അമ്മിഞ്ഞപ്പാല്‍ വിറ്റു പണമുണ്ടാക്കിയ അമ്മ

യുവതി

സൈപ്രസ് എന്ന സ്ഥത്തു നിന്നും റഫേല ലാംബ്രൗ എന്ന യുവതിയാണ് വ്യത്യസ്തമായി വില്‍പ്പന കൊണ്ട് വാര്‍ത്തകളില്‍ ശ്രദ്ധേയയായത്. സ്വന്തം മുലപ്പാലാണ് ഇവര്‍ വില്‍പ്പനയ്ക്കുപയോഗിച്ചത്.

പ്രസവ ശേഷം

24 വയസുള്ള ഈ അമ്മ പ്രസവ ശേഷം തനിയ്ക്ക് ആവശ്യത്തിലേറെയായി മുലപ്പാലുണ്ടെന്നു തിരിച്ചറിഞ്ഞു. കുഞ്ഞിന്റെ ആവശ്യം കഴിഞ്ഞും ഇത് അധികമാകുന്നതു കൊണ്ട് മുലപ്പാലില്ലാത്ത അമ്മമാര്‍ക്ക് മുലപ്പാല്‍ നല്‍കുക എന്ന സൗജന്യ സഹായവും ഇവര്‍ ചെയ്തിരുന്നു. ഇതിനു പണവും വാങ്ങിയിരുന്നില്ല.

ബോഡി ബില്‍ഡര്‍മാര്‍

എന്നാല്‍ പിന്നീട് മസില്‍ വളര്‍ത്താന്‍ ശ്രമിയ്ക്കുന്നവര്‍, ചില ബോഡി ബില്‍ഡര്‍മാര്‍ എന്നിവര്‍ മുലപ്പാല്‍ വില്‍പ്പനയ്ക്കു നല്‍കാനുണ്ടാകുമോയെന്ന ചോദ്യവുമായി ഇവരെ സമീപിച്ചു.

മുലപ്പാല്‍

മുലപ്പാല്‍ കുഞ്ഞിനു വേണ്ടിയുള്ള ധാരാളം പോഷകങ്ങളും വൈറ്റമിനുകളും അടങ്ങിയതായതു കൊണ്ടു തന്നെ മസില്‍ വളര്‍ച്ചയ്ക്കും ഏറെ നല്ലതാണ്. പ്രോട്ടീന്‍ സമ്പുഷ്ടമാണ് ഇത്. മസില്‍ വളര്‍ച്ചയ്ക്കു പ്രധാനമാണ് പ്രോട്ടീന്‍.

ഇവരുടെ ആവശ്യം

ഇവരുടെ ആവശ്യം വര്‍ദ്ധിച്ചു വരുന്നതു കണ്ട് ഇതിലെ വിപണന സാധ്യത ഇവര്‍ തിരിച്ചറിയുകയായിരുന്നു. ഒരു ഔണ്‍സ് മുലപ്പാലിന് ഒരു പൗണ്ട് എന്ന രീതിയിലാണ് ഇവര്‍ പണമീടാക്കിയത്. ദിവസവും രണ്ടു ലിറ്ററോളം മുലപ്പാല്‍ വരെ ഇവര്‍ വില്‍ക്കാറുണ്ടായിരുന്നു. 500 ലിറ്റര്‍ മുലപ്പാല്‍ വിറ്റ് 5400 പൗണ്ട് വരെ ഇവര്‍ സമ്പാദിച്ചു.

ഇവര്‍ ഇതിനായി ഒരു വെബ്‌സൈറ്റും

ഇവര്‍ ഇതിനായി ഒരു വെബ്‌സൈറ്റും തുടങ്ങിയിട്ടുണ്ടായിരുന്നു. ആവശ്യക്കാര്‍ക്ക് മുലപ്പാല്‍ വിതരണം ചെയ്യുവാന്‍ ഇത് സഹായിച്ചിരുന്നു ഭര്‍ത്താവ് അലക്‌സിനും രണ്ട് ആണ്‍കുട്ടികള്‍ക്കൊപ്പവും കഴിയുന്ന ഇവര്‍ താന്‍ ഈ ബിസിനസില്‍ സംതൃപ്തയാണെന്ന വെളിപ്പെടുത്തലും നടത്തുന്നു.

ഡിമാന്റിനനുസരിച്ച്

ഡിമാന്റിനനുസരിച്ച് നേരിട്ടും ഇവര്‍ മുലയൂട്ടല്‍ നടത്തുന്നുണ്ട്. ഇതു പാലുല്‍പാദനത്തിനും സഹായിക്കുമെന്നാണ് ഇവരുടെ പക്ഷം. ചൈനീസ് യുവതികള്‍ക്കിടയിലും ഇതൊരിക്കല്‍ നടന്നിരുന്നു. പിന്നീടിത് നിയമവിരുദ്ധമാക്കി.