Just In
- 32 min ago 2024 ഏപ്രില് മാസത്തിലെ സമ്പൂര്ണ നക്ഷത്രഫലം: അശ്വതി - രേവതി ഗുണദോഷഫലങ്ങള്
- 2 hrs ago Good Friday 2024: പള്ളികളിലെ മണിയൊച്ച നിലക്കും, മെഴുകുതിരി കത്തില്ല, കറുത്ത വസ്ത്രമണിയുന്ന ആ ദിനം
- 4 hrs ago Numerology Horoscope: ധനനേട്ടം, ജോലിയില് ഉയര്ച്ച, മംഗല്യഭാഗ്യം: ഈ ആഴ്ചയില് ഉയര്ച്ച ഇവര്ക്ക്
- 7 hrs ago കഠിനാധ്വാനം വിജയം കാണും, അപ്രതീക്ഷിത സൗഭാഗ്യം മുന്നിലെത്തും; രാശിഫലം
Don't Miss
- Sports IPL 2024: വിക്കറ്റ് പോയി, കട്ടക്കലിപ്പില് റിഷഭ്; സ്ക്രിനില് ബാറ്റുകൊണ്ട് അടിച്ചു! വീഡിയോ വൈറല്
- News കോൺഗ്രസിന്റെ കുരുക്ക് മുറുകുന്നു; വീണ്ടും ആദായ നികുതി നോട്ടീസ്, 1700 കോടി അടയ്ക്കണമെന്ന് നിർദ്ദേശം
- Movies മൂന്ന് ദിവസം വെള്ളവും കാപ്പിയും മാത്രം കുടിച്ചു, മൂന്നാമത്തെ ദിവസം രാത്രി കുഴഞ്ഞു വീണു; ഗോകുല്
- Automobiles പുതിയത് അങ്ങനെയാരും വാങ്ങുന്നില്ല, പക്ഷേ സെക്കൻഡ് ഹാൻഡ് വിപണിയിൽ ഈ കാർ വാങ്ങാൻ ലേഡീസിന്റെ കൂട്ടിയിടി
- Technology അരലക്ഷം രൂപയുടെ ഡിസ്കൗണ്ട്; വിലക്കുറവിൽ ഐഫോൺ15 പ്രോ സ്വന്തമാക്കാൻ ഇതിലും മികച്ച അവസരമില്ലെന്ന് ഫ്ലിപ്പ്കാർട്ട്
- Finance ഹൃദയം തകർത്ത് സ്വർണം, പവന്റെ വില ആദ്യമായി 50,000 കടന്നു, ഒറ്റ രാത്രി കൂടിയത് 1,040 രൂപ
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
2021 ഡിസംബര് മാസത്തിലെ പ്രധാന ആഘോഷ ദിനങ്ങള്
2021 ഡിസംബറിലെ ദേശീയ അന്തര്ദേശീയ പ്രാധാന്യമുള്ള സുപ്രധാന ദിവസങ്ങളുടെ ഒരു ലിസ്റ്റ് ഇതാ. ഇതില് ഡിസംബര് മാസത്തിലെ ഓരോ പ്രധാന ദിവസങ്ങളുടെ തീയതികളും അവ എങ്ങനെ ആഘോഷിക്കപ്പെടുന്നുവെന്നും നിങ്ങള്ക്ക് വായിച്ചറിയാം. നിരവധി മത്സര പരീക്ഷകളില് ചോദിക്കുന്ന ഒരു പ്രധാന വിഭാഗമാണ് പൊതു അവബോധം. ഈ ലേഖനം പരീക്ഷകള്ക്ക് തയ്യാറെടുക്കുന്നവര്ക്ക് അറിവ് വര്ദ്ധിപ്പിക്കുന്നതിനും സഹായിച്ചേക്കാം. ഡിസംബര് എന്ന പദത്തിന്റെ ഉത്ഭവം ലാറ്റിന് പദമായ 'ഡിസെം' എന്നതില് നിന്നാണ്, അതായത് 10. പുരാതന റോമന് കലണ്ടറില്, ഡെസെം എന്ന വാക്ക് പത്താം മാസത്തെ ചിത്രീകരിക്കുന്നു. 2021 ഡിസംബര് മാസത്തിലെ പ്രധാന ദിവസങ്ങള് ഏതൊക്കെയെന്ന് നോക്കൂ.
