ചുംബിക്കാന്‍ നോക്കി വെള്ളത്തിലായ വധുവരന്മാര്‍.....

മലയാളി

മലയാളികള്‍ക്കാണ് കല്യാണ ഷൂട്ടിനിടെ അബദ്ധം സംഭവിച്ചു പോയത്. വിവാഹത്തിനൊരുങ്ങുന്ന ടിജിന്‍ തങ്കച്ചന്‍, ശില്‍പ എന്നിവര്‍ക്കാണ് ഈ അനുഭവമുണ്ടായത്.

വീഡിയോ ഷൂട്ട്

വിവാഹത്തിന് മുന്നോടിയായുള്ള ഇവരുടെ വീഡിയോ ഷൂട്ട് നടക്കുകയായിരുന്നു. പത്തനംതിട്ടയിലെ കടമ്മനിട്ടയില്‍ പമ്പാ നദിയുടെ പശ്ചാത്തലത്തില്‍ വീഡിയോ ഷൂട്ടിനായി ഫോട്ടോഗ്രാഫര്‍മാരുടെ നിര്‍ദേശം അനസരിച്ചു നീങ്ങുകയായിരുന്ന ഇരുവരും.

രണ്ടുപേരും

രണ്ടുപേരും വെള്ളത്തിനു നടുവില്‍ തോണിയിലായി ഇരിയ്ക്കുന്ന സീനാണ് ചിത്രീകരിച്ചു കൊണ്ടിരുന്നത്. ഇതിനായി തോണിയേയും തോണിക്കാരനേയുമെല്ലാം തയ്യാറാക്കിയിരുന്നു. കരയില്‍ നിന്ന് ഫോട്ടോഗ്രഫര്‍മാര്‍ നിര്‍ദേശം നല്‍കിക്കൊണ്ടിരുന്നു.

ഇതിനിടെ

ഇതിനിടെ ഷൂട്ടിനായി വരനോട് വധുവിനെ ചുംബിയ്ക്കാന്‍ വീഡിയോ എടുക്കുന്നവര്‍ ആവശ്യപ്പെട്ടു. ഇത് ഇന്നത്തെ വീഡിയോ ഷൂട്ടുകളിലെ പതിവു കാഴ്ചയുമാണ്. എന്നാല്‍ തുടര്‍ന്നാണ് അബദ്ധം എന്നു തോന്നുന്ന സംഭവമുണ്ടായത്.

ബാലന്‍സ്

ശില്‍പയെ ചുംബിയ്ക്കാന്‍ ടിജിന്‍ ആഞ്ഞതും തോണിയുടെ ബാലന്‍സ് തെറ്റി രണ്ടു പേരും വെള്ളത്തിലേയ്ക്കു വീഴുകയായിരുന്നു. ഇവര്‍ക്കൊന്നും പറ്റിയില്ല.

പ്ലാന്‍

ഇത് അബദ്ധമാണെന്നു തോന്നുമെങ്കിലും ഇതെല്ലാം മുന്‍കൂട്ടി പ്ലാന്‍ ചെയ്തിരുന്നതായിരുന്നുവെന്നായിരുന്നു, വീഡിയോ ഷൂട്ട് ചെയ്ത ഏജന്‍സി പിന്നീട് വെളിപ്പെടുത്തിയത്. ഒരു തമാശ ഷോട്ട് എന്ന രീതിയില്‍ നടത്തിയ ഈ സംഭവം വധൂവരന്മാര്‍ അറിഞ്ഞിരുന്നില്ലെങ്കിലും ഇവര്‍ പറയുന്നു. എന്തായാലും ഉമ്മ വയ്ക്കാന്‍ നോക്കി വെള്ളത്തിലായി വധുവരന്മാരുടെ വീഡിലോ വൈറലായി എന്നു വേണം, പറയാന്‍.