കാല് കയറ്റിവച്ച് ഇരുന്നാല്‍ പാപ്പരാകും; ഈ മോശം ശീലങ്ങള്‍ വരുത്തും ഗ്രഹദോഷം, ഒപ്പം പണനഷ്ടവും

നഖം കടിക്കുന്നത്

കൈയ്യിലെ നഖം കടിച്ച് തുപ്പുന്ന ശീലം മിക്കവര്‍ക്കും ഉണ്ട്. ജ്യോതിഷ പ്രകാരം നഖം കടിക്കുന്നത് ദുര്‍ബലമായ സൂര്യന്റെ അടയാളമാണ്. ദേവീഭാഗവത പുരാണമനുസരിച്ച്, നഖം കൊണ്ട് മണ്ണ് മാന്തുന്നതും ലക്ഷ്മി ദേവിയെ കോപിപ്പിക്കുന്ന പ്രവൃത്തിയാണ്.

വീട് അലങ്കോലമാക്കി വയ്ക്കുന്നത്

രാത്രി മലിനമായ പാത്രങ്ങള്‍ സിങ്കില്‍ തന്നെയിട്ട് അടുത്ത ദിവസം വൃത്തിയാക്കുന്ന ശീലം പലര്‍ക്കും ഉണ്ട്. ഇതിന് പുറമെ മിക്കവരും വീട്ടില്‍ മലിനമായ വസ്ത്രങ്ങളും കൂട്ടിയിടുന്നു. ഗരുഡപുരാണം അനുസരിച്ച് നിങ്ങളുടെ വീട് ഇങ്ങനെ സൂക്ഷിച്ചാല്‍ ലക്ഷ്മി ദേവി ഒരിക്കലും അങ്ങനെയുള്ള സ്ഥലത്ത് നില്‍ക്കില്ല. ചെരിപ്പുകളും മറ്റും വീടിന് ചുറ്റും ചിതറിയിടുകയും ചെയ്യരുത്.

ദിവസവും കുളിക്കാതിരിക്കുന്നത്

നിങ്ങള്‍ ദിവസവും കുളിക്കുന്നില്ലെങ്കില്‍ നിങ്ങളുടെ വീടിന് ചുറ്റുമുള്ള ശുചിത്വം ശ്രദ്ധിക്കുന്നില്ലെങ്കില്‍, അത്തരമൊരു സാഹചര്യത്തില്‍ ശുക്ര ദോഷം സംഭവിക്കുന്നു. നിങ്ങള്‍ സമ്പന്നനാകാന്‍ പരിശ്രമിക്കുന്നുവെങ്കിലും, ഇത് നിങ്ങള്‍ക്ക് ദോഷം ചെയ്യും. അതുകൊണ്ട് ദിവസവും കുളിക്കുന്നത് ശീലമാക്കുക, വീടും പരിസരവും വൃത്തിയായി സൂക്ഷിക്കുക.

കാല് കയറ്റി വച്ച് ഇരിക്കുന്നത്

ചിലര്‍ക്ക് കാലുകള്‍ കയറ്റിവച്ച് ഇരിക്കുന്ന ശീലമുണ്ട്. അതിനാല്‍ ആ ശീലം ഉടന്‍ തന്നെ മാറ്റുക. ഇത് ഒരാളുടെ സമ്പത്ത് നശിപ്പിക്കുമെന്ന് വിശ്വസിക്കപ്പെടുന്നു. അതോടൊപ്പം നിങ്ങളുടെ ദാമ്പത്യ ജീവിതത്തിലും പ്രശ്‌നങ്ങള്‍ വരാന്‍ തുടങ്ങും.

വൃത്തികെട്ട പരിസരങ്ങളില്‍ ജീവിക്കുന്നത്

വൃത്തിയുള്ളിടത്ത് ലക്ഷ്മീദേവി വസിക്കുമെന്നാണ് വിശ്വാസം. എന്നാല്‍ പലരും വൃത്തികെട്ട പരിസരങ്ങളില്‍ ജീവിക്കുന്നു. ഇത് വ്യക്തിയുടെ ജീവിതത്തില്‍ വളരെ മോശമായ സ്വാധീനം ചെലുത്തുന്നു. ഇത് ദാരിദ്ര്യം കൊണ്ടുവരുന്നു. അതിനാല്‍ നിങ്ങളുടെ ചുറ്റുപാടും ശുചിത്വം പാലിക്കുക.