Most read: 2021 ഡിസംബറിലെ വ്രതദിനങ്ങളും ആഘോഷങ്ങളും
ഡിസംബര് 1 - ലോക എയ്ഡ്സ് ദിനം
എല്ലാ വര്ഷവും ഡിസംബര് 1 ന് ലോക എയ്ഡ്സ് ദിനം ആചരിക്കുന്നു. എച്ച്ഐവിയെ കുറിച്ചുള്ള അവബോധവും അറിവും വര്ദ്ധിപ്പിക്കുന്നതിനും എച്ച്ഐവി പകര്ച്ചവ്യാധി അവസാനിപ്പിക്കുന്നതിനുള്ള ആഹ്വാനത്തിനും വേണ്ടിയാണ് ഈ ദിനം. 1988-ലാണ് ഇത് ആദ്യമായി ആഘോഷിച്ചത്.
ഡിസംബര് 2 - ദേശീയ മലിനീകരണ നിയന്ത്രണ ദിനം
മലിനീകരണത്തെക്കുറിച്ചും അതിന്റെ അപകടകരമായ പ്രത്യാഘാതങ്ങളെക്കുറിച്ചും അവബോധം സൃഷ്ടിക്കുന്നതിനാണ് ഡിസംബര് 2 ദേശീയ മലിനീകരണ നിയന്ത്രണ ദിനം ആചരിക്കുന്നത്. ഭോപ്പാല് വാതകദുരന്തത്തില് ജീവന് നഷ്ടപ്പെട്ടവരുടെ സ്മരണയ്ക്കായി ഈ ദിനം ആചരിക്കുന്നു. ഏറ്റവും വലിയ വ്യാവസായിക ദുരന്തങ്ങളിലൊന്നായി ഭോപ്പാല് വാതക ദുരന്തത്തെ കണക്കാക്കപ്പെടുന്നു.
Most read:ഡിസംബറില് 3 ഗ്രഹങ്ങള്ക്ക് സ്ഥാനമാറ്റം; ഈ രാശിക്കാര്ക്ക് ഭാഗ്യകാലം മുന്നില്
ഡിസംബര് 2 - അടിമത്തം നിര്ത്തലാക്കുന്നതിനുള്ള അന്താരാഷ്ട്ര ദിനം
മനുഷ്യാവകാശങ്ങള്ക്ക് വിരുദ്ധമായി പ്രവര്ത്തിക്കുന്ന ആധുനിക അടിമത്തത്തെക്കുറിച്ച് ജനങ്ങളെ ബോധവാന്മാരാക്കാനാണ് ഡിസംബര് 2 ന് അടിമത്ത നിരോധന ദിനം ആചരിക്കുന്നത്. ലോകത്തിലെ 40 ദശലക്ഷത്തിലധികം ആളുകള് ആധുനിക അടിമത്തത്തിന്റെ ഇരകളാണെന്ന് പറയപ്പെടുന്നു. ഭീഷണികള്, അക്രമം, ബലപ്രയോഗം അല്ലെങ്കില് അധികാര ദുര്വിനിയോഗം എന്നിവ കാരണം ഒരു വ്യക്തിക്ക് നിരസിക്കാന് കഴിയാത്ത ചൂഷണങ്ങള് നേരിടേണ്ടിവരുന്നു.
ഡിസംബര് 2 - ലോക കമ്പ്യൂട്ടര് സാക്ഷരതാ ദിനം
ഡിസംബര് 2 ന് ലോക കമ്പ്യൂട്ടര് സാക്ഷരതാ ദിനം ആചരിക്കുന്നു, പ്രധാനമായും ഇന്ത്യയിലെ കുട്ടികള്ക്കും സ്ത്രീകള്ക്കും ഇടയില് സാങ്കേതിക വൈദഗ്ദ്ധ്യം പ്രോത്സാഹിപ്പിക്കുക എന്നതാണ് ഇതിലൂടെ ലക്ഷ്യമിടുന്നത്.
