ഈ രാശിക്കാര്‍ കെട്ടിയാല്‍ പിരിയും, കാരണം

ക്യാന്‍സര്‍-അക്വേറിയസ്

ക്യാന്‍സര്‍ അഥവാ കര്‍ക്കിടക രാശിയും അക്വേറിയസ് അഥവാ കുംഭ രാശിയും നല്ല പങ്കാളികളാകില്ല. ലോല ഹൃദയമുള്ളവരാണ് ക്യാന്‍സര്‍ രാശിക്കാര്‍. വികാരങ്ങള്‍, സന്തോഷവും സങ്കടവുമെല്ലാം പെട്ടെന്ന് അനുഭവപ്പെടുന്നവര്‍. ഒറ്റക്കിരിയ്ക്കാന്‍ ആഗ്രഹിയ്ക്കുന്നവര്‍. എന്നാല്‍ അക്വേറിയസ് വിഭാഗത്തില്‍ പെട്ടവര്‍ പാറിപ്പറന്നു നടക്കുവാന്‍ ആഗ്രഹിയ്ക്കുന്നവരാണ്. സ്വഭാവത്തെ ഈ വ്യത്യാസങ്ങള്‍ വിവാഹത്തിന് പ്രതികൂലമായി നില്‍ക്കും.

ഏരീസ് -ടോറസ്

ഏരീസ് അഥവാ മേട രാശിയും ടോറസ് അഥവാ ഇടവ രാശിയും ഇതുപോലെ വിവാഹിതരാകാന്‍ ചേര്‍ച്ചയില്ലാത്ത രാശികളാണ്. ഇരു കൂട്ടരും കാര്‍ക്കശ്യവും കാഠിന്യവുമുളളവരാണ്. ഇതു കൊണ്ടു തന്നെ വിട്ടുവീഴ്ചകള്‍ക്കു തയ്യാറാകില്ല. ഇത് സ്വഭാവികമായും പ്രശ്‌നമുണ്ടാക്കും.

ലിയോ- സ്‌കോര്‍പിയോ

ലിയോ അഥവാ കന്നി രാശിയും സ്‌കോര്‍പിയോ അഥവാ വൃശ്ചിക രാശിയും വിവാഹത്തില്‍ ഒരുമിയ്ക്കാന്‍ ചേര്‍ന്ന രാശികളല്ല. ലിയോ വിഭാഗത്തില്‍ പെട്ടവര്‍ ആത്മവിശ്വാസമുള്ള, സ്വന്തം നിലപാടുകളില്‍ ഉറച്ചു നില്‍ക്കുന്ന പ്രകൃതമാണ്. സ്‌കോര്‍പിയോക്കാര്‍ അസൂയാലുക്കളും മറ്റുള്ളവരോട് നല്ല വാക്കു പറയാന്‍ മടിയ്ക്കുന്നവരുമാണ്. ഈ സ്വഭാവ വ്യത്യാസം പ്രശ്‌നമാകും.

വിര്‍ഗോ-സാജിറ്റേറിയസ്

വിര്‍ഗോ അഥവാ കന്നി രാശിയും സാജിറ്റേറിയസ് അഥവാ ധനു രാശിയും വിവാഹത്തില്‍ ഒരുമിയ്ക്കാന്‍ ചേര്‍ന്ന രാശികളല്ല. വിര്‍ഗോ അടിസ്ഥാനപരമായ കലയോട് താല്‍പര്യമുള്ള, പങ്കാളിയോടു കരുതല്‍ കാണിയ്ക്കുന്ന രാശിയാണ്. എന്നാല്‍ സാജിറ്റേറിയസ് ഇത്തരത്തിലെ രാശിയല്ല. ഇവര്‍ക്ക് സ്വന്തം കാര്യം മാത്രം നോക്കി ജീവിയ്ക്കാന്‍ താല്‍പര്യമുള്ളവരാണ്. ഇതു കൊണ്ടു തന്നെ ഒത്തു പോകാനും ബുദ്ധിമുട്ടാകും.

ടോറസ്-സാജിറ്റേറിയസ്

ടോറസ് അഥവാ ഇടവ രാശിയും സാജിറ്റേറിയസ് അഥവാ ധനു രാശിയും വിവാഹത്തിന് പൊരുത്തമില്ലാത്തവരാണ്. ധനു രാശിക്കാര്‍ എപ്പോഴും പുറത്തു സ്വതന്ത്രമായി നടക്കാന്‍, സന്തോഷിയ്ക്കാന്‍ ആഗ്രഹിയ്ക്കുന്നവരാണ്. എന്നാല്‍ ഇടവ രാശിക്കാര്‍ വീട്ടില്‍ ഒതുങ്ങി ജീവിയ്ക്കാനും. സ്വഭാവത്തിലെ വൈരുധ്യം പലപ്പോഴും ബന്ധങ്ങളില്‍ വിള്ളര്‍ വീഴ്ത്തും.

കാപ്രിക്കോണ്‍-ജെമിനി

കാപ്രിക്കോണ്‍ അഥവാ മകര രാശിയും ജെമിനി അഥവാ മിഥുന രാശിയും വിവാഹത്തില്‍ ഒരുമിച്ചാല്‍ പ്രശ്‌ന സാധ്യതയുണ്ടാകും. ആത്മാര്‍ത്ഥതയുളള, സത്യസന്ധരായവരാണ് മകര രാശിക്കാര്‍. എന്നാല്‍ ജെമിനി അഥവാ മിഥുന രാശി ഇതിന് നേര്‍വിപരീതമായ സ്വഭാവമുളളവരുമാണ്. ഇത് പ്രശ്‌നങ്ങള്‍ക്കു സാധ്യതയുണ്ടാക്കുന്നു.

ലിബ്ര -വിര്‍ഗോ

ലിബ്ര അഥവാ തുലാം രാശിയും വിര്‍ഗോ അഥവാ കന്നി രാശിയും തമ്മില്‍ വിവാഹം കഴിച്ചാലും പ്രശ്‌ന സാധ്യതയുണ്ട്. തുലാം രാശിക്കാര്‍ സ്വാതന്ത്ര്യം ആഗ്രഹിയ്ക്കുന്നവരാണ്. പങ്കാളിയില്‍ നിന്നും ശ്രദ്ധയാകര്‍ഷിയ്ക്കുന്നവര്‍. എന്നാല്‍ വിര്‍ഗോക്കാര്‍ സ്വന്തം കാര്യം നോക്കുന്നവരാണ്. പങ്കാളിയ്ക്കു വേണ്ട ശ്രദ്ധ നല്‍കില്ല. ഇതു സ്വഭാവികമായും ഇവര്‍ക്കിടയില്‍ പ്രശ്‌നങ്ങളുണ്ടാക്കും.

സ്‌കോര്‍പിയോ ഏരീസ്

സ്‌കോര്‍പിയോ അഥവാ വൃശ്ചിക രാശിയും ഏരീസ് അഥവാ മേട രാശിയും ഇത്തരത്തില്‍ ഒത്തു പോകാത്തവരാണ്. സിപിംള്‍ സ്വഭാവവും ജീവിതവും ഇഷ്ടപ്പെടുന്നവരാണ് വൃശ്ചിക രാശിക്കാര്‍. മേട രാശിയാകട്ടെ പങ്കാളിയെ സ്വന്തം ഇഷ്ടത്തിലേയ്ക്കു കൊണ്ടു വരാന്‍ ്ശ്രമിയ്ക്കുന്നവരും. ഇത് പ്രശ്‌നങ്ങള്‍ക്കു വഴിയൊരുക്കും.