ആഷാഢ അമാവാസിയില്‍ പരിഹാരം ഇതെങ്കില്‍ ജീവിതത്തില്‍ വരില്ല കാളസര്‍പ്പ ദോഷം

കാളസര്‍പ്പ ദോഷം

കാളസര്‍പ്പ ദോഷത്തെ വളരെ നിന്ദ്യമായി കണക്കാക്കുന്നു. ഈ ദോഷം കാരണം, ഒരു വ്യക്തിയുടെ ജീവിതത്തിലെ പല പ്രധാന ജോലികളും തടസ്സപ്പെടുന്നു. നിങ്ങളുടെ ജാതകത്തില്‍ കാളസര്‍പ്പ ദോഷം ഉണ്ടെങ്കില്‍, അമാവാസി ദിനത്തില്‍ ഒരു ജോടി വെള്ളി പാമ്പുകളെയും സര്‍പ്പങ്ങളെയും ഉണ്ടാക്കി പുണ്യനദിയുടെ തീരത്ത് വച്ച് പൂജാരിമാരുടെ മാര്‍ഗനിര്‍ദേശപ്രകാരം ആരാധിക്കണം. ആരാധനയ്ക്ക് ശേഷം ഇവയെ വെള്ളത്തില്‍ ഒഴുക്കുക. ഇതുകൂടാതെ, നിങ്ങള്‍ക്ക് ഒരു പാമ്പാട്ടിയില്‍ നിന്ന് ഒരു ജോടി സര്‍പ്പങ്ങളെ വാങ്ങുകയും അവയെ ഒരു വനത്തില്‍ സ്വതന്ത്രമാക്കി വിടുകയും ചെയ്യുക. ഇത് ജാതകത്തിലെ കാളസര്‍പ്പദോഷത്തെ ഇല്ലാതാക്കും.

മത്സ്യങ്ങള്‍ക്ക് ഭക്ഷണം

നിങ്ങളുടെ ജീവിതത്തില്‍ വിട്ടൊഴിയാത്ത പ്രശ്നങ്ങളുണ്ടെങ്കില്‍ലോ ചെയ്യുന്ന ജോലികള്‍ മോശമാവുകയോ ചെയ്താല്‍, അത്തരമൊരു സാഹചര്യത്തില്‍, ആഷാഢ അമാവാസി ദിനത്തില്‍, നിങ്ങള്‍ രാമന്റെ പേര് അരിമാവിലെഴുതി ആ മാവ് കുഴച്ച് ഉരുളകളാക്കി കുളത്തിലും നദിയിലുമുള്ള മത്സ്യങ്ങള്‍ക്ക് നല്‍കുക. ഇത് ചെയ്യുന്നതിലൂടെ, നിങ്ങളുടെ ജീവിതത്തില്‍ നിന്ന് നിരവധി പ്രശ്‌നങ്ങള്‍ നീക്കംചെയ്യാവുന്നതാണ്..

ഉറുമ്പുകള്‍ക്ക് ഭക്ഷണം

ആഷാഢ അമാവാസി ദിനത്തില്‍ അരിമാവും പഞ്ചസാരയും ചേര്‍ത്ത് ഉറുമ്പുകള്‍ക്ക് ഭക്ഷണം നല്‍കുക. ഇത് ചെയ്യുന്നതിലൂടെ നിങ്ങളുടെ ജീവിതത്തില്‍ നിന്ന് നിരവധി പ്രശ്നങ്ങള്‍ നീക്കംചെയ്യപ്പെടും. പല നല്ല കാര്യങ്ങളും ഭാഗ്യവശാല്‍ സംഭവിക്കും. ഒരു വ്യക്തിക്ക് സാമ്പത്തിക രംഗത്ത് വളരെയധികം ലാഭം നേടാനും ഈ പരിഹാരം സഹായിക്കും.

ആല്‍മരം നടുക

നിങ്ങളുടെ ജാതകത്തില്‍ പിതൃദോഷം ഉണ്ടെങ്കില്‍, പൂര്‍വ്വികര്‍ക്കായി ആഷാഢ അമാവാസി ദിനത്തില്‍ നിങ്ങള്‍ ഗീത ചൊല്ലണം. ഈ ദിവസം നിങ്ങള്‍ ഒരു ആല്‍മരം നട്ടുപിടിപ്പിക്കുകയും അത് പരിപാലിക്കുകയും ചെയ്യുക. മരം വളരുന്തോറും ജീവിതത്തിലെ എല്ലാ പ്രശ്നങ്ങളും നീങ്ങുമെന്ന് വിശ്വസിക്കപ്പെടുന്നു.

നെയ്‌വിളക്ക് തെളിക്കുക

ആഷാഢ അമാവാസി ദിനത്തില്‍ വീടിന്റെ വടക്കുകിഴക്ക് ഭാഗത്ത് ഒരു നെയ്യ് വിളക്ക് കത്തിക്കുക. പരുത്തിക്ക് പകരം ഈ വിളക്കില്‍ ഒരു ചുവന്ന നൂല്‍ വയ്ക്കുക. കൂടാതെ വിളക്കില്‍ കുങ്കുമവും ഇടുക. ഈ പ്രതിവിധി സ്വീകരിക്കുന്നതിലൂടെ ലക്ഷ്മി ദേവി വളരെയേറെ സന്തോഷിക്കുകയും, ഒപ്പം വീട്ടില്‍ സമ്പത്ത് വരുത്തുകയും ചെയ്യും.

ദാനം നല്‍കുക

പാവപ്പെട്ടവര്‍ക്ക് ആഷാഢ അമാവാസിയില്‍ ഭക്ഷണം നല്‍കുക. അങ്ങനെ ചെയ്യുന്നതിലൂടെ നിങ്ങള്‍ക്ക് പുണ്യം ലഭിക്കുകയും ജീവിതത്തിലെ എല്ലാ പ്രശ്‌നങ്ങളും നീങ്ങുകയും ചെയ്യും.