Just In
- 16 min ago ശനിയുടെ നക്ഷത്രമാറ്റം: 12 രാശിക്കും സമ്പൂര്ണ ഗുണദോഷ ഫലങ്ങള് ഒറ്റനോട്ടത്തില്
- 1 hr ago ദാമ്പത്യത്തില് എന്നും കളിയും ചിരിയും ഉണ്ടാകാന് പങ്കാളികള് ശ്രദ്ധിക്കേണ്ട കാര്യങ്ങള്
- 1 hr ago വായ്നാറ്റം, പല്ലിലെ കറ, മഞ്ഞ നിറം: ഗ്യാരണ്ടിയോടെ ഇല്ലാതാക്കും അടുക്കളയിലെ ഔഷധക്കൂട്ട്
- 3 hrs ago മുടികൊഴിച്ചിലിന് വിട, പോയ മുടി കിളിര്ത്തുവരും; ആഴ്ചയില് രണ്ടുതവണ ഉപയോഗം
Don't Miss
- Automobiles അക്ഷരം തെറ്റാതെ വിളിക്കാം 'മനിതന്'! അംഗപരിമിതരായ 13 കലാകാരന്മാര്ക്ക് സ്കൂട്ടര് സമ്മാനിച്ച് ലോറന്സ്
- News തൃശൂരിൽ കഴിഞ്ഞ തവണത്തെ വോട്ട് പോലും സുരേഷ് ഗോപിക്ക് ലഭിക്കില്ല; വിഎസ് സുനിൽ കുമാർ
- Movies ഫിറ്റ്നസ് നോക്കുമ്പോഴും 15 വര്ഷമായി ഹോട്ടല് ഭക്ഷണം; ശരീരം നോക്കുന്നതിനെക്കുറിച്ച് ഉണ്ണി മുകുന്ദന്
- Technology വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ
- Finance തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ്
- Sports IPL 2024: ഹാര്ദിക്കിനെ ഇനിയും കൂവണം, അത് അവനെ പ്രചോദിപ്പിക്കും; ആരാധകരെ ട്രോളി ശ്രേയസ്
- Travel ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
June 2022 Vrat And Festivals : ജൂണ് മാസത്തിലെ പ്രധാന വ്രതാനുഷ്ഠാനങ്ങളും ഉത്സവങ്ങളും
മെയ് മാസം അതിന്റെ അവസാനത്തോട് അടുക്കുകയാണ്. പുതിയ മാസമായ ജൂണിലേക്ക് കടക്കുകയാണ് നാം. ജ്യേഷ്ഠ മാസത്തിലെ ശുക്ല പക്ഷത്തിന്റെ രണ്ടാം ദിവസമായ ബുധനാഴ്ച മുതല് ജൂണ് മാസം ആരംഭിക്കുന്നു. ഇതോടൊപ്പം സര്വാര്ത്ത സിദ്ധി യോഗവും ഈ ദിനത്തിലുണ്ടാകും. ഈ മാസം രണ്ട് ഏകാദശികള് വരുന്നുണ്ട്. ഇതുകൂടാതെ, ഗ്രഹങ്ങളുടെ രാശിമാറ്റങ്ങളും ഈ മാസത്തില് സംഭവിക്കാന് പോകുന്നു. 2022 ജൂണ് മാസത്തില് വരുന്ന പ്രധാന വ്രതാനുഷ്ഠാനങ്ങളെയും ഉത്സവങ്ങളെയും അവയുടെ മതപരമായ പ്രാധാന്യവും എന്തെന്ന് ഇവിടെ വായിച്ചറിയാം.
