പുതിയ വാഹനം വാങ്ങാന്‍ നല്ല ദിവസം ഏത്?

കാറിന്റെ നിറം

നമുക്കെല്ലാവര്‍ക്കും ഞങ്ങളുടെ പ്രിയപ്പെട്ട നിറങ്ങളുണ്ട്, പക്ഷേ ഒരു കാര്‍ വാങ്ങുമ്പോള്‍, നിങ്ങളുടെ ജാതകം നോക്കി ശരിയായ നിറം നിര്‍ദ്ദേശിക്കുന്ന ഒരു ജ്യോത്സ്യനെ സമീപിക്കുന്നത് നല്ലതാണ്. കാറിന്റെ നിറം ഉടമയുടെ അഭിരുചികളെ ആശ്രയിച്ചിരിക്കുന്നുവെങ്കിലും, കുറച്ച് ജ്യോതിഷപരമായ ഘടകങ്ങള്‍ കൂടി ഓര്‍മ്മിക്കുന്നത് സഹായകരമാകും. ജനനസമയത്തെ ചന്ദ്രന്റെ സ്ഥാനവും ജാതകവും പരിശോധിച്ചുകൊണ്ട് നിറം തിരിച്ചറിയാന്‍ കഴിയും. ഒരു വ്യക്തിക്ക് അവരുടെ രാശിചിഹ്നം ഭരിക്കുന്ന ഗ്രഹം അനുസരിച്ചും അനുയോജ്യമായ കാറിന്റെ നിറം അറിയാനും കഴിയും.

രജിസ്‌ട്രേഷന്‍ നമ്പര്‍

കാറിന്റെ രജിസ്‌ട്രേഷന്‍ നമ്പറിനായി അപേക്ഷിക്കുമ്പോള്‍ ചില വസ്തുതകള്‍ കണക്കിലെടുക്കേണ്ടതുണ്ട്. ഓരോ വ്യക്തിയുടെയും ഭാഗ്യ നമ്പറും ജനനത്തീയതിയും നോക്കി നല്‍കാവുന്നതാണ്. ഉദാഹരണത്തിന്, നിങ്ങള്‍ ഒരു മാസം 16 ന് ആണ് ജനിച്ചതാണെങ്കില്‍, ഭാഗ്യ നമ്പര്‍ 1 + 6 = 7. ഒരു വാഹനത്തിന്റെ അനുയോജ്യമായ രജിസ്‌ട്രേഷന്‍ നമ്പര്‍ ഭാഗ്യ സംഖ്യ അല്ലെങ്കില്‍ 9 ആകാം. അധികാരികള്‍ രജിസ്‌ട്രേഷന്‍ നമ്പര്‍ അനുവദിച്ചിട്ടുണ്ടെങ്കില്‍, നമ്പറിന്റെ ഓരോ അക്കവും കൂട്ടിനോക്കുക. തുക ഒന്നുകില്‍ ഭാഗ്യ നമ്പര്‍ അല്ലെങ്കില്‍ 9 ആണെങ്കില്‍, രജിസ്‌ട്രേഷന്‍ നമ്പര്‍ തിരഞ്ഞെടുക്കാം. മിക്ക ഫാന്‍സി നമ്പറുകളും ഈ ഫലം നല്‍കും. ഉദാഹരണത്തിന് 9999 അല്ലെങ്കില്‍ 3303 എടുക്കുക. ഇവ കൂട്ടിയാല്‍ 9 ആണ് ലഭിക്കുക. ഈ രീതി പിന്തുടരുകയാണെങ്കില്‍ കാര്‍ ഉടമകള്‍ക്ക് ഭാഗ്യം നേടാം.

വാഹനം വാങ്ങുന്ന ദിവസം

ഒരു വ്യക്തിയെ സംബന്ധിച്ച് കാര്‍ വീട്ടിലെത്തിക്കുന്ന ദിവസവും നിര്‍ണായകമാണ്. വാഹനം വാങ്ങുന്നതിനായി ഷോറൂം സന്ദര്‍ശിക്കുന്ന സമയം ചന്ദ്രന്റെ സ്ഥാനം അടിസ്ഥാനമാക്കി ഇത് തീരുമാനിക്കാം. പൗര്‍ണ്ണമി ദിവസത്തിന് അഞ്ച് ദിവസം മുമ്പോ പിമ്പോ അനുയോജ്യമായ കാലയളവാണ്.മറ്റൊരു അനുകൂല സമയം പൗര്‍ണ്ണമിക്ക് 6-10 ദിവസം മുമ്പോ ശേഷമോ ആണ്. എന്നാല്‍ പൗര്‍ണ്ണമിക്ക് 11-15 ദിവസം കഴിഞ്ഞ് വാഹനം വീട്ടിലെത്തിക്കാതിരിക്കാന്‍ ശ്രദ്ധിക്കേണ്ടതുണ്ട്.

അനുയോജ്യമായ സമയം

രാഹുകാലത്തെക്കുറിച്ച് മിക്കവര്‍ക്കും അറിവുള്ളതായിരിക്കും. ഒരു വാഹനം രാഹുകാലത്ത് കൈവശപ്പെടുത്തുന്നത് ദോഷകരമാണ്. ഓരോ ദിവസവും ഒന്നര മണിക്കൂര്‍ രാഹുകാലമായി കണക്കാക്കുന്നു. അതായത്:

ഞായര്‍ - വൈകുന്നേരം 4.30 മുതല്‍ 6 വരെ

തിങ്കള്‍ - രാവിലെ 7.30 മുതല്‍ 9 വരെ

ചൊവ്വ - ഉച്ചകഴിഞ്ഞ് 3 മുതല്‍ 4.30 വരെ

ബുധന്‍ - ഉച്ചയ്ക്ക് 12 മുതല്‍ 1.30 വരെ

വ്യാഴം - ഉച്ചയ്ക്ക് 1.30 മുതല്‍ 3 വരെ

വെള്ളി - രാവിലെ 10.30 മുതല്‍ ഉച്ചയ്ക്ക് 12 വരെ

ശനി - രാവിലെ 9 മുതല്‍ 10.30 വരെ

കാറില്‍ സൂക്ഷിക്കാന്‍

ചെറിയ വിഗ്രഹങ്ങളോ ദേവന്മാരുടെ രൂപങ്ങളോ വാഹനങ്ങളില്‍ സൂക്ഷിക്കുന്നത് ഒരു പതിവാണ്. കേതുവുമായി ബന്ധമുള്ള ഗണപതിയാണ് ഇതിനായി ഏറ്റവും അനുയോജ്യമായ ദൈവം. അപകടങ്ങളോ മറ്റ് അപകടകരമായ സാഹചര്യങ്ങളോ തടയാന്‍ വിഘ്നേശ്വരനെ കാറില്‍ സൂക്ഷിക്കാവുന്നതാണ്.

ആദ്യ യാത്ര

ഒരു വാഹനം വാങ്ങി ആദ്യ യാത്ര ആരാധനാലയത്തിലേക്കോ പുണ്യസ്ഥലങ്ങളിലേക്കോ ആകുന്നത് ഉചിതമായിരിക്കും. വിഘ്നേശ്വരനെയോ ഹനുമാനയോ ആരാധിക്കുന്ന ക്ഷേത്രങ്ങള്‍ സന്ദര്‍ശിക്കാവുന്നതാണ്. ആദ്യകാര്യം എന്ന നിലയില്‍ വാഹനപൂജ നടത്തുന്നതും പ്രയോജനകരമാണ്.