ഡിസംബര് 3 - ലോക വികലാംഗ ദിനം
വൈകല്യമുള്ളവരെ മനസ്സിലാക്കുന്നതിനും അംഗീകരിക്കുന്നതിനുമുള്ള അവബോധം വളര്ത്തുന്നതിനാണ് ഡിസംബര് 3 ന് ലോക വികലാംഗ ദിനം ആചരിക്കുന്നത്.
Most read:വീടിന്റെ ബാല്ക്കണിയിലും വാസ്തുവുണ്ട്; വിദഗ്ധര് നിര്ദേശിക്കുന്നത് ഇത്
ഡിസംബര് 4 - ഇന്ത്യന് നേവി ദിനം
നാവികസേനക്കരുടെ പങ്ക്, നേട്ടങ്ങള്, ബുദ്ധിമുട്ടുകള് എന്നിവ ഉയര്ത്തിക്കാട്ടുന്നതിനായി എല്ലാ വര്ഷവും ഡിസംബര് 4 ന് ഇന്ത്യന് നേവി ദിനം ആഘോഷിക്കുന്നു.
ഡിസംബര് 5 - അന്താരാഷ്ട്ര സന്നദ്ധ ദിനം
എല്ലാ വര്ഷവും ഡിസംബര് 5 ന് അന്താരാഷ്ട്ര സന്നദ്ധ ദിനം ആഘോഷിക്കുന്നു. സന്നദ്ധപ്രവര്ത്തകര്ക്കും ഓര്ഗനൈസേഷനുകള്ക്കും അവരുടെ പരിശ്രമങ്ങളും മൂല്യങ്ങളും ആഘോഷിക്കാനും അവരുടെ കമ്മ്യൂണിറ്റികള്ക്കിടയില് അവരുടെ പ്രവര്ത്തനങ്ങള് പ്രോത്സാഹിപ്പിക്കാനും ഈ ദിവസം അവസരം നല്കുന്നു.
ഡിസംബര് 5 - ലോക മണ്ണ് ദിനം
മണ്ണിന്റെ പ്രാധാന്യത്തെക്കുറിച്ചും ആരോഗ്യകരമായ ആവാസവ്യവസ്ഥകളെക്കുറിച്ചും മനുഷ്യന്റെ ക്ഷേമത്തെക്കുറിച്ചും അവബോധം സൃഷ്ടിക്കുന്നതിനാണ് ഡിസംബര് 5 ലോക മണ്ണ് ദിനം ആചരിക്കുന്നത്.
Most read:പുതിയ വീട് വാങ്ങാന് ഒരുങ്ങുന്നോ? ഈ വാസ്തു നുറുങ്ങുകള് ശ്രദ്ധിക്കൂ
ഡിസംബര് 7 - സായുധ സേന പതാക ദിനം
രാജ്യത്തിന്റെ അഭിമാനം കാത്തുസൂക്ഷിക്കുന്നതിനായി അതിര്ത്തികളില് ധീരതയോടെ പോരാടിയ രക്തസാക്ഷികളെയും സൈനികരെയും ആദരിക്കുക എന്ന ലക്ഷ്യത്തോടെ ഡിസംബര് 7 ന് രാജ്യമെമ്പാടും സായുധ സേന പതാക ദിനം ആചരിക്കുന്നു.
ഡിസംബര് 7 - അന്താരാഷ്ട്ര സിവില് ഏവിയേഷന് ദിനം
സംസ്ഥാനങ്ങളുടെ സാമൂഹികവും സാമ്പത്തികവുമായ വികസനത്തിന് അതിന്റെ പ്രാധാന്യത്തെക്കുറിച്ചും അന്താരാഷ്ട്ര വ്യോമഗതാഗതത്തില് ICAO വഹിക്കുന്ന പങ്കിനെക്കുറിച്ചും അവബോധം സൃഷ്ടിക്കുന്നതിനായി ഡിസംബര് 7 ന് അന്താരാഷ്ട്ര സിവില് ഏവിയേഷന് ദിനം ആചരിക്കുന്നു.
