ഭാര്യാ-ഭര്‍തൃ വഴക്കു മാറാന്‍ ഈ ബെഡ്‌റൂം ടിപ്‌സ്‌

ബെഡ്‌റൂമില്‍ വയ്ക്കുന്ന ചില ചിത്രങ്ങള്‍

ബെഡ്‌റൂമില്‍ വയ്ക്കുന്ന ചില ചിത്രങ്ങള്‍ ഇത്തരം വഴക്കിനും കണ്ണുനീരിനും കാരണമാകുന്നു. കുഞ്ഞിന്റെ ചിത്രമാകാം, എന്നാല്‍ കരയുന്ന കുഞ്ഞിന്റെ ചിത്രം പാടില്ല. ഇതു പോലെ മൃഗങ്ങളുടെ ചിത്രം വേണ്ട. പ്രണയം നിറയുന്ന ചിത്രങ്ങള്‍ നല്ലതാണ്. ആയുധ സംബന്ധമായ കാര്യങ്ങളും കിടപ്പു മുറിയില്‍ പാടില്ല. ഇതെല്ലാം കലഹത്തിനു കാരണമാകും.

ബെഡ്ഷീറ്റ്

ബെഡ്ഷീറ്റ് ചുവന്ന നിറത്തിലാകുന്നത് വിശ്വാസ പ്രകാരം വഴക്കുകള്‍ക്കു കാരണമാകുന്നു. ചുവപ്പ് അപകടം എന്നാണ് പൊതുവേ കരുതപ്പെടുന്നത്. ഇത്തരം പെയിന്റും നല്ലതല്ല. ഇളം നിറമാണ് ബെഡ്‌റൂമിന് നല്ലത്. നല്ല ഉറക്കത്തിനും ഇത് നല്ലതാണ്. കിടപ്പു മുറി ശുദ്ധവും വൃത്തിയുമാകണം.

രാവിലെ എഴുന്നേറ്റാല്‍

രാവിലെ എഴുന്നേറ്റാല്‍ കുളിയ്ക്കും മുന്‍പ് കിടപ്പുമുറി വൃത്തിയാക്കണം. കിടക്ക തട്ടിക്കുടഞ്ഞ് വൃത്തിയായി വിരിയ്ക്കണം. പണ്ടു കാലത്തു പറയും, കിടന്ന പായും തലയിണയും മടക്കി വയ്ക്കണമെന്ന്. ഇതില്‍ കാന്തിക ആകര്‍ഷണമുണ്ട്. പൊട്ടിയ സാധനങ്ങള്‍, പ്രത്യേകിച്ചും കണ്ണാടി പോലുള്ളവ വയ്ക്കരുത്. അലമാര പൂട്ടി വയ്ക്കണം. തുറന്നിടരുത്. ഇതും വഴക്കിനു കാരണമാകും.

കിടപ്പുമുറിയില്‍

കിടപ്പുമുറിയില്‍ മറ്റൊരാളെ കിടത്തരുത്, കയറ്റരുത്. ഇത് നെഗറ്റീവ് ഊര്‍ജം വരാന്‍ കാരണമാകും. ദമ്പതിമാര്‍ തങ്ങളുടെ ബെഡ്‌റൂമില്‍ ആരേയും കിടത്തരുത്. ഇതു പോലെ നനച്ച തുണി ബെഡ്‌റൂമില്‍ ഇടുന്നത്. ഇതെല്ലാം തന്നെ നെഗറ്റീവ് ഊര്‍ജം വരുത്തുന്ന ഒന്നാണ്. വേസ്റ്റ് പോലുള്ള കാര്യങ്ങളും ബെഡ്‌റൂമില്‍ പാടില്ല.

കിടപ്പു മുറിയില്‍ തെക്കോട്ടു തല വയ്ക്കാന്‍

കിടപ്പു മുറിയില്‍ തെക്കോട്ടു തല വയ്ക്കാന്‍ ശ്രദ്ധിയ്ക്കുക. കട്ടിലിനും കൃത്യമായ കണക്കുണ്ട്. ഇത്തരം കണക്കുകള്‍ നോക്കി വേണം, കട്ടില്‍ പണിയാന്‍. ഇതുപോലെ ബെഡ്‌റൂമിനും കൃത്യമായ അളവുണ്ടാകും, ഇതു വാസ്തുശാസ്ത്ര പ്രകാരം കണക്കാക്കിയാല്‍ ഗുണമുണ്ടാകും. ഇത്തരം കാര്യങ്ങളെല്ലാം തന്നെ ശ്രദ്ധിച്ചാല്‍ കുടുംബവഴക്കും ദാമ്പത്യവഴക്കും കിടപ്പറ വഴക്കുകളുമെല്ലാം നീക്കി നിര്‍ത്താം.