മകര സംക്രാന്തി, വസന്ത പഞ്ചമി; 2023 ജനുവരിയിലെ പ്രധാന വ്രതങ്ങളും ഉത്സവങ്ങളും

ജനുവരി 2, തിങ്കള്‍ - പുത്രദ ഏകാദശി

പൗഷമാസത്തിലെ ശുക്ലപക്ഷത്തിലെ ഏകാദശിയിലാണ് പൗഷ പുത്രദ ഏകാദശി. സന്താനലബ്ധിക്കും സന്താനങ്ങളുടെ ദീര്‍ഘായുസ്സിനും വേണ്ടി ഭക്തര്‍ ഈ ദിനത്തില്‍ സുദര്‍ശന ചക്രധാരിയായ മഹാവിഷ്ണുവിനെ ആരാധിക്കുന്നു.

ജനുവരി 4, ബുധന്‍ - ശുക്ലപക്ഷ പ്രദോഷ വ്രതം

പൗഷ മാസത്തിലെ ശുക്ലപക്ഷത്തിലെ ത്രയോദശിയില്‍ പ്രദോഷവ്രതം ആചരിക്കും. പ്രദോഷ വ്രതം ശിവന് സമര്‍പ്പിച്ചിരിക്കുന്ന ആഘോഷമാണ്. ഒരു മാസത്തില്‍ പ്രദോഷവ്രതം രണ്ടുതവണ വരുന്നുണ്ട്.

ജനുവരി 6, വെള്ളി - പൂര്‍ണിമ വ്രതം

ഹിന്ദു മതത്തില്‍ പൂര്‍ണിമ ദിവസം വളരെ സവിശേഷമായി കണക്കാക്കപ്പെടുന്നു. ഈ ദിവസം ചന്ദ്രദേവനെ ആരാധിക്കുകയും അര്‍ഘ്യം അര്‍പ്പിക്കുകയും ചെയ്യുന്നു. എല്ലാ പൗര്‍ണ്ണമി നാളിലും കുളിച്ച് ശുദ്ധിയായി ദാനകര്‍മ്മങ്ങള്‍ ചെയ്യുന്നത് ഏറെ ഫലദായകമായി കണക്കാക്കുന്നു.

ജനുവരി 10, ചൊവ്വാഴ്ച - സങ്കഷ്ടി ചതുര്‍ത്ഥി

സങ്കഷ്ടി ചതുര്‍ത്ഥി ദിനത്തില്‍ വ്രതമനുഷ്ഠിക്കുന്നതും ഗണപതിയെ ആരാധിക്കുന്നതും ഭക്തരുടെ എല്ലാ പ്രശ്നങ്ങളില്‍ നിന്നും ആശ്വാസം നല്‍കുന്നു. ഈ ദിവസം ഭക്തര്‍ വ്രതമെടുത്ത് ആരാധനയ്ക്ക് ശേഷം ചന്ദ്രോദയത്തിനു ശേഷം വ്രതം മുറിക്കുന്നു.

ജനുവരി 14, ശനിയാഴ്ച - ലോഹ്രി

പൗഷമാസത്തിലെ കാര്‍ത്തിക നക്ഷത്രത്തിലാണ് ലോഹ്രി ഉത്സവം ആഘോഷിക്കുന്നത്. പഞ്ചാബി സമൂഹത്തിന്റെ പ്രധാന ആഘോഷമാണിത്. വിളവെടുപ്പ് കാലത്തിന്റെ വേളയിലാണ് ഈ ഉത്സവം ആഘോഷിക്കുന്നത്.

ജനുവരി 15, ഞായര്‍ - മകരസംക്രാന്തി, പൊങ്കല്‍, ഉത്തരായനം

മകരം രാശിയിലേക്കുള്ള സൂര്യന്റെ പ്രവേശനം മകര സംക്രാന്തിയായി ആഘോഷിക്കുന്നു. ഈ ദിവസം സൂര്യന്‍ മകരം രാശിയില്‍ സംക്രമിക്കുന്നു. ഈ ദിവസം കിച്ചടി തയ്യാറാക്കുകയും എള്ള്, ശര്‍ക്കര എന്നിവ കഴിക്കുകയും ചെയ്യുന്ന ആചാരവും ഭക്തര്‍ക്കിടയിലുണ്ട്. ഇതോടൊപ്പം ഈ ദിവസം തമിഴ്‌നാട്ടിലെ ജനങ്ങള്‍ പൊങ്കലും ആഘോഷിക്കുന്നു.

ജനുവരി 18, ബുധന്‍ - ഷട്തില ഏകാദശി

ഷട്തില ഏകാദശി നാളില്‍ ഭക്തര്‍ മഹാവിഷ്ണുവിനെ ആരാധിക്കുന്നു. ഈ ദിവസം എള്ള് കൊണ്ട് പൂജിക്കുന്നതും എള്ള് ദാനം ചെയ്യുന്നതും വളരെ പ്രധാനമായി കണക്കാക്കുന്നു.

ജനുവരി 19, വ്യാഴം - കൃഷ്ണപക്ഷ പ്രദോഷ വ്രതം

2023 വര്‍ഷത്തില്‍ മാഘ മാസത്തിലെ പ്രദോഷ വ്രതം വരുന്നത് ജനുവരി 19 വ്യാഴാഴ്ചയാണ്. ഈ ദിവസം ഭക്തര്‍ വ്രതമെടുക്കുകയും ഭോലേനാഥിനെ ആരാധിക്കുകയും ചെയ്യുന്നു.

ജനുവരി 20, വെള്ളി - പ്രതിമാസ ശിവരാത്രി

ഹിന്ദു കലണ്ടര്‍ അനുസരിച്ച് എല്ലാ മാസത്തെയും കൃഷ്ണപക്ഷത്തിലെ ചതുര്‍ദശി തീയതിയിലാണ് പ്രതിമാസ ശിവരാത്രി ആഘോഷിക്കുന്നത്. ശിവന്റെ അനുഗ്രഹം ലഭിക്കാന്‍ ഈ ദിവസം ഉത്തമമാണ്. ഭക്തര്‍ ഈ ദിവസം പരമേശ്വരനെ യഥാവിധി പൂജിക്കുന്നു.

ജനുവരി 21, ശനിയാഴ്ച - മൗനി അമാവാസി, മാഘ അമാവാസി

ഹിന്ദു കലണ്ടര്‍ അനുസരിച്ച് മാഘ മാസത്തിലെ അമാവാസിയെ മാഘ അമാവാസി അല്ലെങ്കില്‍ മൗനി അമാവാസി എന്ന് വിളിക്കുന്നു. ഈ ദിവസം മൗന വ്രതം ആചരിക്കുന്നതും പുണ്യനദിയില്‍ കുളിക്കുന്നതും ദാനധര്‍മ്മങ്ങള്‍ ചെയ്യുന്നതും വളരെ പ്രധാന്യമുള്ളതായി കണക്കാക്കപ്പെടുന്നു.

ജനുവരി 26, വ്യാഴം - വസന്തപഞ്ചമി

മാഘ മാസത്തിലെ ശുക്ല പക്ഷത്തിലെ അഞ്ചാം ദിവസമാണ് വസന്ത പഞ്ചമി ആഘോഷിക്കുന്നത്. ഇത് വസന്തത്തിന്റെ ആഗമനത്തെ അടയാളപ്പെടുത്തുന്നു. ഈ ദിവസം വിദ്യയുടെ ദേവതയായ സരസ്വതിയെ ഭക്തര്‍ ആരാധിക്കുന്നു.