നെറ്റിയിലൊരു മറുകുണ്ടോ, ധനാഢ്യരാവുമോ എന്നറിയാം

നെറ്റിയുടെ നടുവില്‍

നെറ്റിയുടെ നടുവില്‍ മറുക് ഉണ്ടെങ്കില്‍ അതിനര്‍ത്ഥം നിങ്ങള്‍ പ്രണയിക്കാനും പ്രണയിക്കപ്പെടാനും ആഗ്രഹിക്കുന്നവരാണ് എന്നാണ് ലക്ഷണശാസ്ത്രം പറയുന്നത്. മാത്രമല്ല മറ്റുള്ളവരുടെ ഇഷ്ടം നേടിയെടുക്കുന്നതിന് ഇവര്‍ക്ക് ഒരു പ്രത്യേക കഴിവുണ്ടായിരിക്കും. ഏത് കാര്യത്തിനും മറ്റുള്ളവരുടെ അഭിപ്രായം കൂടി മാനിക്കുന്ന സ്വഭാവക്കാരായിരിക്കും ഇവര്‍.

നെറ്റിയുടെ വലത് ഭാഗത്ത്

നെറ്റിയുടെ വലത് ഭാഗത്ത് മറുകുള്ളവര്‍ വളരെയധികം ബുദ്ധിശാലികള്‍ ആയിരിക്കും. മാത്രമല്ല ഇവര്‍ വിദ്യാഭ്യാസപരമായും മുന്നില്‍ നില്‍ക്കുന്നവരായിരിക്കും. പ്രശസ്തരാവുന്നതിനുള്ള ഭാഗ്യം ഇവര്‍ക്ക് ജീവിതത്തില്‍ ഉണ്ടാവുന്നുണ്ട്. ഭക്തി ഇവര്‍ക്ക് വളരെയധികം കൂടുതലായിരിക്കും. എല്ലാവരോടും സ്‌നേഹത്തോടെയും ദയയോടേയും മാത്രമേ ഇവര്‍ എല്ലാവരോടും പെരുമാറുകയുള്ളൂ.

നെറ്റിയുടെ ഇടത് ഭാഗത്ത്

നെറ്റിയുടെ ഇടത് ഭാഗത്ത് നിങ്ങള്‍ക്ക് മറുകുണ്ടെങ്കില്‍ ഇവര്‍ അല്‍പം സ്വാര്‍ത്ഥരായിരിക്കും. മറ്റുള്ളവരോട് കരുണ കാണിക്കുന്നതിന് ഇവര്‍ക്ക് അല്‍പം മടിയുണ്ടായിരിക്കും. എങ്കിലും സാമൂഹ്യ പ്രവര്‍ത്തനങ്ങളില്‍ ഇവര്‍ അല്‍പം പുറകിലേക്കായിരിക്കും. മാത്രമല്ല അംഗീകരിക്കപ്പെടാന്‍ അല്‍പം കഷ്ടപ്പാട് ഇവര്‍ നേരിടേണ്ടി വരുന്നുണ്ട്. സ്വാര്‍ത്ഥതയായിരിക്കും ഇവര്‍ക്ക് എപ്പോഴും ഉണ്ടാവുന്നത്.

പുരികത്തിന് മുകളില്‍

പുരികത്തിന് മുകളിലായി മറുകുള്ളവര്‍ക്ക് യാത്രാഭാഗ്യം ധാരാളം ഉണ്ടാവുന്നു. ജീവിതത്തില്‍ വിദേശ യാത്രകള്‍ നടത്തുന്നതിനുള്ള ഭാഗ്യം ഇവര്‍ക്കുണ്ടാവുന്നു. സാമ്പത്തിക നേട്ടവും ഐശ്വര്യവും ഇവരെ തേടിയെത്തുന്നു. പലപ്പോഴും ജീവിതത്തില്‍ ഉണ്ടാവുന്ന നേട്ടങ്ങള്‍ക്ക് കാരണം ഈ മറുകാണ് എന്നാണ് ലക്ഷണശാസ്ത്രം പറയുന്നത്. ദാമ്പത്യ ബന്ധത്തില്‍ വളരെയധികം വിശ്വാസ്യതയും സ്‌നേഹവും ഇവര്‍ പുലര്‍ത്തുന്നു.

പുരികത്തിന് നടുവില്‍

പുരികത്തിന് നടുവില്‍ നിങ്ങള്‍ക്ക് മറുകുണ്ടെങ്കില്‍ നിങ്ങള്‍ ധനഭാഗ്യം ഉള്ളവരായിരിക്കും. ഒരു കാരണവശാലും ദാരിദ്ര്യം ഇവരെ പിടികൂടുകയില്ല. മാത്രമല്ല പ്രശസ്തിയുടെ പടവുകള്‍ ഇവര്‍ ചവിട്ടിക്കയറുന്നു. അതുകൊണ്ട് തന്നെ ഇത്തരം കാര്യങ്ങള്‍ വളരെയധികം ഇവരുടെ ജീവിതത്തില്‍ നേട്ടങ്ങള്‍ ഉണ്ടാക്കുന്നുണ്ട്. നേതൃഗുണമുള്ളവര്‍ ആയിരിക്കും ഇവര്‍.