ഇത്തരം ആളുകളെ ശത്രുക്കളാക്കരുത്, ജീവനും സ്വത്തിനും നഷ്ടം; ചാണക്യനീതി

ഭരണകൂടം

ചാണക്യന്റെ അഭിപ്രായത്തില്‍ ഒരു വ്യക്തി ഒരിക്കലും രാജാവുമായോ ഭരണകൂടവുമായോ നേരിട്ട് യുദ്ധം ചെയ്യാന്‍ പാടില്ല. ഇത് നിങ്ങളുടെ ജീവനും അപകടത്തിലാക്കിയേക്കാം. നിങ്ങള്‍ ശക്തമായ സ്ഥാനത്തല്ലെങ്കില്‍ മുതിര്‍ന്ന ഉദ്യോഗസ്ഥരുമായി മോശം രീതിയില്‍ ഇടപഴകരുത്. അവരുമായുള്ള ശത്രുത നിങ്ങളെ ദോഷകരമായി ബാധിക്കും.

സ്വന്തം ആരോഗ്യം

ഒരാളുടെ ആരോഗ്യമാണ് അവന്റെ ഏറ്റവും വലിയ സമ്പത്തെന്ന് ചാണക്യന്‍ പറയുന്നു. സ്വന്തം ആരോഗ്യം കൊണ്ട് കളിക്കുന്നവര്‍ അവരെത്തന്നെ ശ്രദ്ധിക്കുന്നില്ല, അവന്‍ സ്വയം മരണത്തിലേക്ക് തള്ളിവിടുന്നു. ഒരു വ്യക്തി സ്വന്തം ആരോഗ്യം നോക്കാതെ പണത്തിനു പുറകേ പായുന്നുവെങ്കില്‍, അയാള്‍ക്ക് പണവും ലഭിക്കില്ല നല്ല ആരോഗ്യവും ലഭിക്കില്ല. ഭക്ഷണ പാനീയങ്ങളില്‍ കാണിക്കുന്ന അശ്രദ്ധ മരണത്തിലേക്കാണ് നയിക്കുന്നത്.

ശക്തനായ മനുഷ്യര്‍

ചാണക്യന്‍ പറയുന്നു, ശക്തനായ ഒരാള്‍ക്ക് സ്വയം ശക്തനാകാന്‍ ആരെയും ദ്രോഹിക്കാനാകും. അതിനാല്‍, അത്തരമൊരു വ്യക്തിയുമായി ഒരിക്കലും ശത്രുത പുലര്‍ത്തരുത്. സാമ്പത്തികമായോ ശാരീരികമായോ ശക്തനായ ഒരുത്തനോട് ശത്രുത പുലര്‍ത്തുന്നത് മരണത്തെ ക്ഷണിക്കുന്നതിന് തുല്യമാണ് എന്ന് ചാണക്യന്‍ പറയുന്നു.

കയ്യില്‍ ആയുധം ഉള്ളവന്‍

കയ്യില്‍ ആയുധം ഉള്ളവനെ, അതായത് ആയുധം പിടിച്ചവനെ എതിര്‍ക്കുകയോ കലഹിക്കുകയോ ചെയ്യരുത്. കാരണം ദേഷ്യം കൂടുമ്പോള്‍ ചിലപ്പോള്‍ അവന്‍ ആയുധം ഉപയോഗിച്ച് എതിരാളിയെ കൊല്ലാന്‍ വരെ തുനിഞ്ഞേക്കും.

നിങ്ങളുടെ രഹസ്യങ്ങള്‍ അറിയുന്ന വ്യക്തി

നിങ്ങളുടെ എല്ലാ രഹസ്യങ്ങളും അറിയുന്ന വ്യക്തിയെ എതിര്‍ക്കരുത്. കാരണം ശ്രീരാമനോട് രാവണന്റെ രഹസ്യങ്ങള്‍ പറഞ്ഞത് വിഭീഷണനാണ്. ഇക്കാരണത്താലാണ് രാവണന്‍ യുദ്ധത്തില്‍ കൊല്ലപ്പെട്ടത്. അതിനാല്‍ നിങ്ങളുടെ രഹസ്യങ്ങള്‍ അറിയാവുന്ന വ്യക്തികളെ നിങ്ങള്‍ പിണക്കരുത്.

സമ്പത്ത് ഉള്ളവര്‍

വളരെ ധനികനായ ഒരാളുമായി നിങ്ങള്‍ കലഹിക്കരുത്. കാരണം അവന് നിയമവും നീതിയും വിലക്ക് വാങ്ങാന്‍ കഴിയുമെന്ന് ചാണക്യന്‍ പറയുന്നു. ഒരിക്കലും ഒരു ഡോക്ടറുമായി വഴക്കിടരുത്. അല്ലാത്തപക്ഷം അവര്‍ നിങ്ങളെ എപ്പോള്‍ വേണമെങ്കിലും കുഴപ്പത്തിലാക്കാം. ഒരിക്കലും പാചകക്കാരനോട് ശത്രുത വയ്ക്കരുത്. അവര്‍ നിങ്ങള്‍ക്ക് ദോഷകരമായ ഭക്ഷണം നല്‍കിയേക്കാം.