വിവാഹഭാവി പറയും ഈ പ്രത്യേക രേഖ

ഹൃദയരേഖ

ഇരു കൈകളും ചേര്‍ത്തു പിടിച്ചാല്‍ ഹൃദയരേഖ എന്നൊരു രേഖ, ഇത് ഏറ്റവും മുകളില്‍ വശത്തു നിന്നും മുകളിലേയ്ക്കു പോകുന്ന രേഖയാണ്, ഇതു വരുന്ന രീതി അനുസരിച്ചു പല കാര്യങ്ങളും പറയാനാകും. പ്രത്യേകിച്ചും വിവാഹ, പ്രണയ കാര്യങ്ങളില്‍ ഇതു പല തരത്തിലുള്ള വിശദീകരണങ്ങളും നല്‍കുന്നു.

കൈകള്‍ കൂട്ടി വയ്ക്കുമ്പോള്‍

കൈകള്‍ കൂട്ടി വയ്ക്കുമ്പോള്‍ ഒരേ നിരപ്പില്‍ വരുന്ന രേഖകളെങ്കില്‍ പങ്കാളി എത്തരക്കാരന്‍, അല്ലെങ്കില്‍ എത്തരക്കാരിയെങ്കിലും നിങ്ങള്‍ നിറഞ്ഞ മനസോടെ സ്വീകരിയ്ക്കുമെന്നു പറയാം. എല്ലാവരുടേയും ഇഷ്ടപ്രകാരം പങ്കാളിയെ സ്വീകരിയ്ക്കുന്നവര്‍. സ്വന്തം താല്‍പര്യം മാത്രം നോക്കിയല്ല, പങ്കാളിയെ സ്വീകരിയ്ക്കുന്നതെന്നു വേണം, പറയുവാന്‍. സെന്‍സിറ്റീവായ, മാന്യരായ കൂട്ടരാകും ഇവരെന്നു പറയും. കോമണ്‍സെന്‍സുള്ളവര്‍.

വലതു കൈപ്പത്തിയിലെ രേഖ ഇടതു കൈപ്പത്തിയേക്കാള്‍ മുകളിലായി വരുന്നുവെങ്കില്‍

കൈ കൂട്ടി വയ്ക്കുമ്പോള്‍ വലതു കൈപ്പത്തിയിലെ രേഖ ഇടതു കൈപ്പത്തിയേക്കാള്‍ മുകളിലായി വരുന്നുവെങ്കില്‍ പങ്കാളിയുമായി ഏറെ പ്രായ വ്യത്യാസമുണ്ടാകും. ഇത്തരക്കാര്‍ക്ക് തങ്ങളേക്കാള്‍ ഏറെ പ്രായക്കൂടുതലുളള പങ്കാളിയെ ലഭിയ്ക്കാന്‍ സാധ്യതയേറെയാണ്. സമൂഹം പറയുന്നതു കേട്ടു ജീവിക്കാതെ തങ്ങളുടെ ഇഷ്ടത്തിനു ജീവിയ്ക്കുന്ന ഇവര്‍ യാഥാസ്ഥിതികരുമാകില്ല.

ഇടതു കൈ ഹൃദയ രേഖ

ഇടതു കൈ ഹൃദയ രേഖ ഉയര്‍ന്നു നില്‍ക്കുന്നവരെങ്കില്‍ തീവ്രമായി പ്രണയിക്കുന്ന, പ്രണയത്തിനു വേണ്ടി ഏറെ വെല്ലുവിളികള്‍ സ്വീകരിയ്ക്കുന്നവരും നേരിടുന്നവരുമാകും. യാഥാസ്ഥിതിക വഴികളിലൂടെയാകില്ല, ഇവര്‍ പ്രണയത്തിനും വിവാഹത്തിനും വേണ്ടി നീങ്ങുക. വിദേശികളടക്കമുള്ളവരെ വിവാഹം കഴിയ്ക്കുന്ന ഇവര്‍ പൊതുവേ കാഴ്ചയില്‍ ഏറെ ആകര്‍ഷണമുള്ളവരുമാകും.