ഡിസംബര് 9 - അന്താരാഷ്ട്ര അഴിമതി വിരുദ്ധ ദിനം
ആരോഗ്യം, വിദ്യാഭ്യാസം, നീതി, ജനാധിപത്യം, അഭിവൃദ്ധി, വികസനം എന്നിവയെ അഴിമതി എങ്ങനെ ബാധിക്കുന്നുവെന്നത് എടുത്തുകാണിക്കാന് എല്ലാ വര്ഷവും ഡിസംബര് 9 ന് അന്താരാഷ്ട്ര അഴിമതി വിരുദ്ധ ദിനം ആചരിക്കുന്നു.
ഡിസംബര് 10 - മനുഷ്യാവകാശ ദിനം
ഡിസംബര് 10 നാണ് മനുഷ്യാവകാശ ദിനം ആചരിക്കുന്നത്. മനുഷ്യാവകാശങ്ങളുടെ സാര്വത്രിക പ്രഖ്യാപനം 1948-ല് ഐക്യരാഷ്ട്രസഭയുടെ പൊതുസഭ അംഗീകരിച്ചു. എല്ലാ ജനങ്ങളുടെയും അടിസ്ഥാന മനുഷ്യാവകാശങ്ങളും അവരുടെ അടിസ്ഥാന മനുഷ്യസ്വാതന്ത്ര്യവും സംരക്ഷിക്കുന്നതിനാണ് ഈ ദിനം ആചരിക്കുന്നത്.
Most read:ശനിമാറ്റം 2022; ഈ രാശിക്കാര്ക്ക് ശനിയുടെ കണ്ണില് നിന്ന് രക്ഷ
ഡിസംബര് 11 - അന്താരാഷ്ട്ര പര്വത ദിനം
ശുദ്ധജലം, ശുദ്ധമായ ഊര്ജം, ഭക്ഷണം, വിനോദം എന്നിവ നല്കുന്നതില് പര്വതങ്ങള് വഹിക്കുന്ന പങ്കിനെക്കുറിച്ച് കുട്ടികളെയും ആളുകളെയും ബോധവത്കരിക്കുന്നതിനാണ് എല്ലാ വര്ഷവും ഡിസംബര് 11 ന് അന്താരാഷ്ട്ര പര്വതദിനം ആഘോഷിക്കുന്നത്. 2021ലെ തീം 'സുസ്ഥിര പര്വത ടൂറിസം' എന്നതാണ്.
ഡിസംബര് 11 - യുണിസെഫ് ദിനം
ഡിസംബര് 11 ന് ഐക്യരാഷ്ട്രസഭ ഇത് ആചരിക്കുന്നു. UNICEF എന്നാല് യുണൈറ്റഡ് നേഷന്സ് ഇന്റര്നാഷണല് ചില്ഡ്രന് എമര്ജന്സി ഫണ്ട് എന്നാണ് അര്ത്ഥമാക്കുന്നത്.
ഡിസംബര് 14 - ദേശീയ ഊര്ജ്ജ സംരക്ഷണ ദിനം
ഊര്ജ്ജത്തിന്റെ ആവശ്യകതയെക്കുറിച്ചും ദൈനംദിന ജീവിതത്തില് അതിന്റെ സംരക്ഷണത്തെക്കുറിച്ചും അവബോധം സൃഷ്ടിക്കുന്നതിനാണ് ഡിസംബര് 14 ന് ഇത് ആചരിക്കുന്നത്. 1991 മുതല്, ഊര്ജ്ജ മന്ത്രാലയത്തിന് കീഴിലുള്ള ബ്യൂറോ ഓഫ് എനര്ജി എഫിഷ്യന്സി (BEE) എല്ലാ വര്ഷവും ഡിസംബര് 14 ന് ദേശീയ ഊര്ജ്ജ സംരക്ഷണ ദിനം ആഘോഷിക്കുന്നു.
Most read:ഈ 5 രാശിക്കാര്ക്ക് ഗുരുപൂര്ണിമ പ്രധാനം; ശനിദോഷ പ്രതിവിധി ചെയ്യണം
ഡിസംബര് 16- വിജയ് ദിവസ്
രക്തസാക്ഷികളെയും അവരുടെ ത്യാഗങ്ങളെയും അനുസ്മരിക്കാനും രാജ്യത്തിന്റെ ലക്ഷ്യത്തിനായി സായുധ സേനയുടെ പങ്ക് ശക്തിപ്പെടുത്താനും ഡിസംബര് 16 ന് ഇന്ത്യയില് വിജയ് ദിവസ് ആഘോഷിക്കുന്നു.
