ദാമ്പത്യത്തെ വേരോടെ നശിപ്പിക്കും; ഭാര്യാഭര്‍ത്താക്കന്മാര്‍ക്കിടയില്‍ ഈ 5 കാര്യം ഒരിക്കലും പാടില്ല

സംശയം

ചാണക്യന്റെ നയമനുസരിച്ച്, ഭാര്യാഭര്‍തൃ ബന്ധത്തില്‍ സംശയം പാടില്ല. ഈ ബന്ധത്തെ ദുര്‍ബലപ്പെടുത്തുന്നതില്‍ സംശയത്തിന് ഒരു വലിയ പങ്കുണ്ട്. ഇത് തെറ്റിദ്ധാരണയിലേക്ക് നയിക്കുന്നു, തുടര്‍ന്ന് ഈ വിഷം ജീവിതത്തില്‍ നിഷേധാത്മകത സൃഷ്ടിക്കാന്‍ തുടങ്ങുന്നു. ഒരു ബന്ധത്തില്‍ സംശയം ഉടലെടുത്താല്‍ അത് അത്ര പെട്ടെന്ന് ദൂരീകരിക്കപ്പെടില്ലെന്നാണ് പറയപ്പെടുന്നത്. ഭാര്യാഭര്‍ത്താക്കന്മാര്‍ തമ്മിലുള്ള പരസ്പര വിശ്വാസത്തിന് മാത്രമേ ഈ വിഷത്തെ നശിപ്പിക്കാന്‍ കഴിയൂ. എത് ബന്ധത്തിലും പക്വത ഉണ്ടാകണം.

അഹന്ത

ദാമ്പത്യ ബന്ധത്തില്‍ ഭാര്യാഭര്‍ത്താക്കന്മാര്‍ തമ്മിലുള്ള സ്‌നേഹം ഇല്ലാതാക്കുന്ന ഒന്നാണ് അഹന്ത. ചാണക്യ നിതിയില്‍, ദാമ്പത്യ ബന്ധത്തെ നശിപ്പിക്കുന്ന ഒരു കാരണമായി അഹന്തയെ കണക്കാക്കുന്നു. അതുകൊണ്ട് ദമ്പതികള്‍ രണ്ടുപേരും അഹങ്കാരത്തില്‍ നിന്ന് വിട്ടുനില്‍ക്കാന്‍ ശ്രമിക്കണം. ഭാര്യാഭര്‍ത്താക്കന്‍മാരുടെ ബന്ധത്തില്‍ ഒരിക്കലും അഹന്തയ്ക്ക് ഇടം നല്‍കരുത്.

നുണ

ചാണക്യന്റെ അഭിപ്രായത്തില്‍ ദാമ്പത്യ ജീവിതത്തില്‍ സന്തോഷകരമായിരിക്കണമെങ്കില്‍ നുണകള്‍ക്ക് ഇടം നല്‍കരുത്. നുണകള്‍ ഭാര്യാഭര്‍ത്താക്കന്മാര്‍ തമ്മിലുള്ള ബന്ധം ദുര്‍ബലപ്പെടുത്താന്‍ ശ്രമിക്കും. അതുകൊണ്ട് ഭാര്യാഭര്‍ത്താക്കന്മാര്‍ നുണകളില്‍ നിന്ന് പരമാവധി അകന്നു നില്‍ക്കണം. ഭാര്യാഭര്‍ത്താക്കന്മാര്‍ തമ്മിലുള്ള ബന്ധം വളരെ പവിത്രമായി കണക്കാക്കപ്പെടുന്നു. പരസ്പര ധാരണയിലൂടെയും യോജിപ്പിലൂടെയും മാത്രമേ ഇത് നേടാനാകൂ എന്ന് ചാണക്യന്‍ പറയുന്നു.

നിന്ദ

ചാണനീതി അനുസരിച്ച്, ബഹുമാനവും സഹവര്‍ത്തിത്വവുമാണ് ഏതൊരു ശക്തമായ ബന്ധത്തിന്റെയും മുഖമുദ്ര. ഏതൊരു ബന്ധത്തിലും ബഹുമാനവും മാന്യതയും ഇല്ലെങ്കില്‍, ആ ബന്ധം വിരസവും പെട്ടെന്ന് നശിക്കുന്നതുമായിത്തീരുന്നു. അത്തരം ബന്ധത്തിലെ സന്തോഷം പെട്ടെന്ന് അവസാനിക്കുന്നു. എല്ലാ ബന്ധങ്ങള്‍ക്കും അതിന്റേതായ പരിമിതികളുണ്ട്. ആരും ഈ പരിധി കവിയരുത്.

ദേഷ്യം

ഏത് ബന്ധത്തെയും തകര്‍ക്കുന്ന ഒന്നാണ് അമിതമയാ ദേഷ്യം. അതിനാല്‍ നല്ലൊരു ബന്ധത്തിന്റെ കെട്ടുറപ്പിനായി ഭാര്യാഭര്‍ത്താക്കന്‍മാര്‍ ക്ഷമാശീലം പാലിക്കണം. ക്ഷമാശീലമുള്ള ഒരു വ്യക്തിക്ക് കഠിനമായ സാഹചര്യങ്ങളില്‍ സംയമനം പാലിക്കുന്നവര്‍ക്ക് ഏറ്റവും മോശം സാഹചര്യത്തെ പോലും എളുപ്പത്തില്‍ നേരിടാനാകുമെന്നും ഏത് ബുദ്ധിമുട്ടില്‍ നിന്നും കരകയറാന്‍ കഴിയുമെന്നും ചാണക്യ നീതിയില്‍ പറഞ്ഞിട്ടുണ്ട്. നല്ല ബന്ധം നിലനിര്‍ത്താന്‍ ഭാര്യയും ഭര്‍ത്താവും എപ്പോഴും ക്ഷമാശീലമുള്ളവര്‍ ആയിരിക്കണം.