വിവാഹ ശേഷം 3 മിനിറ്റില്‍ വിവാഹ മോചനം...

കുവൈറ്റില്‍

കുവൈറ്റില്‍ നടന്ന ഒരു വിവാഹ മോചനത്തിന്റെ കഥയാണ് ഇത്. സാധാരണ രീതിയില്‍ നടന്ന വിവാഹം. ദമ്പതിമാര്‍ തമ്മില്‍ വിവാഹ മോചനവും നടന്നു. ഇത് ഇത്ര അസാധാരണമോ എന്ന തോന്നലുണ്ടാകാം. അസാധാരണമല്ല.പക്ഷേ ഈ വിവാഹ മോചനം അസാധാരണമാക്കുന്ന ഒന്നുണ്ട്.

വിവാഹ ശേഷം 3 മിനിറ്റു കഴിഞ്ഞു തന്നെ വിവാഹ മോചനവും

എന്നാല്‍ ഈ വിവാഹമോചനത്തിനുള്ള സമയ ദൈര്‍ഘ്യവും ഇതിനുള്ള കാരണവുമാണ് അമ്പരിപ്പിയ്ക്കുന്നതാകുന്നത്. വിവാഹ ശേഷം 3 മിനിറ്റു കഴിഞ്ഞു തന്നെ വിവാഹ മോചനവും നടന്നു.

ജഡ്ജിയുടെ മുന്നിലാണ്

വിവാഹ ചടങ്ങിന്റെ ഭാഗമായി കുവൈറ്റിലെ ഈ ദമ്പതിമാര്‍ സര്‍ട്ടിഫിക്കറ്റില്‍ ഒപ്പു വച്ചു. ജഡ്ജിയുടെ മുന്നിലാണ് ഒപ്പിട്ടത്. ഇതിനു ശേഷം ഇവര്‍ കോര്‍ട്ട് റൂമില്‍ നിന്നം തിരികെ മടങ്ങുകയായിരുന്നു.

ഇങ്ങനെ തിരികെ പോകുമ്പോള്‍ ഇട്ടിരുന്ന നീണ്ട ഗൗണ്‍ തടഞ്ഞ് വധു കോണിപ്പടിയില്‍ നിന്നും വീഴുകയായിരുന്നു. വീഴ്ചയില്‍ ഇവര്‍ക്ക് അപകടമൊന്നും സംഭവിച്ചില്ല.

അപമാനിച്ചത്

എന്നാല്‍ വധുവിന്റെ വീഴ്ച വരനു പിടിച്ചില്ല. ഇയാള്‍ ഇവിടെ വച്ച് വധുവിനെ സ്റ്റുപിഡ് എന്ന് വിളിച്ചു. ആളുകള്‍ക്കു മുന്നില്‍ വച്ച് തന്നെ വരന്‍ അപമാനിച്ചത് വധുവിന് പിടിച്ചില്ല.

വധു

വധു ആ നിമിഷം തന്നെ വിവാഹ മോചനത്തിന് ആവശ്യപ്പെടുകയായിരുന്നു. കോര്‍ട്ട് റൂമില്‍ ഏതു ജഡ്ജിയ്ക്കു മുന്നിലായാണോ ഒപ്പിട്ടത് ആ ജഡ്ജിയ്ക്കു തന്നെയായിരുന്നു വിവാഹമോചനത്തിന് സാക്ഷ്യം വഹിയ്ക്കാനും അവസരമുണ്ടായത്.

രണ്ടഭിപ്രായവും

വിവാഹത്തിനു സാക്ഷ്യം വഹിയ്ക്കാനെത്തിയവരില്‍ രണ്ടഭിപ്രായവും പറഞ്ഞവരുണ്ട്. വധു ചെയ്തത് ശരിയാണെന്നും വരന്‍ ഇതേ രീതിയില്‍ അപമാനിച്ചതു ശരിയായില്ലെന്നും ഒരു വിഭാഗം പറഞ്ഞപ്പോള്‍ വധു വരനെ ഉപേക്ഷിയ്ക്കാന്‍ കാരണം അന്വേഷിച്ചു നില്‍ക്കുകയായിരുന്നുവെന്നും ഇതാണ് ഇത്തരത്തില്‍ പെട്ടെന്നുള്ള തീരുമാനത്തിന് കാരണമായതുമെന്നുമായിരുന്നു മറ്റേ വിഭാഗം പറഞ്ഞത്.