Most read: വാസ്തുപ്രകാരം വീട്ടില് ഫര്ണിച്ചര് വയ്ക്കേണ്ടത് ഇങ്ങനെ
രംഭ തൃതീയ വ്രതം - ജൂണ് 2, വ്യാഴം
ജ്യേഷ്ഠമാസത്തിലെ ശുക്ലപക്ഷത്തിലെ മൂന്നാം ദിവസമാണ് രംഭതൃതീയ വ്രതം ആചരിക്കുന്നത്. ഇത്തവണ ജൂണ് 2 വ്യാഴാഴ്ചയാണ് ഈ ശുഭദിനം. ഈ ദിവസം വിവാഹിതരായ സ്ത്രീകള് തങ്ങളുടെ ഭര്ത്താവിന്റെ ദീര്ഘായുസ്സിനും കുട്ടികളുടെ പുരോഗതിക്കും വേണ്ടി ഈ വ്രതം അനുഷ്ഠിക്കുന്നു. അവിവാഹിതരായ പെണ്കുട്ടികള് നല്ല വരനെ ലഭിക്കുന്നതിനായി രംഭ തൃതീയ വ്രതം അനുഷ്ഠിക്കുന്നു. ഈ ദിവസം അപ്സരസായ രംഭയെ ആരാധിക്കുന്നു.
ഗംഗാ ദസറ - ജൂണ് 9, വ്യാഴം
ജ്യേഷ്ഠ മാസത്തിലെ ശുക്ലപക്ഷത്തിലെ പത്താം ദിവസമാണ് ഗംഗാ ദസറ ആഘോഷം. ഇത്തവണ ജൂണ് 9 വ്യാഴാഴ്ചയാണ് ഈ ശുഭദിനം. ഈ ദിവസം വളരെ ഭാഗ്യമായി കണക്കാക്കപ്പെടുന്നു, കാരണം ഈ ദിവസത്തിലാണ് ഗംഗാദേവി മനുഷ്യരെ രക്ഷിക്കാന് സ്വര്ഗത്തില് നിന്ന് ഭൂമിയിലേക്ക് വന്നത്. അന്നുമുതല് ഗംഗയെ ആരാധിക്കുന്ന പാരമ്പര്യം ആരംഭിച്ചു. ഈ ശുഭദിനത്തില് ഗംഗയില് കുളിക്കുന്നത് പാപങ്ങളെ നശിപ്പിക്കുകയും മോക്ഷം നല്കുകയും ചെയ്യുമെന്നാണ് വിശ്വാസം.
Most read:വാസ്തുപ്രകാരം ഇവ ചെയ്താല് ആത്മവിശ്വാസം വളരും ജീവിത വിജയവും
നിര്ജ്ജല ഏകാദശി - ജൂണ് 11, ശനി
ജ്യേഷ്ഠ മാസത്തിലെ ഏകാദശി ദിവസമാണ് നിര്ജ്ജല ഏകാദശി വ്രതം ആചരിക്കുന്നത്. നിര്ജ്ജല ഏകാദശി വ്രതാനുഷ്ഠാനത്തിന്റെ പ്രാധാന്യം പുരാണങ്ങളില് പറഞ്ഞിട്ടുണ്ട്. ഈ വ്രതാനുഷ്ഠാനത്തില് വെള്ളം കുടിക്കരുത്, അതിനാലാണ് ഇതിനെ നിര്ജ്ജല ഏകാദശി എന്ന് വിളിക്കുന്നത്. ഈ വ്രതം അനുഷ്ഠിക്കുന്നതിലൂടെ മഹാവിഷ്ണുവിന്റെ അനുഗ്രഹം ലഭിക്കുകയും മോക്ഷം ലഭിക്കുകയും ചെയ്യുന്നു. ഒരു വര്ഷത്തില് വരുന്ന 24 ഏകാദശികള് വ്രതം അനുഷ്ഠിക്കാന് കഴിയുന്നില്ലെങ്കില് നിര്ജ്ജല ഏകാദശി വ്രതം ഒന്നുമാത്രം അനുഷ്ഠിച്ചാല് എല്ലാ ഏകാദശികളിലെയും പുണ്യ ഫലം ലഭിക്കുമെന്ന് പറയപ്പെടുന്നു.
