Click it and Unblock the Notifications
Latest Updates
-
ഒക്ടോബർ 19-ന് അപൂർവ്വ യോഗങ്ങൾ: സർവാർത്ഥ സിദ്ധി, ഗജകേസരി യോഗത്തിൽ ഈ കാര്യങ്ങൾ ശ്രദ്ധിക്കൂ -
വായുമലിനീകരണം ചർമ്മത്തെയും കണ്ണുകളെയും ബാധിക്കുന്നുണ്ടോ? തിളക്കം നിലനിർത്താൻ ഈ മുൻകരുതലുകൾ മതി -
വിജയദശമിക്ക് വീട് വൃത്തിയാക്കുമ്പോൾ ശ്രദ്ധിക്കുക; ചൂലും ഷൂ റാക്കും എവിടെ വെക്കണം? വാസ്തു പറയുന്നത് ഇതാണ് -
Q2 FY27 ഫലങ്ങൾ: ബജാജ് ഫിനാൻസ് മുതൽ ഐആർഇഡിഎ വരെ; ഇന്ന് വിപണിയുടെ ഗതി മാറ്റുന്ന നിർണ്ണായക പ്രഖ്യാപനങ്ങൾ -
വിജയദശമി നാളിൽ വീട്ടിൽ ഐശ്വര്യം നിറയണോ? ഈ വാസ്തു മാറ്റങ്ങൾ ഇന്ന് തന്നെ പരീക്ഷിക്കൂ -
വിദ്യാരംഭം 2026: കുഞ്ഞുങ്ങളെ ആദ്യാക്ഷരം കുറിപ്പിക്കാൻ ഒരുങ്ങുകയാണോ? ഈ ശുഭമുഹൂർത്തങ്ങൾ അറിഞ്ഞിരിക്കൂ -
കനത്ത മഴ: ബംഗളൂരു-മൈസൂരു യാത്രകളിൽ ജാഗ്രത; ഓറഞ്ച് അലർട്ട് പ്രഖ്യാപിച്ചു -
ചെന്നൈയിലെ മഴക്കാലം: ചർമ്മവും മുടിയും നശിക്കാതിരിക്കാൻ ഡെർമറ്റോളജിസ്റ്റുകൾ പറയുന്ന ഈ കാര്യങ്ങൾ ശ്രദ്ധിക്കൂ -
വെടിവെയ്പ്പിനിടയിലും ടൈഗർ ഷ്രോഫിന്റെ ഫിറ്റ്നസ് രഹസ്യം; 6 സെക്കൻഡ് ട്രാൻസ്ഫോർമേഷന് പിന്നിലെ കഠിനാധ്വാനം ഇതാണ് -
ദുർഗ്ഗാഷ്ടമി അവധി: കേരളത്തിൽ കനത്ത മഴയും യെല്ലോ അലർട്ടും; ഇന്ന് എന്തൊക്കെ പ്രവർത്തിക്കും?
ഗരുഡപുരാണം: ഭാര്യക്കും ഭര്‍ത്താവിനും ബാധകം; ഈ 4 സ്വഭാവത്താല്‍ വരും നരകതുല്യ ദാമ്പത്യജീവിതം
വിവാഹം എന്നത് ജീവിതത്തിലെ ഒരു പ്രധാന ഘട്ടമാണ്. കാരണം ഇതിനുശേഷം ഒരു പെണ്ണിന്റെയും ആണിന്റെയും ജീവിതത്തില്‍ ഒരുപാട് മാറ്റങ്ങള്‍ സംഭവിക്കുന്നു. വിവാഹശേഷം രണ്ടുപേരും ഒരു രഥത്തിന്റെ ഇരുചക്രങ്ങളായി മാറുന്നു. ഇരുവരും ചേര്‍ന്ന് വീട്ടുകാര്യങ്ങള്‍ കാര്യക്ഷമമായി നടത്തുകയും അവരുടെ ഉത്തരവാദിത്തങ്ങള്‍ നിറവേറ്റുകയും വേണം. രണ്ട് ചക്രങ്ങളില്‍ ഏതെങ്കിലും ഒന്നിന് ഇളക്കം തട്ടിയാല്‍, അതിന്റെ ഫലം ദാമ്പത്യ ജീവിതത്തിലുടനീളം ദൃശ്യമാകും.
ഗരുഡപുരാണത്തില്‍ ഒരു പങ്കാളിയുടെ കടമകളെക്കുറിച്ചും മേന്‍മകളെക്കുറിച്ചും ധാരാളം കാര്യങ്ങള്‍ പറഞ്ഞിട്ടുണ്ട്. ഒരു വ്യക്തിയുടെ ജീവിതത്തിനും മരണത്തിനുമിടയിലുള്ള കാര്യങ്ങളും മരണാനന്തരജീവിതവും ഗരുഡപുരാണത്തില്‍ വിവരിച്ചിട്ടുണ്ട്. ഗരുഡപുരാണത്തിലെ കാര്യങ്ങള്‍ മനസ്സിലാക്കാന്‍ ശ്രമിച്ചാല്‍ നിങ്ങളുടെ ജീവിതം സന്തോഷകരവും എളുപ്പമുള്ളതുമാകും. ദാമ്പത്യജീവിതത്തെക്കുറിച്ചുള്ള ചില കാര്യങ്ങള്‍ ഗരുഡ പുരാണത്തില്‍ പ്രതിപാദിച്ചിട്ടുണ്ട്. ജീവിതപങ്കാളിയുടെ ചില സ്വഭാവങ്ങള്‍ കാരണം നിങ്ങളുടെ ദാമ്പത്യജീവിതം ദുസ്സഹമാകുന്ന ചില സാഹചര്യങ്ങളുണ്ടെന്ന് ഗരുഡ പുരാണത്തില്‍ പറയുന്നു. അത്തരമൊരു സാഹചര്യത്തില്‍ ഭാര്യാഭര്‍ത്താക്കന്‍മാര്‍ക്ക് ഒരുമിച്ച് ജീവിക്കാന്‍ ബുദ്ധിമുട്ടാകുന്നു എന്നും ഗരുഡപുരാണത്തില്‍ പറഞ്ഞിട്ടുണ്ട്. അത്തരം സ്വഭാവമുള്ള ഇണയോടൊപ്പം ഒരു കുടക്കീഴില്‍ ജീവിക്കുമ്പോള്‍ ജീവിതം നരകത്തേക്കാള്‍ മോശമായിരിക്കുമെന്നും ഇണയെ ഉപേക്ഷിക്കുന്നതാണ് ഉചിതമെന്നും പറയുന്നു. ഗരുഡപുരാണത്തില്‍ പറഞ്ഞിരിക്കുന്ന അത്തരം കാര്യങ്ങള്‍ എന്തൊക്കെയെന്ന് നമുക്ക് നോക്കാം.
