ദുഷ്ടശക്തികള്‍ നീങ്ങും സമ്പത്തും കൈവരും; ഗംഗാജലം വീട്ടില്‍ സൂക്ഷിച്ചാലുള്ള നേട്ടം

വീട്ടില്‍ ഗംഗാജലം സൂക്ഷിച്ചാലുള്ള നേട്ടങ്ങള്‍

ദുഷ്ടശക്തികള്‍, കണ്ണേറ് മുതലായ നെഗറ്റീവ് ഊര്‍ജ്ജങ്ങളില്‍ നിന്ന് വീടിനെ അകറ്റാന്‍, ദിവസവും വീടിന് ചുറ്റും ഗംഗാജലം തളിക്കുക. ദിവസത്തിലെ ഏത് സമയത്തും നിങ്ങള്‍ക്ക് ഇത് ചെയ്യാന്‍ കഴിയും. ഇത് സാധ്യമല്ലെങ്കില്‍, രാവിലെയെങ്കിലും ഗംഗാജലം വീടിന്റെ പ്രധാന വാതിലില്‍ തളിക്കുക. നിങ്ങളുടെ ജോലികളില്‍ തടസം നേരിടുന്നുവെന്ന് തോന്നുന്നുവെങ്കില്‍, നിങ്ങളുടെ വീടിന്റെ അടുക്കളയിലും പൂജാമുറിയിലും എപ്പോഴും ഗംഗാജലം സൂക്ഷിക്കുക.

കടത്തില്‍ നിന്ന് മുക്തി

കടത്തില്‍ നിന്ന് മോചനം നേടണമെങ്കില്‍ ഗംഗാജലം ഒരു പിച്ചള കുപ്പിയില്‍ നിറച്ച് നിങ്ങളുടെ വീടിന്റെ വടക്കുകിഴക്ക് ദിശയില്‍ സൂക്ഷിക്കുക. ഗംഗാജലം വീട്ടില്‍ സൂക്ഷിക്കുന്നതിലൂടെ എപ്പോഴും സമാധാനമുണ്ടാകുമെന്ന് പറയപ്പെടുന്നു.

Most read:ശിവപുരാണം പ്രകാരം ഏറ്റവും വലിയ പാപങ്ങള്‍; ഒരിക്കലും പരമേശ്വരന്‍ മാപ്പുനല്‍കില്ല

സമ്പത്ത് കൈവരാന്‍

ശനിയാഴ്ച വൈകുന്നേരം ഒരു ആല്‍ മരത്തിന്റെ ചുവട്ടില്‍ ഒരു മണ്‍വിളക്കില്‍ കടുക് എണ്ണ ഒഴിച്ച് തിരി കത്തിക്കുക. ഇതിനുശേഷം, ഏതാനും തുള്ളി ഗംഗാജലം ആല്‍വരത്തിന്റെ വേരുകള്‍ക്ക് സമര്‍പ്പിക്കുക. ഇത് ചെയ്യുന്നതിലൂടെ സാമ്പത്തിക പ്രശ്‌നങ്ങള്‍ നീക്കം ചെയ്യുകയും സമ്പത്തിന്റെ പുതിയ വഴികള്‍ തുറക്കുകയും വീട്ടില്‍ സമ്പത്ത് നിലനില്‍ക്കുകയും ചെയ്യും.

ദു:സ്വപ്നം കാണില്ല

രാത്രി ഉറങ്ങുന്നതിനുമുമ്പ് മുറിയില്‍ ഗംഗാജലം തളിക്കുകയാണെങ്കില്‍, രാത്രിയില്‍ ഭീകരസ്വപ്നങ്ങള്‍ കാണില്ലെന്നും നിങ്ങള്‍ക്ക് നല്ല ഉറക്കം ലഭിക്കുകയും ചെയ്യുമെന്നും വിശ്വാസമുണ്ട്.