കബീര്ദാസ് ജയന്തി - ജൂണ് 14, വ്യാഴം
എല്ലാ വര്ഷവും ജ്യേഷ്ഠ മാസത്തിലെ ശുക്ല പക്ഷത്തിലെ പൗര്ണ്ണമി നാളിലാണ് കബീര് ദാസ് ജയന്തി ആഘോഷം. ഇത്തവണ അദ്ദേഹത്തിന്റെ ജന്മദിനം ജൂണ് 14നാണ് വരുന്നത്. 1440-ല് വാരാണസിയിലാണ് കബീര് ജനിച്ചത്. അക്കാലത്ത് എങ്ങും കാപട്യം മാത്രമായിരുന്നു. കബീര് ആ കാപട്യത്തിനെതിരെ ശബ്ദമുയര്ത്തുകയും ജനങ്ങളില് ഭക്തി വളര്ത്തുകയും ചെയ്തു. കാപട്യത്തെയും അന്ധവിശ്വാസത്തെയും എതിര്ത്ത അദ്ദേഹത്തിന്റെ ജീവിതം മുഴുവന് ജനങ്ങളില് ഐക്യം വളര്ത്താനായി നീക്കിവച്ചു.
Most read:വാസ്തുവും ഫെങ് ഷൂയിയും തമ്മിലുള്ള വ്യത്യാസം അറിയാമോ?
പൂര്ണിമ പ്രകാരമുള്ള വട സാവിത്രി വ്രതം - ജൂണ് 14, വ്യാഴം
വട സാവിത്രി വ്രതം ജ്യേഷ്ഠ മാസത്തിലെ പൗര്ണ്ണമി ദിനത്തിലും ആചരിക്കപ്പെടുന്നു. എന്നിരുന്നാലും ചില സ്ഥലങ്ങളില് ഈ വ്രതം അമാവാസി ദിനത്തിലും ആചരിക്കാറുണ്ട്. ഈ ദിവസം ആല്മരത്തെ ആരാധിക്കുന്നു, വിവാഹിതരായ സ്ത്രീകള് 16 അലങ്കാരങ്ങളോടെ വടവൃക്ഷമായ ആല്മരത്തെ ആരാധിക്കുന്നു.
യോഗിനി ഏകാദശി - ജൂണ് 24, വെള്ളി
യോഗിനി ഏകാദശി അല്ലെങ്കില് ശയനി ഏകാദശി വ്രതം ആഷാഢ മാസത്തിലെ കൃഷ്ണപക്ഷത്തിലെ ഏകാദശി ദിവസത്തില് ആചരിക്കുന്നു. ഈ വ്രതം പാപങ്ങളില് നിന്ന് മുക്തി നേടി സന്തോഷം നല്കുന്നതായി കണക്കാക്കപ്പെടുന്നു. ഈ വ്രതം ഈ ഭൂമിയി സന്തോഷവും പരലോകത്തില് മോക്ഷവും നല്കുമെന്ന് കരുതപ്പെടുന്നു. യോഗിനി ഏകാദശി വ്രതം അനുഷ്ഠിക്കുമ്പോള് 88,000 ബ്രാഹ്മണര്ക്ക് ആഹാരം നല്കുന്നതിന് തുല്യമായ ഫലം ലഭിക്കുമെന്ന് പറയുന്നു.
Most read:ചാണക്യനീതി: കഷ്ടതകള് മാത്രം ഫലം, ഈ സ്ഥലങ്ങളില് ഒരിക്കലും താമസിക്കരുത്
പ്രതിമാസ ശിവരാത്രി - ജൂണ് 27, തിങ്കള്
എല്ലാ മാസവും കൃഷ്ണപക്ഷത്തിലെ ചതുര്ദശി തിയതിയിലാണ് പ്രതിമാസ ശിവരാത്രി ഉത്സവം ആഘോഷിക്കുന്നത്. ഈ വ്രതം മഹാശിവരാത്രി പോലെ ഫലദായകമായി കണക്കാക്കപ്പെടുന്നു. എല്ലാ മാസവും വരുന്നതിനാല് ഇതിനെ പ്രതിമാസ ശിവരാത്രി എന്ന് വിളിക്കുന്നു. ശിവനെ ആരാധിച്ച് ഈ വ്രതം അനുഷ്ഠിക്കുന്നതിലൂടെ, എല്ലാ ആഗ്രഹങ്ങളും പൂര്ത്തീകരിക്കപ്പെടുകയും ഭക്തര്ക്ക് സുഖവും മോക്ഷവും ലഭിക്കുകയും ചെയ്യുന്നു.