വിളക്കില്‍ നിന്ന് എണ്ണ താഴേക്ക് വീഴുന്നോ; കണ്ടക ശനിദോഷമെന്ന് സൂചന

വാസ്തുവും അശുഭകരവും

വാസ്തുശാസ്ത്രപരമായി അശുഭകരമായി കണക്കാക്കുന്ന ഒന്നാണ് ഇത്. വാസ്തു പ്രകാരം, ചില കാര്യങ്ങള്‍ വീണ്ടും വീണ്ടും കൈവിട്ടുപോകുന്നത് ശുഭകരമായി കണക്കാക്കില്ല. ഇത് കൂടുതല്‍ ദോഷങ്ങള്‍ നിങ്ങളിലേക്ക് എത്തുന്നതിനുള്ള സാധ്യതയുണ്ട് എന്നാണ് സൂചിപ്പിക്കുന്നത്. വരാനിരിക്കുന്ന ബുദ്ധിമുട്ടുകളുടെ സൂചന കൂടിയാകാം ഇതിലൂടെ നമുക്ക് ലഭിക്കുന്നത്. ഒരു വസ്തു കൈയ്യില്‍ നിന്ന് വീഴുക എന്നത് എന്തുകൊണ്ടും സാധാരണയായി സംഭവിക്കുന്ന ഒന്നാണ്. എന്നാല്‍ ചില അവസരങ്ങളില്‍ അതിന് നമ്മുടെ ജീവിതവുമായി കൂട്ടി വായിക്കുന്നതിനുള്ള സാധ്യതയുണ്ട്. അത് എന്തുകൊണ്ടാണ് എന്നതിനെക്കുറിച്ച് നമുക്കൊന്ന് നോക്കാവുന്നതാണ്. എന്തൊക്കെയാണ് കൈയ്യില്‍ നിന്ന് വീണാല്‍ വാസ്തുപ്രകാരം പ്രശ്‌നത്തിലാവുന്നത് എന്ന് നോക്കാം.

ഉപ്പ് കൈയ്യില്‍ നിന്ന് വീഴുന്നത്

വാസ്തു പ്രകാരം, ഉപ്പ് കൈയ്യില്‍ നിന്ന് ആവര്‍ത്തിച്ച് വീഴുന്നത് നിങ്ങളുടെ കുടുംബത്തില്‍ ശുക്രന്റെയും ചന്ദ്രന്റെയും പ്രതികൂല ഫലങ്ങള്‍ കാണിക്കുന്നു എന്നാണ് വാസ്തു പറയുന്നത്. ഇത് കൂടാതെ ഇത് വീട്ടിലെ ധനനഷ്ടത്തിനും മാനസിക പിരിമുറുക്കത്തിനും കാരണമാകും എന്നും വിശ്വാസമുണ്ട്. ഇത് നിങ്ങളുടെ വീട്ടിലെ വാസ്തു വൈകല്യങ്ങളുടെ ലക്ഷണവുമാകാം. സാമ്പത്തിക പരാധീനതകള്‍ വിടാതെ നില്‍ക്കും എന്നാണ് ഇത് സൂചിപ്പിക്കുന്നത്. അതുകൊണ്ട് തന്നെ വളരെയധികം ശ്രദ്ധിക്കേണ്ടതാണ്.

പാല്‍ താഴെ തൂവിപ്പോവുന്നത്

പാല്‍ സ്ഥിരമായി നമ്മളെല്ലാവരും വീട്ടില്‍ ഉപയോഗിക്കുന്ന ഒന്നാണ്. എന്നാല്‍ പാല്‍ താഴെ പോവുന്നത് ശുഭകരമായി കണക്കാക്കുന്നില്ല. ഇത് കൂടാതെ അടുപ്പിന് മുകളില്‍ തൂവിപ്പോവുന്നതും ശുഭകരമായി കണക്കാക്കുന്നില്ല. ഇത് കൂടാതെ മറ്റൊരു തരത്തിലും പാല്‍ താഴെപ്പോവാതിരിക്കുന്നതിന് ശ്രദ്ധിക്കണം. പാലിന്റെ ആവര്‍ത്തിച്ചുള്ള വീഴ്ച കുടുംബത്തിലേക്ക് നെഗറ്റീവ് ഊര്‍ജ്ജം എത്തിക്കുന്നു എന്നാണ് സൂചിപ്പിക്കുന്നത്. അതുകൊണ്ട് തന്നെ ഇത്തരം കാര്യങ്ങള്‍ അല്‍പം ശ്രദ്ധിക്കേണ്ടതാണ്. ഓരോ അവസ്ഥയിലും നിങ്ങള്‍ ശ്രദ്ധിച്ചാല്‍ വീട്ടില്‍ പോസിറ്റീവ് ഊര്‍ജ്ജം നിറക്കാവുന്നതാണ്. ഇത് ജീവിതത്തില്‍ ഉണ്ടാക്കുന്ന പല വെല്ലുവിളികളില്‍ നിന്നും നിങ്ങളെ പ്രതിരോധിക്കുകയും ചെയ്യുന്നു.