ഡിസംബര് 18 - അന്താരാഷ്ട്ര കുടിയേറ്റ ദിനം
കുടിയേറ്റക്കാരുടെയും അഭയാര്ത്ഥികളുടെയും സംരക്ഷണത്തെക്കുറിച്ച് അവബോധം വളര്ത്തുന്നതിനാണ് ഡിസംബര് 18 ന് അന്താരാഷ്ട്ര കുടിയേറ്റ ദിനം ആചരിക്കുന്നത്. സുരക്ഷിത തീരത്ത് എത്തുന്നതിനിടയില് ജീവന് നഷ്ടപ്പെടുകയോ കാണാതാവുകയോ ചെയ്ത കുടിയേറ്റക്കാരെയും അഭയാര്ഥികളെയും ഒരുമിച്ചുചേര്ക്കാന് അന്താരാഷ്ട്ര സമൂഹത്തോട് ഇന്റര്നാഷണല് ഓര്ഗനൈസേഷന് ഫോര് മൈഗ്രേഷന് (ഐഒഎം) ആഹ്വാനം ചെയ്യുന്നു.
ഡിസംബര് 19 - ഗോവ വിമോചന ദിനം
ഗോവയുടെ വിമോചന ദിനം എല്ലാ വര്ഷവും ഡിസംബര് 19 ന് ആഘോഷിക്കുന്നു. 1961-ല് ഈ ദിവസം സൈനിക നടപടിക്കും വിപുലീകൃത സ്വാതന്ത്ര്യ സമരത്തിനും ശേഷം ഗോവ പോര്ച്ചുഗീസ് ആധിപത്യത്തില് നിന്ന് മോചിപ്പിക്കപ്പെട്ടു. പോര്ച്ചുഗീസ് ഭരണത്തില് നിന്ന് ഗോവയെ സ്വതന്ത്രമാക്കാന് സഹായിച്ച ഇന്ത്യന് സായുധ സേനയുടെ സ്മരണാര്ത്ഥമാണ് ഈ ദിനം ആഘോഷിക്കുന്നത്.
ഡിസംബര് 20 - അന്താരാഷ്ട്ര സോളിഡാരിറ്റി ദിനം
നാനാത്വത്തില് ഏകത്വത്തിന്റെ പ്രാധാന്യം ഉയര്ത്തിക്കാട്ടുന്നതിനായി എല്ലാ വര്ഷവും ഡിസംബര് 20 ന് അന്താരാഷ്ട്ര മനുഷ്യ ഐക്യദാര്ഢ്യ ദിനം ആചരിക്കുന്നു. ദാരിദ്ര്യം, പട്ടിണി, രോഗങ്ങള് എന്നിവയ്ക്കെതിരെ ഒരുമിച്ച് പോരാടാനും ഈ ദിവസം ആളുകളെ ഓര്മ്മിപ്പിക്കുന്നു.
ഡിസംബര് 22 - ദേശീയ ഗണിത ദിനം
പ്രശസ്ത ഗണിതശാസ്ത്രജ്ഞന് ശ്രീനിവാസ രാമാനുജന്റെ ജന്മവാര്ഷികത്തിന്റെ സ്മരണയ്ക്കായി വര്ഷം തോറും ഡിസംബര് 22 ന് ദേശീയ ഗണിത ദിനമായി ആചരിക്കുന്നു. ഗണിതശാസ്ത്രത്തിന്റെ വിവിധ മേഖലകളിലും അതിന്റെ ശാഖകളിലും അദ്ദേഹം ശ്രദ്ധേയമായ സംഭാവനകള് നല്കിയിട്ടുണ്ട്. 1887 ഡിസംബര് 22-ന് തമിഴ്നാട്ടിലെ ഈറോഡിലാണ് അദ്ദേഹം ജനിച്ചത്.
