ഇത്തരം ദാനം ദാരിദ്ര്യമുണ്ടാക്കും,സമാധാനക്കേടും...

ഇല്ലാത്തയാള്‍ക്കു ഭക്ഷണം

ഇല്ലാത്തയാള്‍ക്കു ഭക്ഷണം നല്‍കുന്നത് പുണ്യപ്രവൃത്തിയാണ്. അന്നദാനം മഹാദാനം എന്നു തന്നെ വേണം, പറയുവാന്‍. ചിലപ്പോള്‍ ബാ്ക്കിയുള്ള ഭക്ഷണം കളയാതിരിയ്ക്കുവാന്‍ വേണ്ടിയാകും, ദാനം നല്‍കുക. വിശക്കുന്നവന്റെ വിശപ്പടക്കുവാന്‍ സഹായിക്കുന്നത് നല്ലതു തന്നെയാണ്. എന്നാല്‍ കേടായ ഭക്ഷണം ദാനം ചെയ്യരുത്. ഇത് നല്‍കുന്നയാളിന് ദോഷമാണ്.

പൊട്ടുന്ന വസ്തുക്കള്‍

പൊട്ടുന്ന വസ്തുക്കള്‍ ദാനം നല്‍കുന്നതും നല്ലതല്ല. ഗ്ലാസ് കൊണ്ടുള്ളവ, കണ്ണാടി പോലുള്ളവ ദാനം നല്‍കുന്നത് ഒഴിവാക്കുന്നതാണ് നല്ലത്. ഇത്തരം ദാനം ജോലിയ്ക്കു പ്രശ്‌നമുണ്ടാക്കുമെന്നാണ് പറയുക.

പ്ലാസ്‌റ്‌റിക് വസ്തുക്കള്‍

പ്ലാസ്‌റ്‌റിക് വസ്തുക്കള്‍ ദാനം ചെയ്യുന്നതും നല്ലതല്ലെന്നു പറയാം. ഇത് മനസിന് സുഖക്കുറവുണ്ടാക്കും. ഇതു പോലെ ചൂല്, നിലം വൃത്തിയാക്കുന്നവ എന്നിവ ദാനം ചെയ്യരുത്. സമ്പത്തു വീട്ടില്‍ നിന്നും നഷ്ടപ്പെടുവാന്‍ കാരണമാകുന്ന ഒന്നാണ് ഇത്തരം ദാനങ്ങള്‍. ഇതൊഴിവാക്കുക.

ചെരിപ്പ്

ഇതു പോലെ കേടായ ചെരുപ്പു ദാനം ചെയ്യരുത്. ഇത് ആപത്തു കൊണ്ടു വരും. നല്ല ചെരിപ്പു ദാനമായി നല്‍കാം. ദോഷം പറയുന്നില്ല. എന്നാല്‍ കേടായ ചെരിപ്പ് ഇപ്രകാരം ചെയ്യുന്നതു ദോഷഫലമായി പറയുന്നു.

നമ്മുടെ പേഴ്‌സ്

നമ്മുടെ പേഴ്‌സ്, ഇതു പഴയതെങ്കിലും പുതിയതെങ്കിലും ദാനം നല്‍കരുത്. ഇതു നമ്മുടെ കയ്യിലെ പണം നഷ്ടപ്പെടുവാന്‍ വഴിയൊരുക്കുന്ന ഒന്നാണ്. കേടായ പേഴ്‌സെങ്കില്‍ കളയുക. നാം ഉപയോഗിയ്ക്കുന്ന പേഴ്‌സ് മറ്റൊരാള്‍ക്കു കൈ മാറുന്നത് ദോഷഫലമാണ് നല്‍കുക.