യിലെടുത്ത് മഹാലക്ഷ്മിയോടു പ്രാര്‍ത്ഥിയ്ക്കുക. പിന്നീട് ഈ തേങ്ങ ലോക്കറില്‍ സൂക്ഷിയ്ക്കുക.