For Quick Alerts
ALLOW NOTIFICATIONS  
For Daily Alerts

വെള്ളത്തിനായി കേണ് മൃഗങ്ങള്‍; വീഡിയോ വൈറല്‍

|

ഓസ്ട്രേലിയയിലുടനീളം പടര്‍ന്നുപിടിച്ച വിനാശകരമായ കാട്ടുതീയുടെ ദൃശ്യങ്ങള്‍ ഏവരുടെയും മനസാക്ഷിയെ ഞെട്ടിക്കുന്നവയാണ്. പടര്‍ന്നുപിടിച്ച കാട്ടുതീ അന്‍പത് കോടിയിലധികം മൃഗങ്ങളെ കൊന്നിട്ടുണ്ടെന്നാണ് പുറത്തുവരുന്ന വാര്‍ത്തകള്‍. തീ നിയന്ത്രണവിധേയമാക്കാന്‍ മാത്രമല്ല, കഴിയുന്നത്ര മൃഗങ്ങളെ രക്ഷിക്കാനും കഠിനമായ രക്ഷാപ്രവര്‍ത്തനം ഓസ്‌ട്രേലിയില്‍ നടക്കുന്നുണ്ട്.

ഫയര്‍മാന്‍, പോലീസ് ഉദ്യോഗസ്ഥര്‍, സന്നദ്ധപ്രവര്‍ത്തകര്‍ എന്നിവര്‍ ചുട്ടുപൊള്ളുന്ന ചുറ്റുപാടുകളില്‍ നിന്ന് മൃഗങ്ങളെ രക്ഷിക്കുന്നതും പലതിനും വെള്ളം നല്‍കുന്നതുമായ നിരവധി വീഡിയോകള്‍ സോഷ്യല്‍ മീഡിയയില്‍ പ്രചരിക്കുന്നുണ്ട്. ഇത്തരത്തില്‍ ഓണ്‍ലൈനില്‍ പോസ്റ്റുചെയ്ത രണ്ട് വീഡിയോകള്‍ ഏവരുടെയും കൈയ്യടി നേടുന്നതാണ്.

View this post on Instagram

Officers giving a helping hand to local wildlife in fire affected Bendalong. Our thoughts are with all those impacted.

A post shared by NSW Police Force (@nswpolice) on Jan 5, 2020 at 4:48pm PST

എന്‍.എസ്.ഡബ്ല്യു പോലീസ് ഫോഴ്സ് അവരുടെ ഔദ്യോഗിക ഇന്‍സ്റ്റാഗ്രാം അക്കൗണ്ടില്‍ പോസ്റ്റ് ചെയ്ത ഒരു വീഡിയോയില്‍, ഒരു പോലീസ് ഉദ്യോഗസ്ഥന്‍ ദാഹിക്കുന്ന കംഗാരുവിന് സഹായഹസ്തം നല്‍കുന്നതായി കാണുന്നു. വീഡിയോയില്‍ ഒരു ഉദ്യോഗസ്ഥന്‍ കയ്യില്‍ വെള്ളം ഒഴിച്ച് കംഗാരുവിനു നേരെ നീട്ടുന്നു. ആദ്യം ഒന്ന് പിന്‍വാങ്ങിയെങ്കിലും കംഗാരു പതുക്കെ അടുത്തേക്കു വന്ന് കൈയില്‍ നിന്ന് വെള്ളം കുടിക്കുന്നു.

ജനുവരി 6ന് പങ്കിട്ട ഈ വീഡിയോ ലക്ഷക്കണക്കിനു പേര്‍ കണ്ടുകഴിഞ്ഞു. ഈ മികച്ച ദയാ പ്രവര്‍ത്തനത്തെക്കുറിച്ച് പലരും നല്ല അഭിപ്രായങ്ങളും പോസ്റ്റ് ചെയ്തിട്ടുണ്ട്. 'ഞങ്ങളുടെ മനോഹരമായ വന്യജീവികളെ പരിപാലിച്ചതിന് വളരെ നന്ദി, 'എന്തൊരു അതിശയകരമായ പോലീസുകാരന്‍... അത് വളരെ മനോഹരമായിരിക്കുന്നു.. എന്നിങ്ങനെ പോകുന്നു ചില കമന്റുകള്‍.

വൈറലായ മറ്റൊരു വീഡിയോ ഒരു ഫയര്‍മാന്‍ കോലയ്ക്ക് വെള്ളം നല്‍കുന്നതാണ്. ഹൃദയം തകര്‍ക്കുന്ന കാഴ്ചയായിരുന്നു അത്. കുടിച്ചു തീര്‍ത്തൊരു വെള്ളക്കുപ്പി കൈയില്‍ പിടിച്ച്. ഫയര്‍മാന്റെ കൈയില്‍ നിന്ന് കുടിവെള്ളം കൈപ്പറ്റുന്നു. കുപ്പിയിലെ വെള്ളം കുടിച്ചു തീര്‍ത്ത് കുറച്ച് കൂടി ആവശ്യപ്പെടുന്നതായി കൈനീട്ടുന്നു.

ജനുവരി ആറിന് പോസ്റ്റ് ചെയ്ത വീഡിയോ ദൃശ്യം ഇതുവരെ മൂന്ന് ദശലക്ഷത്തിലധികം ആളുകള്‍ കണ്ടു. 'എന്നോട് ക്ഷമിക്കൂ... ഇവയോടും മറ്റ് നിരവധി മനോഹരമായ മൃഗങ്ങളോടും ഞങ്ങള്‍ എന്താണ് ചെയ്തത് എന്നത് വിശദീകരിക്കാനാവില്ല.' ഒരു ഉപയോക്താവ് കമന്റ് ചെയ്യുന്നു.

ഓസ്‌ട്രേലിയയുടെ ചരിത്രത്തില്‍ ഇന്നുവരെ കാണാത്ത കാട്ടുതീയാണ് ഇപ്പോളുണ്ടായത്. ഇതിലൂടെ ലോകത്തിന് നഷ്ടമാകാന്‍ പോകുന്നത് പല ജീവിവര്‍ഗങ്ങളുമാണ്. കോലകളാണ് ഇതില്‍ പ്രധാനം. ലോകത്ത് അവശേഷിക്കുന്ന കോലകളില്‍ ബഹുഭൂരിഭാഗവും ഉള്ളത് ഓസ്‌ട്രേലിയയിലാണ്.

English summary

Firemen Helps Thirsty Koala and Kangaroo During Australia Bushfire, Video Goes Viral

Here is the viral video of australian force who gives water to thirsty animals. Watch it here.
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more
X