മകന് അവസാന അത്താഴമൊരുക്കി അമ്മ യാത്രയായി

വിവാഹമോചനത്തിന് ശേഷം

അമ്മയുടെ വിവാഹമോചനത്തിന് ശേഷം വളരെയധികം കഷ്ടപ്പെട്ടാണ് അമ്മ ആ മകനെ വളര്‍ത്തിയത്. മകന്റെ വളര്‍ച്ചയുടെ ഓരോ ഘട്ടത്തിലും വളരെയധികം സന്തോഷിച്ചിരുന്നു. എന്നാല്‍ മകന്‍ ജോലി കിട്ടി പോയതോടെ പിന്നീട് ഈ അമ്മ ഒറ്റക്കാവുകയായിരുന്നു. മറ്റൊരു നഗരത്തിലേക്ക് മകന്‍ പോയതോടെ ഏകാന്തതയുടെ തുരുത്തിലേക്ക് ഈ അമ്മ എത്തുകയായിരുന്നു.

വീട്ടില്‍ ഒറ്റക്ക്

എന്നാല്‍ വീട്ടില്‍ ഒറ്റക്കായിപ്പോയ അമ്മയെ കാണാന്‍ എല്ലാ ആഴ്ചയിലും മകന്‍ എത്തുമായിരുന്നു. എന്നാല്‍ പിന്നീട് തിരക്ക് കൂടുന്നതിനനുസരിച്ച് ഈ മകന്‍ അമ്മയെ കാണാന്‍ എത്താതായി. പിന്നീട് ആഴ്ചയില്‍ പോയിട്ട് മാസങ്ങള്‍ കൂടുമ്പോഴായി മകന്റെ അമ്മയെ കാണുന്നതിനുള്ള വരവ്.

പരാതിയില്ലാതെ

എന്നാല്‍ ഒരിക്കല്‍ പോലും മകനോട് പരാതിയും പരിഭവും പറയാതെ അമ്മ മകനെ കാത്തിരുന്നു. മാസങ്ങള്‍ പിന്നീട് വര്‍ഷങ്ങളായി മാറി. മകനോട് ഒരു വിധത്തിലും പരാതി പറയാതെ വര്‍ഷങ്ങള്‍ അമ്മ കാത്തിരുന്നു. എന്നാല്‍ പിന്നീട് ഒരു ദിവസം അമ്മയെ കാണാന്‍ മാതൃദിനത്തില്‍ എത്തും എന്ന് പറഞ്ഞിരുന്നു.

ഇഷ്ട ഭക്ഷണമൊരുക്കി

ഇഷ്ട ഭക്ഷണമൊരുക്കി കാത്തിരിക്കുകയായിരുന്നു അമ്മ. മകന് ഏറ്റവും ഇഷ്ടപ്പെട്ട ഭക്ഷണം തയ്യാറാക്കി വെച്ച് അമ്മ മാതൃദിനത്തില്‍ കാത്തിരുന്നു. എന്നാല്‍ പിന്നീട് സംഭവിച്ചത് ജീവിതത്തില്‍ നമ്മുടെയെല്ലാം കണ്ണീരണിയിപ്പിക്കുന്ന ഒരു സംഭവമാണ്. മകന് ഭക്ഷണം തയ്യാറാക്കി മേശപ്പുറത്ത് വെച്ച് അമ്മ കുളിക്കാന്‍ ആയി പോയി.

മരണം പെട്ടെന്ന്

എന്നാല്‍ മരണത്തിലേക്കായിരുന്നു ആ അമ്മ പോയത്. കുളിച്ച് കൊണ്ടിരുന്നപ്പോള്‍ ഈ അമ്മക്ക് സൈലന്റ് അറ്റാക്ക് ഉണ്ടാവുകയായിരുന്നു. അപ്പോള്‍ തന്നെ അമ്മ മരിച്ചു. പക്ഷേ വിവരമറിഞ്ഞത് നാല് ദിവസത്തിന് ശേഷമായിരുന്നു. വീട്ടില്‍ നിന്ന് ദുര്‍ഗന്ധം വമിച്ചതിനെത്തുടര്‍ന്ന് അയല്‍ക്കാര്‍ അറിയിച്ചതനുസരിച്ചാണ് പോലീസ് എത്തിയത്.

എത്തിയപ്പോള്‍ കണ്ടത്

പോലീസ് മകനെ വിവരം അറിയിക്കുകയും എത്തിയപ്പോള്‍ കണ്ട കാഴ്ച എല്ലാവരേയും കണ്ണീരണിയിപ്പിക്കുന്നതായിരുന്നു. മകന് ഇഷ്ടപ്പെട്ട ഭക്ഷണം തയ്യാറാക്കി മേശമേല്‍ വെച്ചിരുന്നു. എന്നാല്‍ മകന്‍ വരാന്‍ മറന്നു പോയിരുന്നു. ഇപ്പോള്‍ ആ മകന്‍ പറയുന്നത് ജീവിതത്തില്‍ ഒരിക്കലും അമ്മമാരുടെ കണ്ണീരിനും സ്‌നേഹത്തിനും വില നല്‍കാതിരിക്കരുത് എന്നതാണ്.