ഗുരുപൂര്‍ണിമ ദിനത്തില്‍ പ്രിയപ്പെട്ട ഗുരുവിന് ആശംസകള്‍ കൈമാറാം

Updated: Thursday, July 10, 2025, 9:59 [IST]

ഗുരു സങ്കല്‍പ്പത്തിന് മുന്നില്‍ നമുക്കുള്ളതെല്ലാം സമര്‍പ്പിക്കുന്ന ദിവസമാണ് ഗുരുപൂര്‍ണിമ. ഗുരുവെന്ന സ്ഥാനത്തിന് വളരെയധികം പ്രാധാന്യം നല്‍കുന്ന ഒരു ദിവസമാണ് ഗുരുപൂര്‍ണിമ. ആഷാഢ മാസത്തിലെ പൗര്‍ണമി ദിവസത്തിലാണ് ഗുരുപൂര്‍ണിമ ആഘോഷിക്കുന്നത്. ഗുരുപൂര്‍ണിമ വിശ്വഗുരുവായ വേദവ്യാസന്റെ ജയന്തി ദിനമായും ആഘോഷിക്കപ്പെടുന്നു. നമ്മുടെ ജീവിതത്തില്‍ വളരെയധികം മാറ്റം വരുത്തുന്ന ഒരു വ്യക്തിയാണ് ഗുരു എപ്പോഴും. നമ്മുടെ അറിവില്ലായ്മയില്‍ നിന്ന് അറിവിലേക്കുള്ള ആദ്യാക്ഷരം തുറന്ന് തരുന്നത് ഗുരുവാണ്. ഈ വര്‍ഷം ജൂലൈ 10 നാണ് ഗുരുപൂര്‍ണിമ ദിനമായി ആഘോഷിക്കുന്നത്.

നമ്മുടെ ഗുരുക്കന്‍മാരെ വന്ദിക്കുന്നതിനും ആരാധിക്കുന്നതിനും ഉള്ള ഏറ്റവും നല്ല ദിവസങ്ങളില്‍ ഒന്ന് തന്നെയാണ് ഗുരുപൂര്‍ണിമ. മാതാപിതാ ഗുരു ദൈവം എന്നാണ് പറയുന്നത്. എന്തായാലും ദൈവത്തിന് മുന്നില്‍ നില്‍ക്കുന്ന വ്യക്തിയാണ് ഗുരു. അതുകൊണ്ട് തന്നെ ദൈവത്തിന് സമമായാണ് ഗുരുവിനെ കണക്കാക്കുന്നത്. നമ്മുടെ സംസ്‌കാരവും പാരമ്പര്യവും ആയി വളരെയധികം ബന്ധപ്പട്ട് കിടക്കുന്നതാണ് ഗുരുപൂര്‍ണിമ. ഈ ദിനത്തില്‍ നമ്മുടെ പ്രിയപ്പെട്ട ഗുരുക്കന്‍മാര്‍ക്ക് ഈ സന്ദേശങ്ങള്‍ കൈമാറാവുന്നതാണ്. കൂടുതല്‍ അറിയാന്‍ വായിക്കൂ.

ഗുരുപൂര്‍ണിമ

ഗുരുവും ദൈവവും എന്റെ മുമ്പില്‍ പ്രത്യക്ഷപ്പെടുന്നു. ഞാന്‍ ആര്‍ക്കാണ് പ്രണമിക്കണം? എന്നെ ദൈവത്തെ പരിചയപ്പെടുത്തിയ ഗുരുവിന്റെ മുമ്പില്‍ ഞാന്‍ നമിക്കുന്നു - കബീര്‍