കല്യാണം പറയും കയ്യിലെ കല്യാണ രേഖ

ചെറുവിരലിനു താഴെയായി

ചെറുവിരലിനു താഴെയായി ഹൃദയരേഖയ്ക്കിടയില്‍ കാണുന്ന രേഖയാണ് വിവാഹരേഖ എന്നറിയപ്പെടുന്നത്. ചിലരില്‍ ഇത് ഒന്നും ചിലരില്‍ ഒന്നില്‍ കൂടുതലുമുണ്ടാകും.

ഹൃദയരേഖയോട്

ഹൃദയരേഖയോട് ഏറെ ചേര്‍ന്നാണ് ഈ രേഖ വരുന്നതെങ്കില്‍ ഇത് ചെറുപ്പത്തില്‍ തന്നെയുള്ള മംഗല്യയോഗത്തെ വിശദീകരിയ്ക്കുന്നു. എന്നാല്‍ ചെറുവിരലിനോട് ചേര്‍ന്നാണ് ഈ രേഖ വരുന്നതെങ്കില്‍ വൈകിയുള്ള വിവാഹത്തേയാണ് ഇതു സൂചിപ്പിയ്ക്കുന്നത്. ഇത് ഒറ്റ രേഖ മാത്രമെങ്കിലും കട്ടി കൂടി ചെറുവിരലിനും ഹൃദയ രേഖയ്ക്കും നേരെ നടുവിലാണ് കാണപ്പെടുന്നതെങ്കിലും 25 വയസില്‍ വിവാഹ യോഗമെന്നാണ് സൂചന നല്‍കുന്നത്.

ഈ രേഖ

ഈ രേഖ രണ്ടെണ്ണമുണ്ടെങ്കില്‍ ഇതിലൊന്ന് പ്രണയത്തേയും ഒന്നു വിവാഹത്തേയും സൂചിപ്പിയ്ക്കുന്നു. രണ്ടു രേഖകളും ഇരുണ്ടതും കട്ടിയുള്ളതുമെങ്കില്‍, ഇതിലൊന്ന് അല്‍പം നീളം കുറഞ്ഞതെങ്കില്‍ ഇതു സൂചന നല്‍കുന്നത് വിവാഹത്തേയും തകര്‍ന്നപ്രണയത്തേയുമാണ്.

ഒരേ നീളത്തില്‍

ഒരേ നീളത്തില്‍ വിവാഹ രേഖകള്‍ ഒന്നിലേറെയുണ്ടെങ്കില്‍ ഇത് ഒന്നില്‍ കൂടുതല്‍ വിവാഹ ബന്ധങ്ങളെ സൂചിപ്പിയ്ക്കുന്ന ഒന്നാണ്. മറ്റേ രേഖകളേക്കാള്‍ നീളമേറിയതോ കുറുകിയതോ ആണ് വിവാഹ രേഖയെങ്കില്‍ ഇത് അന്യജാതിയില്‍ പെട്ടയാളെ വിവാഹം കഴിയ്ക്കാനുള്ള സാധ്യത കാണിയ്ക്കുന്ന ഒന്നാണ്.

വിവാഹ രേഖയില്‍

വിവാഹ രേഖയില്‍ കറുത്ത കുത്തോ കുറകേ രേഖയോ ഉണ്ടെങ്കില്‍ അസംതൃപ്ത ദാമ്പത്യമെന്നതാണ് സൂചന നല്‍കുന്നത്. വേര്‍പിരിയല്‍ സാധ്യത ഏറെയുള്ള ദാമ്പത്യമാണ് ഇതു സൂചിപ്പിയ്ക്കുന്നത്.

വിവാഹരേഖ കയ്യിലില്ലെങ്കില്‍

വിവാഹരേഖ കയ്യിലില്ലെങ്കില്‍ ദാമ്പത്യം ആഗ്രഹിയ്ക്കാത്ത ആളെന്നര്‍ത്ഥം. അല്ലെങ്കില്‍ വളഞ്ഞ് ചെറുവിരലിനെ സ്പര്‍ശിയ്ക്കുന്ന രീതിയിലെ വിവാഹരേഖയെങ്കില്‍ ഇതാണര്‍ത്ഥം.

ഇത്തരം രേഖകള്‍

ഇത്തരം രേഖകള്‍ മൂന്നോ നാലോ അതില്‍ കൂടതലോ ആണെങ്കില്‍ പ്രണയങ്ങളില്‍ സമ്പന്നരായവര്‍ എന്നാണര്‍ത്ഥം. കൂടുതല്‍ വിവാഹം കഴിയ്ക്കുമെന്നതല്ല, കൂടുതല്‍ പ്രണയങ്ങള്‍ എന്ന അര്‍ഥമാണിത് നല്‍കുന്നത്.