അപമാനിക്കുന്ന ജീവിതപങ്കാളി
നിങ്ങളുടെ ജീവിതപങ്കാളി നിങ്ങളെ അപമാനിക്കുകയും നിങ്ങളുടെ ഉത്തരവാദിത്തങ്ങള്‍ നന്നായി നിറവേറ്റാതിരിക്കുകയും ചെയ്താല്‍ അത്തരമൊരു ജീവിത പങ്കാളിയുമൊത്തുള്ള ജീവിതം നരകതുല്യമാകുമെന്ന് ഗരുഡപുരാണത്തില്‍ പറയുന്നു. അത്തരമൊരു പങ്കാളിയെ ഉപേക്ഷിക്കാന്‍ നിങ്ങള്‍ ഒരു നിമിഷം പോലും ചിന്തിക്കേണ്ടതില്ലെന്ന് ഗരുഡപുരാണത്തില്‍ പറഞ്ഞിട്ടുണ്ട്. അത്തരമൊരു സാഹചര്യം ഉണ്ടാകുമ്പോള്‍, ഇണയുമായി അകലം പാലിക്കുന്നതാണ് ഉചിതം.
മാതാപിതാക്കളെ അനാദരിക്കുന്ന പങ്കാളി
നിങ്ങളുടെ മാതാപിതാക്കളെ ബഹുമാനിക്കാത്ത, അവരെ ആവര്‍ത്തിച്ച് അപമാനിക്കുന്ന ഭാര്യ നിങ്ങള്‍ക്ക് ശാപമാണ്. അത്തരമൊരു ജീവിത പങ്കാളിയെ ഉപേക്ഷിക്കുന്നതാണ് ബുദ്ധി. അത്തരമൊരു ഇണയുമൊത്ത് ജീവിക്കുന്നതിലൂടെ വീട്ടില്‍ എല്ലായ്‌പ്പോഴും അഭിപ്രായവ്യത്യാസവും തര്‍ക്കങ്ങളും ഉണ്ടാകും. അതിനാല്‍ നിങ്ങള്‍ക്ക് ഒരിക്കലും സന്തോഷകരമായ ജീവിതം നയിക്കാന്‍ കഴിയില്ല.
ബഹുമാനമില്ലാത്ത പങ്കാളി
ഗരുഡപുരാണം പ്രകാരം പങ്കാളിയെ ബഹുമാനിക്കാത്ത, കര്‍ത്തവ്യങ്ങള്‍ നിറവേറ്റാത്ത പങ്കാളിയെ ഉപേക്ഷിക്കുന്നതാണ് നല്ലതെന്ന് ഗരുഡപുരാണത്തില്‍ പറയുന്നു. അത്തരം പുരുഷന്മാര്‍ ഒരു സ്ത്രീയുടെ ജീവിതം നരകമാക്കുന്നു. അതുകൊണ്ട് അത്തരമൊരു ജീവിത പങ്കാളിയെ ഉപേക്ഷിക്കുന്നതാണ് നിങ്ങള്‍ക്ക് നല്ലത്.
ചതിക്കുന്ന പങ്കാളി
വിവാഹ ബന്ധത്തിന്റെ പ്രധാന കണ്ണിയാണ് 'വിശ്വാസം'. വിവാഹബന്ധം നിലനില്‍ക്കുന്നത് തന്നെ വിശ്വാസത്തിന്റെയും സ്‌നേഹത്തിന്റെയും അടിസ്ഥാനത്തിലാണ്. എന്നാല്‍ നിങ്ങളുടെ ഭര്‍ത്താവ് നിങ്ങളെ ചതിക്കുകയും അപരിചിതയായ ഒരു സ്ത്രീയില്‍ ആകൃഷ്ടനാകുകയോ അല്ലെങ്കില്‍ നിങ്ങളുടെ ഭാര്യ അപരിചിതനായ ഒരു പുരുഷനോട് സൗഹൃദം സ്ഥാപിക്കുകയോ ചെയ്താല്‍, നിങ്ങളുടെ ജീവിതം നരകതുല്യമാകുമെന്ന് ഗരുഡപുരാണത്തില്‍ പറയുന്നു. അത്തരം സാഹചര്യത്തില്‍ നിങ്ങള്‍ നിങ്ങളുടെ ജീവിത പങ്കാളിയുമായി വേര്‍പിരിയുന്നതാണ് നല്ലത്. ഇത്തരമൊരു ജീവിതപങ്കാളിയോടൊപ്പമുള്ള ജീവിതം നിങ്ങളുടെ ജീവിതത്തെയും അപകടത്തിലാക്കുന്നു.
Continue with Google
