ഈ ദിവസം മറ്റുള്ളവരുമായി ഭക്ഷണം പങ്കിടുന്നത് ദോഷം; സ്‌കന്ദപുരാണം പറയുന്നത്

എന്താണ് സ്‌കന്ദപുരാണം

പതിനെട്ട് പുരാണങ്ങളില്‍ ഒന്നാണ് സ്‌കന്ദപുരാണം. ശിവപാര്‍വ്വതിമാരുടെ പുത്രനായ സ്‌കന്ദന്‍ ഭൃഗുമഹര്‍ഷിക്ക് വിവരിച്ചു കൊടുക്കുന്ന രീതിയിലാണ് ഇതിന്റെ ആഖ്യാനഘടന. മഹേശ്വരഖണ്ഡം, വൈഷ്ണവഖണ്ഡം, ബ്രഹ്‌മഖണ്ഡം, കാശിഖണ്ഡം, ആവന്ത്യഖണ്ഡം, നാഗരഖണ്ഡം, പ്രഭാസഖണ്ഡം എന്നീ ഏഴു ഖണ്ഡങ്ങളും അനേകം ഉപഖണ്ഡങ്ങളുമുള്ളതാണ് സ്‌കന്ദപുരാണം. അനേകം കഥകള്‍ക്കു പുറമെ ഭാരതത്തിലുടനീളമുള്ള പുണ്യക്ഷേത്രങ്ങളെക്കുറിച്ചും തീര്‍ത്ഥാടന സങ്കേതങ്ങളെക്കുറിച്ചും വിശദമായി ഇതില്‍ പ്രതിപാദിക്കുന്നു.

ഗ്രഹണ ദിനം

സ്‌കന്ദപുരാണം അനുസരിച്ച്, ഒരു കാരണവശാലും ഗ്രഹണ ദിവസങ്ങളില്‍ ഒരാള്‍ മറ്റുള്ളവരുടെ വീടുകളില്‍ നിന്ന് ഭക്ഷണം കഴിക്കരുത്. വീട്ടില്‍ നിന്ന് പുറത്തുപോകാതെ, ആ ദിവസം നിങ്ങള്‍ക്ക് കഴിയുന്നത്ര നിങ്ങളുടെ വീട്ടില്‍ പാചകം ചെയ്ത ഭക്ഷണം കഴിക്കാന്‍ ശ്രമിക്കുക. ദൈവത്തെ ആരാധിക്കുക. ഗ്രഹണദിവസം നിങ്ങള്‍ മറ്റൊരു വീട്ടില്‍ നിന്ന് ഭക്ഷണം കഴിക്കുന്നത്, കഴിഞ്ഞ 12 വര്‍ഷത്തിനിടെ നിങ്ങള്‍ ചെയ്ത എല്ലാ നല്ല കാര്യങ്ങളെയും നശിപ്പിക്കുന്ന പ്രവൃത്തിയാണെന്ന് സ്‌കന്ദപുരാണം പറയുന്നു.

അമാവാസി

അമാവാസി രാത്രിയില്‍ മറ്റുള്ളവരുടെ വീട്ടില്‍ നിന്ന് ഭക്ഷണം കഴിക്കുന്നതിലൂടെ നിങ്ങള്‍ക്ക് ദൈവകോപം കൈവരും. അതേസമയം ഈ ദിവസം സ്വന്തം വീട്ടില്‍ നിന്ന് ഭക്ഷണം കഴിക്കുന്നത് കൂടുതല്‍ അനുഗ്രഹങ്ങളും നല്‍കും.

പൊങ്കല്‍

സ്‌കന്ദപുരാണം പ്രകാരം പൊങ്കല്‍ ദിനത്തില്‍ മറ്റൊരാളുടെ വീട്ടില്‍ നിന്ന് ഭക്ഷണം കഴിക്കുന്നത് നല്ലതല്ല. അങ്ങനെ ചെയ്യുന്നത് നിങ്ങളുടെ കഴിഞ്ഞ ഒരു മാസത്തെ നല്ല പ്രവൃത്തികളുടെ ഫലത്തെ നശിപ്പിക്കും.

സൂര്യാസ്തമയം

സൂര്യാസ്തമയത്തിനുശേഷം മറ്റൊരാളുടെ വീട്ടില്‍ നിന്ന് ഭക്ഷണം കഴിക്കുന്നത് വളരെ തെറ്റായ കാര്യമാണ്. അങ്ങനെ ചെയ്യുന്നത് സൂര്യദേവന്റെ കോപവും ശാപവും നിങ്ങളില്‍ വരുത്തുമെന്ന് സ്‌കന്ദപുരാണം പറയുന്നു.

മൃഗമായി ജനനം

മറ്റ് ആളുകളുടെ വീടുകളില്‍ ഭക്ഷണം കഴിക്കാന്‍ മാത്രമായി ആഗ്രഹിച്ച് പോകുന്നവര്‍ അടുത്ത ജന്മത്തില്‍ മൃഗങ്ങളായി ജനിക്കുമെന്ന് മനുസ്മൃതിയില്‍ പറയുന്നു. ഒരാള്‍ ഒരിക്കലും ഭക്ഷണത്തോട് അത്യാഗ്രഹം കാണിക്കരുതെന്നും പറയപ്പെടുന്നു.