കുരുമുളക് താഴെ വീഴുന്നു

കുരുമുളക് താഴെ വീഴുന്നതും അല്‍പം ശ്രദ്ധിക്കേണ്ടതാണ്. കാരണം ഇതും അത്ര ശുഭകരമായി കണക്കാക്കുകയില്ല. കാരണം ഇത്തരത്തില്‍ കുരുമുളക് സ്ഥിരമായി താഴെ വീഴുന്നത് പലപ്പോഴും ദാമ്പത്യ ജീവിതത്തെ പ്രതികൂലമായി ബാധിക്കുന്നു എന്നാണ് പറയുന്നത്. ഇത് ഭാര്യാഭര്‍ത്താക്കന്‍മാര്‍ തമ്മില്‍ പ്രശ്‌നമുണ്ടാകുന്നതിനും വലിയ കലഹത്തിലേക്കും നയിക്കും എന്നാണ് വിശ്വാസം. അതുകൊണ്ട് തന്നെ കുരുമുളക് ഉപയോഗിക്കുമ്പോള്‍ പരമാവധി അത് താഴെ വീഴാതെ ശ്രദ്ധിക്കേണ്ടതാണ്. അല്ലാത്ത പക്ഷം അത് വാസ്തുശാസ്ത്രപരമായി നെഗറ്റീവ് ഫലം ഉണ്ടാക്കുന്നു. പലപ്പോഴും ജീവിതത്തില്‍ വെല്ലുവിളികള്‍ നേരിടേണ്ട അവസ്ഥയിലേക്ക് നിങ്ങളെ എത്തിക്കുന്നു എന്നാണ് പറയുന്നത്. അതുകൊണ്ട് എടുക്കുമ്പോള്‍ സൂക്ഷിച്ച് ഉപയോഗിക്കേണ്ട ഒന്നാണ് കുരുമുളക്.

എണ്ണ താഴെപ്പോവുന്നത്

ഇത് വളരെ അപകടകരമായ ഒന്നാണ്. എണ്ണ താഴെപ്പോവുന്നത് എന്തുകൊണ്ടും നിങ്ങളില്‍ വളരെയധികം ഗുരുതരമായ പ്രത്യാഘാതം ഉണ്ടാക്കും എന്നാണ് പറയുന്നത്. കാരണം എണ്ണയ്ക്ക് ശനിദേവനുമായി ബന്ധമുണ്ടെന്ന് വിശ്വസിക്കപ്പെടുന്നു. അതുപോലെ തന്നെ വിളക്കില്‍ നിന്ന് എണ്ണ താഴേക്ക് ഒഴുകുകയാണെങ്കില്‍ അത് ശനിദോഷം നിങ്ങളില്‍ കഠിനമാണ് എന്നാണ് സൂചിപ്പിക്കുന്നത്. എണ്ണയൊഴുകുന്നത് സാധാരണമാണെങ്കിലും, അത് പലപ്പോഴും സംഭവിക്കുകയാണെങ്കില്‍, അത് ശനിദേവന്റെ അപ്രീതിയുടെ സൂചനയാകാം. ഇത് കൂടാതെ നിങ്ങളുടെ കുടുംബം വളരെയധികം ബുദ്ധിമുട്ടുകള്‍ നേരിട്ടേക്കാം. ഇതിന് പരിഹാരമെന്നോണം എന്തുകൊണ്ടും നിങ്ങള്‍ ശനിദേവനെ ആരാധിക്കാന്‍ ശ്രദ്ധിക്കണം. ശാസ്താവിന് എള്ള് തിരി കത്തിക്കുന്നതിനും ശനിമന്ത്രം ജപിക്കുന്നതിനും ശ്രദ്ധിക്കണം.

ഭക്ഷണം താഴെപ്പോവുന്നത്

നമ്മള്‍ അങ്ങേയറ്റം ബഹുമാനിക്കേണ്ട ഒന്നാണ് ഭക്ഷണം. ഒരു കാരണവശാലും ഭക്ഷണം താഴെക്കളയരുത് എന്നതാണ് സത്യം. അതുകൊണ്ട് തന്നെ ഭക്ഷണത്തിന്റെ കാര്യത്തില്‍ നാം വളരെയധികം ശ്രദ്ധിക്കണം. ഭക്ഷണം കഴിക്കുന്നതിനിടെ താഴെ പോവുന്നത് അന്നപൂര്‍ണാ ദേവിയുടെ അപ്രീതിയെയാണ് സൂചിപ്പിക്കുന്നത്. അതുകൊണ്ട് തന്നെ ഇത്തരത്തില്‍ സംഭവിച്ചാല്‍ ദേവിയോട് മനസ്സില്‍ മാപ്പ് പറഞ്ഞ് ജീവിതത്തില്‍ ചെയ്ത തെറ്റിന് പ്രായശ്ചിത്തം ചെയ്യണം എന്നാണ് പറയുന്നത്. അതുകൊണ്ട് ഭക്ഷണം വാസ്തുശാസ്ത്രപ്രകാരം ആണെങ്കിലും അല്ലെങ്കിലും കളയാതിരിക്കാന്‍ ശ്രദ്ധിക്കണം.