ആര്‍ത്തവം നിലച്ച് 25 വർഷത്തിന് ശേഷം അമ്മയായി,പക്ഷേ

ഐവിഎഫ് ചികിത്സ

ഐവിഎഫ് ചികിത്സയിലൂടെയാണ് ഇവര്‍ക്ക് കുഞ്ഞുങ്ങൾ ജനിച്ചത്. വിവാഹം കഴിഞ്ഞ് വർഷങ്ങൾ കഴിഞ്ഞിട്ടും ഇവർക്ക് കുട്ടികൾ ഉണ്ടായില്ല. ഇതിനെത്തുടർന്ന് നിരവധി ചികിത്സകൾ ഇവർ നടത്തിയിരുന്നു. എന്നാൽ വർഷങ്ങൾ കഴിഞ്ഞിട്ടും ഇവയൊന്നും ഫലം കണ്ടില്ല.

ആര്‍ത്തവ വിരാമം സംഭവിച്ചതിന് ശേഷം

ആർത്തവ വിരാമം സംഭവിച്ചതിന് ശേഷം ഇവർ പ്രതീക്ഷകളെല്ലാം കൈവിട്ട് ജീവിക്കുകയായിരുന്നു. ഇരുപത്തി അഞ്ച് വർഷങ്ങൾക്ക് മുൻപാണ് ഇവർക്ക് ആർത്തവ വിരാമം സംഭവിച്ചത്. തന്റെ അയല്‍ക്കാരി അൻപത് വയസ്സിന് ശേഷം പ്രസവിച്ചു എന്നറിഞ്ഞതിന് ശേഷമാണ് ഇവർ ചികിത്സ വീണ്ടും തുടരാൻ ആരംഭിച്ചത്.

ആരോഗ്യപ്രശ്നങ്ങളില്ല

ആരോഗ്യപ്രശ്നങ്ങൾ ഒന്നും തന്നെ മങ്കമ്മയെ ബാധിച്ചിരുന്നില്ല. അതുകൊണ്ട് തന്നെ ഐവിഎഫ് എന്ന പ്രക്രിയ ഇവരിൽ വളരെയധികം പെട്ടെന്ന് സംഭവിക്കുകയായിരുന്നു. പൂർണ ആരോഗ്യവതിയായതിനാല്‍ തന്നെ മറ്റൊരു പ്രശ്നങ്ങളും ഇവരിൽ ഉണ്ടായിരുന്നില്ല. ഐവിഎഫിന്റെ ആദ്യഘട്ടത്തിൽ തന്നെ മങ്കമ്മ ഗർഭം ധരിക്കുകയായിരുന്നു. ജനുവരിയിലായിരുന്നു മങ്കമ്മ ഗർഭിണിയായത്.

സിസേറിയൻ പ്രസവം

പ്രായമായതു കൊണ്ട് തന്നെ സാധാരണ പ്രസവം നടക്കുന്നതിനുള്ള സാധ്യത വളരെ കുറവായിരുന്നു. നിരവധി ഡോക്ടർമാരുടെ നേതൃത്വത്തിൽ ആണ് സിസേറിയൻ നടത്തിയത്. എട്ടാംമാസത്തിൽ ആചാരപ്രകാരമുള്ള സീമന്തവും നടത്തിയിരുന്നു. രണ്ട് കിലോയില്‍ അധികമായിരുന്നു കുട്ടികളുടെ ഭാരം. ആരോഗ്യമുള്ള കുട്ടികൾ തന്നെയായിരുന്നു രണ്ട് പേരും.

കാര്യങ്ങൾ മാറിമറിഞ്ഞത്

എന്നാൽ പ്രസവ ശേഷം ഇന്നലെയാണ് കാര്യങ്ങള്‍ എല്ലാം മാറിമറിഞ്ഞത്. മങ്കമ്മക്ക് പ്രസവത്തെ തുടർന്നുണ്ടായ പ്രശ്നത്തിൽ രക്തസമ്മർദ്ദം വളരെയധികം കൂടിയ അവസ്ഥയിലും ആയിരുന്നു. അതിനെത്തുടർന്ന് വിദഗ്ധ ഡോക്ടർമാരുടെ നേതൃത്വത്തിൽ ഐസിയുവിൽ പ്രവേശിപ്പിച്ചിരിക്കുകയാണ് ഇവരെ.

പിതാവിനും ഇതേ അവസ്ഥ

എന്നാൽ കുഞ്ഞുങ്ങള്‍ ജനിച്ച് അടുത്ത ദിവസം തന്നെ കുട്ടികളുടെ പിതാവായ രാജറാവുവിനെ ഹൃദയാഘാതത്തെത്തുടർന്ന് ആശുപത്രിയിൽ പ്രവേശിപ്പിച്ചിരിക്കുകയാണ്. ഈ പ്രായത്തിൽ ഐ വി എഫ് ചികിത്സ നടത്തിയതിനെതിരെ വളരെയധികം വിമർശനങ്ങളാണ് രാജ്യത്തിന്‍റെ പല കോണുകളിൽ നിന്നും ഉയരുന്നത്.