Most read:മുഖത്ത് ഈ മറുകുണ്ടോ? എങ്കില്‍ ഭാഗ്യം നിങ്ങളുടെ കൂടെയുണ്ട്‌

അമൃതിന് തുല്യം

ഗംഗ ഒഴുകുന്ന പാത ദൈവികമായ മരുന്നുകളും സസ്യങ്ങളും നിറഞ്ഞതാണെന്ന് പറയപ്പെടുന്നു. അതിനാല്‍ ഗംഗാജലത്തെ അമൃതിന് തുല്യമായി കണക്കാക്കപ്പെടുന്നു. പ്രമേഹം, വയറുവേദന, ഉയര്‍ന്ന രക്തസമ്മര്‍ദ്ദനം, ദഹനപ്രശ്‌നങ്ങള്‍, അസിഡിറ്റി എന്നിവയുമായി ബന്ധപ്പെട്ട പ്രശ്‌നങ്ങള്‍ക്ക് പരിഹാരമാണ് ഗംഗാജലം.

ശിവന് പ്രിയപ്പെട്ടത്

ശിവന് ഗംഗാജലം അര്‍പ്പിച്ചാല്‍ അദ്ദേഹം സംപ്രീതനാവുകയും വ്യക്തിക്ക് ഐശ്വര്യവും നേട്ടങ്ങളും നല്‍കുകയും ചെയ്യുമെന്ന് പറയപ്പെടുന്നു. അതിനാല്‍ നിങ്ങളുടെ പൂജകളില്‍ ഗംഗാജലം ഉപയോഗിക്കുക.

Most read:ഈ ദിക്കാണ് സമ്പത്തിന്റെ വഴി; അബദ്ധത്തില്‍ പോലും ഇത്‌ ചെയ്യരുത്

ലോഹപാത്രത്തില്‍ സൂക്ഷിക്കണം

മിക്ക ആളുകളും ഗംഗാജലം ഒരു പ്ലാസ്റ്റിക് കുപ്പിയിലോ മറ്റേതെങ്കിലും പാത്രത്തിലോ സൂക്ഷിക്കുന്നു, ഇത് ദോഷകരമാണെന്ന് കണക്കാക്കപ്പെടുന്നു. ചെമ്പ്, വെള്ളി അല്ലെങ്കില്‍ മറ്റേതെങ്കിലും ലോഹം കൊണ്ട് നിര്‍മ്മിച്ച പാത്രത്തില്‍ വേണം ഗംഗാജലം എപ്പോഴും സൂക്ഷിക്കാന്‍.

ഗംഗാജലം സൂക്ഷിക്കുന്ന മുറി

ഗംഗാജലം ഒരിക്കലും ഒരു ഇരുണ്ട മുറിയിലോ ഇരുണ്ട മൂലയിലോ സൂക്ഷിക്കരുത്. കൂടാതെ, ഉപയോഗിക്കുന്നതിന് മുമ്പ് കൈ കഴുകുകയും വേണം. കാലാകാലങ്ങളില്‍ ഗംഗാജലം മാറ്റണം, അത് പോസിറ്റീവ് എനര്‍ജി നല്‍കും. ഗംഗാജലം വീട്ടിലെ ഏറ്റവും പവിത്രമായ സ്ഥലത്ത് സൂക്ഷിക്കുകയും ഇടയ്ക്കിടെ ഈ സ്ഥലം വൃത്തിയാക്കുകയും വേണം. നിങ്ങള്‍ ഗംഗാജലം സൂക്ഷിച്ചിരിക്കുന്ന മുറിയില്‍ ഇരുന്ന് ഒരിക്കലും മാംസമോ മദ്യമോ കഴിക്കരുത്.

Most read:വാസ്തുനിയമം പ്രകാരം ഈ പക്ഷികളെ വീട്ടില്‍ സൂക്ഷിച്ചാല്‍ ഭാഗ്യം

സൂക്ഷിക്കേണ്ട ദിശ

ഗംഗാജലമോ മറ്റേതെങ്കിലും പുണ്യനദിയിലെ വെള്ളമോ ആകട്ടെ, ഇത് എല്ലായ്‌പ്പോഴും വീടിന്റെ വടക്കുകിഴക്ക് ഭാഗത്ത് സൂക്ഷിക്കുക. വൃത്തികെട്ട കൈകളാല്‍ ഒരിക്കലും ഗംഗാജലം തൊടരുത്.