ഡിസംബര് 23 - ദേശീയ കര്ഷക ദിനം
മുന് പ്രധാനമന്ത്രി ചൗധരി ചരണ് സിംഗിന്റെ ജന്മവാര്ഷികത്തിന്റെ സ്മരണയ്ക്കായി ഡിസംബര് 23 ന് രാജ്യത്തുടനീളം കിസാന് ദിവസ് അഥവാ ദേശീയ കര്ഷക ദിനമായി ആഘോഷിക്കുന്നു. ഈ ദിവസം, കൃഷിയെക്കുറിച്ച് ജനങ്ങളെ ബോധവല്ക്കരിക്കാനും അറിവ് നല്കാനുമായി വിവിധ പരിപാടികള്, സെമിനാറുകള്, ചടങ്ങുകള്, മത്സരങ്ങള് എന്നിവ സംഘടിപ്പിക്കുന്നു.
ഡിസംബര് 24 - ദേശീയ ഉപഭോക്തൃ അവകാശ ദിനം
ദേശീയ ഉപഭോക്തൃ അവകാശ ദിനം എല്ലാ വര്ഷവും ഡിസംബര് 24 ന് രാജ്യത്തുടനീളം ഒരു പ്രത്യേക പ്രമേയത്തോടെ ആചരിക്കുന്നു. 1986ല് ഈ ദിവസം, ഉപഭോക്തൃ സംരക്ഷണ നിയമത്തിന് രാഷ്ട്രപതിയുടെ അംഗീകാരം ലഭിച്ചിരുന്നു. രാജ്യത്തെ ഉപഭോക്തൃ പ്രസ്ഥാനത്തിലെ ഒരു ചരിത്ര നാഴികക്കല്ലായി ഇത് കണക്കാക്കപ്പെടുന്നു എന്നതില് സംശയമില്ല. ഉപഭോക്തൃ അവകാശങ്ങളെയും കടമകളെയും കുറിച്ചുള്ള അവബോധം കൂടിയാണ് ഈ ദിനം നല്കുന്നത്.
ഡിസംബര് 25 - ക്രിസ്മസ്
ദൈവപുത്രനായ യേശുക്രിസ്തുവിന്റെ ജനനത്തിന്റെ ഓര്മ്മ പുതുക്കി വര്ഷം തോറും ഡിസംബര് 25 ന് ലോകമെമ്പാടും ക്രിസ്തുമസ് ദിനം ആഘോഷിക്കുന്നു.
ഡിസംബര് 25 - സദ്ഭരണ ദിനം
അടല് ബിഹാരി വാജ്പേയിയുടെ ജന്മവാര്ഷിക ദിനമായ ഡിസംബര് 25 ന് ഇന്ത്യയില് സദ്ഭരണ ദിനമായി ആചരിക്കുന്നു. 2018 ഓഗസ്റ്റ് 16ന് 93-ആം വയസ്സില് അദ്ദേഹം അന്തരിച്ചു. ഇന്ത്യയിലെ ജനങ്ങള്ക്കിടയില് ഭരണത്തിലെ ഉത്തരവാദിത്തത്തെക്കുറിച്ച് അവബോധം വളര്ത്തുന്നതിനായി മുന് പ്രധാനമന്ത്രി അടല് ബിഹാരി വാജ്പേയിക്ക് ആദരാഞ്ജലികള് അര്പ്പിക്കാന് 2014ലാണ് ഡിസംബര് 25 സദ്ഭരണ ദിനമായി ആചരിക്കാന് തീരുമാനിച്ചത്.
ഡിസംബര് 31 - പുതുവത്സര രാവ്
ഗ്രിഗോറിയന് കലണ്ടര് പ്രകാരം ഡിസംബര് 31 ന് വര്ഷത്തിലെ അവസാന ദിവസമായി പുതുവത്സരാഘോഷം ആഘോഷിക്കുന്നു. നൃത്തം, ഭക്ഷണം, പാട്ട് തുടങ്ങിയവയിലൂടെ സായാഹ്നം ആഘോഷിക്കാനും പുതുവര്ഷത്തെ സ്വാഗതം ചെയ്യാനും ആളുകള് ഒത്തുകൂടുന്നു.