ഉറങ്ങുമ്പോള്‍ തലയിണയ്ക്കടിയില്‍ മാലയൂരി വക്കുമോ?

പണം

പണം തലയിണയ്ക്കടിയില്‍ വയ്ക്കുന്ന ശീലമുള്ളവര്‍ ധാരാളമുണ്ട്. ഇതു പലരും സുരക്ഷയെ കരുതി വയ്ക്കുന്നതാകും. കാരണം ഇവിടെ വച്ചാല്‍ ഇതു മോഷണം പോകില്ലെന്ന ചിന്തയാണ് പലര്‍ക്കും. പുറമേ നിന്ന് ആരും കിടക്കുന്ന തലയിണയ്ക്കടിയില്‍ നിന്നും ഇതെടുക്കില്ലെന്ന ചിന്ത.

വാസ്തുവനുസരിച്ച്

വാസ്തുവനുസരിച്ച് ഇതിനു മറ്റൊരു വിശദീകരണം നല്‍കാം. ലക്ഷ്മിയാണ് പണം എന്നാണു വിശ്വാസം. ഇതു കൊണ്ടു തന്നെ ഇത് തലയിണയ്ക്കടിയില്‍ വയ്ക്കുന്നത് ലക്ഷ്മിയെ അനാദരിയ്ക്കലാണെന്നു പറയാം. ഇതുകൊണ്ട് ലക്ഷ്മീ പ്രസാദം നഷ്ടമാകും. ഇതുപോലെ തലയിണയ്ക്കടിയില്‍ പണം സൂക്ഷിയ്ക്കുന്നത് നമുക്കും നെഗറ്റീവ് ഊര്‍ജം നല്‍കും. സമാധാനമായ ഉറക്കത്തെ ഇതു തടസപ്പെടുത്തും. കാരണം പണം തലയിണയ്ക്കു കീഴിലുണ്ടെന്ന കരുതല്‍ ഉറങ്ങുമ്പോഴും നിങ്ങളുടെ അബോധ മനസിനെ കീഴ്‌പ്പെടുത്തും.

ആഭരണങ്ങളും

ഇതു പോലെ തന്നെയാണ് ആഭരണങ്ങളുടെ കാര്യവും. പല സ്ത്രീകളും ഉറങ്ങാന്‍ കിടക്കുമ്പോള്‍ മാലയും ആഭരണങ്ങളും മറ്റു ഊരിയെടുത്ത് തലയിണയ്ക്കടിയില്‍ വയ്ക്കുന്ന ശീലമുണ്ട്. സ്വര്‍ണവും ലക്ഷ്മിയാണെന്നാണ് വിശ്വാസം. ഇത് അശുഭവും ജീവിതത്തില്‍ തടസങ്ങള്‍ വരുത്തി വയ്ക്കുകയും ചെയ്യുമെന്നാണ് വിശ്വാസം.

ബുക്കുകള്‍

കിടക്കാന്‍ നേരം വായിക്കുന്നതും ഉറക്കം വരുമ്പോള്‍ ബുക്കുകള്‍ തലയിണയ്ക്കടിയിലേയ്ക്കു തള്ളുന്നതും പലരുടേയും ശീലമാണ്. ഇതും മനസിനെ അസ്വസ്ഥമാക്കുവാനും ഉറക്കം തടസപ്പെടുത്തുവാനും കാരണമാകും. പ്രത്യേകിച്ചും പഠിയ്ക്കുന്ന ബുക്കുകളെങ്കില്‍ പഠിയ്ക്കാനുണ്ടെന്ന ചിന്ത നല്ല ഉറക്കത്തിന് തടസം നില്‍ക്കും.

ചാവി

ചാവി അഥവാ കീയും തലയിണയുടെ അടിയില്‍ വയ്ക്കുന്നവരുണ്ട്. ഇതും നല്ലതല്ല. സുരക്ഷയെ കരുതിയാകും, പലരും ഇതു ചെയ്യുന്നതെങ്കിലും. ഇത് വാസ്തുപരമായി നോക്കിയാല്‍, വിശ്വാസപരമായി നോക്കിയാല്‍ സാമ്പത്തിക നഷ്ടം വരുത്തുമെന്നാണ് പറയുക. ഇതു ലോഹവുമാണ്. ഇതു കൊണ്ടു തന്നെ തലയിണയുടെ മറയുണ്ടെങ്കില്‍ പോലും ഇതു തലയുമായി സമ്പര്‍ക്കമുണ്ടാകുകയും ചെയ്യും.

മരുന്നുകള്‍

ഇതുപോലെ ഒന്നാണ് മരുന്നുകളും. മരുന്നുകള്‍ തലയിണയുടെ അടിയിലേയ്ക്കു തള്ളി വയ്ക്കുന്നവര്‍ ഇഷ്ടം പോലെയുണ്ട്. ഇതും നല്ലതല്ല. ആരോഗ്യത്തെയും ജീവിതത്തേയും ഈ ശീലം ബാധിയ്ക്കുമെന്നാണ് വിശ്വാസം.