ഗരുഡപുരാണം; ജീവിതത്തില്‍ എന്നും ദൈവാനുഗ്രഹം, സന്തോഷവും സമൃദ്ധിയും; ഈ കാര്യങ്ങള്‍ ചെയ്യൂ

ദരിദ്രര്‍ക്ക് ഭക്ഷണം നല്‍കുക

ഗരുഡപുരാണം അനുസരിച്ച്, നിങ്ങളുടെ ഭക്ഷണത്തിന്റെ ഒരു ഭാഗം ദരിദ്രര്‍ക്ക് നല്‍കണമെന്ന് പറയുന്നുയ. ദരിദ്രര്‍ക്ക് ഭക്ഷണം നല്‍കുന്നതിലൂടെ നിങ്ങള്‍ക്ക് പുണ്യം നേടാനാകും. ഇതോടൊപ്പം ലക്ഷ്മീദേവിയുടെ അനുഗ്രഹവും നിങ്ങളില്‍ നിലനില്‍ക്കും. കുടുംബത്തില്‍ ഐശ്വര്യം ഉണ്ടാവുകയും ചെയ്യുന്നു.

പശുക്കളെ പരിപാലിക്കുക

ഗരുഡപുരാണം അനുസരിച്ച് പശുക്കളെ പരിപാലിക്കുന്നത് പുണ്യം നല്‍കുന്ന പ്രവൃത്തിയാണ്. ദിവസേന പശുസേവ ചെയ്യുന്നവര്‍ക്ക് ജീവിതത്തില്‍ ഐശ്വര്യവും നന്മകളും കൈവരുന്നു.

കുലദൈവത്തെ ആരാധിക്കുക

പിതൃക്കളെയും കുലദൈവങ്ങളെയും ആരാധിക്കണമെന്ന് ഗരുഡപുരാണം പറയുന്നു. കുലദൈവങ്ങളെയും പൂര്‍വ്വികരെയും ആരാധിക്കുന്ന വ്യക്തിക്ക് ജീവിതത്തില്‍ ഒരുതരത്തിലുള്ള പ്രശ്‌നവും ഉണ്ടാകില്ല. പൂര്‍വ്വികരുടെയും കുലദൈവങ്ങളുടെയും അനുഗ്രഹം ഇവരുടെമേല്‍ എപ്പോഴും നിലനില്‍ക്കും.

നിവേദ്യം അര്‍പ്പിക്കുക

വീട്ടില്‍ തയ്യാറാക്കുന്ന സാത്വിക ഭക്ഷണം കഴിക്കുന്നതിന് മുമ്പ് ദൈവത്തിന് നിവേദ്യമായി സമര്‍പ്പിക്കുക. ഇതിലൂടെ നിങ്ങള്‍ക്ക് അന്നപൂര്‍ണ മാതാവിന്റെ അനുഗ്രഹം ലഭിക്കുകയും ജീവിതത്തില്‍ ഭാഗ്യം നിലനില്‍ക്കുകയും ചെയ്യും.

തുളസി ആരാധന

നിങ്ങളുടെ വീട്ടില്‍ പതിവായി തുളസിയെ ആരാധിക്കുക. തുളസിയെ പൂജിക്കുന്ന വീട്ടില്‍ ലക്ഷ്മി ദേവി എപ്പോഴും കുടികൊള്ളുന്നു, അത്തരമൊരു വീട്ടില്‍ ഭക്ഷണത്തിനും പണത്തിനും ഒരു കുറവും ഉണ്ടാകില്ല.

ജീവികള്‍ക്ക് ഭക്ഷണം നല്‍കുക

വീട്ടില്‍ ആദ്യം ഉണ്ടാക്കുന്ന ഭക്ഷണം പശുവിനും അവസാനത്തെ ഭക്ഷണം നായയ്ക്കും നല്‍കണമെന്നാണ് പ്രമാണം. ഇതുകൂടാതെ, പക്ഷികള്‍ക്ക് ഭക്ഷണവും വെള്ളവും നല്‍കുക. അരിമാവ് ഉരുളകള്‍ ഉണ്ടാക്കി മത്സ്യത്തിന് ഭക്ഷണം നല്‍കുക. ഉറുമ്പുകള്‍ക്ക് പഞ്ചസാരയോ അരിമാവോ നല്‍കുക. ഇത്തരം പ്രവൃത്തികളും വളരെ പുണ്യകരമായി കണക്കാക്കപ്പെടുന്നു. ഗരുഡപുരാണം അനുസരിച്ച് മൃഗങ്ങളെയും പക്ഷികളെയും പരിപാലിക്കുന്ന വ്യക്തിക്ക് ജീവിതത്തില്‍ വിജയവും സന്തോഷവും സമൃദ്ധിയും ലഭിക്കും.