For Quick Alerts
ALLOW NOTIFICATIONS  
For Daily Alerts

അരിക്കലത്തിലെ ഒറ്റരൂപാ നാണയം ധന വഴിയാണ്

|

വിശ്വാസങ്ങളെ മുറുകെപ്പിടിച്ചു കൊണ്ടുള്ള ജീവിതമാണ് പലരുടേയും. എത്ര തന്നെ അന്ധവിശ്വാസമെന്നു പറഞ്ഞാലും ജീവിതത്തിന്റെ ചില ഘട്ടങ്ങളില്‍ നാം അറിയാതെ വിധിയില്‍ വിശ്വസിച്ചു പോകും. ജീവിതത്തിലെ അനുഭവങ്ങള്‍ വിശ്വാസത്തിലേയ്ക്കു വഴി തെളിച്ചു വിടും.

പലരും ജ്യോതിഷത്തേയും വിശ്വാസങ്ങളേയും പൂജകളേയുമെല്ലാം മുറുകെപ്പിടിയ്ക്കുന്നവരുണ്ട്. ഇതില്‍ പലരും സമ്പത്തിനായുള്ള വഴികള്‍ തേടുന്നവരുമുണ്ട്. ഏതു വിധേനയെങ്കിലും സമ്പത്തു നേടുകയെന്നതാണ് പലരുടേയും ജീവിത ലക്ഷ്യം തന്നെ.

വെറ്റില വച്ചാല്‍ സര്‍വ്വൈശ്വര്യം ഫലം

സമ്പന്നനാകാന്‍, സര്‍വ്വൈശ്വര്യം നിറയാന്‍ വിശ്വാസങ്ങള്‍ പലതുണ്ട്. ഇതില്‍ പ്രധാനപ്പെട്ടതാണ് ഒററ രൂപാ നാണയം. നമ്മുടെ ഇന്ത്യന്‍ രീതികളില്‍ ഒറ്റ രൂപാ നാണയത്തിന് ഏറെ പ്രസക്തിയുണ്ട്. പല പ്രധാനപ്പെട്ട കാര്യങ്ങള്‍ക്കും ശുഭകാര്യങ്ങള്‍ക്കുമെല്ലാം പ്രധാനമായും ഉപയോഗിയ്ക്കുന്ന ഒന്നാണ് ഒറ്റ രൂപാ നാണയം. ഐശ്വര്യത്തിനും ധനത്തിനുമെല്ലാം ഈ ഒറ്റ രൂപാ നാണയം ഉപയോഗിയ്ക്കുമെന്നു വേണം, പറയുവാന്‍. ഇതെക്കുറിച്ചറിയൂ.

 അരിക്കലത്തില്‍

അരിക്കലത്തില്‍

പലപ്പോഴും നാം പണ്ടു കാലത്ത് പണം സൂക്ഷിയ്ക്കുന്നത് അരിക്കലത്തിലായിരുന്നു. പണം സൂക്ഷിച്ചു വയ്ക്കാന്‍ വേറെ സുരക്ഷിത ഇടങ്ങളുണ്ടെങ്കിലും നമ്മുടെ അമ്മമാര്‍ അടുക്കളയിലെ അരിക്കലത്തില്‍ പണം, അല്ലെങ്കില്‍ ചില നാണയത്തുട്ടുകളെങ്കിലും ഇട്ടു വയ്ക്കുമായിരുന്നു. ഇതിനു പുറകില്‍ വിശ്വാസവുമുണ്ട്. അരിക്കലത്തില്‍ ഒരു ഒറ്റ രൂപാ നാണയമെങ്കിലും ഇട്ടു വയ്ക്കുന്നത് ധനമുണ്ടാകാന്‍, വീട്ടില്‍ ഐശ്വര്യമുണ്ടാകാന്‍ നല്ലതാണെന്ന വിശ്വാസമാണ് ഇതിനു പുറകില്‍. അരിക്കലത്തിലെ ഒറ്റ രൂപാ നാണയം ധാരാളം ധനമുണ്ടാക്കാന്‍ സഹായിക്കുമെന്നു പറയും. ഇപ്പോഴും പലരും അരി ഇട്ടു വയ്ക്കുന്നത് കലത്തിലാണ്. ഇതില്‍ ഒരു ഒറ്റ രൂപാ നാണയം ഇട്ടു വച്ചാല്‍ അന്നം മുട്ടില്ല എന്നു പൊതുവേ പറയും. അരിക്കലത്തില്‍ നാണയമിട്ടാല്‍

അഷ്ടലക്ഷ്മിയുടെ നാണയമോ വെള്ളിരൂപാ തുട്ടോ

അഷ്ടലക്ഷ്മിയുടെ നാണയമോ വെള്ളിരൂപാ തുട്ടോ

ഇതു പോലെയാണ് അഷ്ടലക്ഷ്മിയുടെ നാണയമോ വെള്ളിരൂപാ തുട്ടോ പേഴ്‌സില്‍ സൂക്ഷിയ്ക്കുന്നതും. ഇതും ധനവാനാകാനുള്ള എളുപ്പ വഴി തന്നെയാണെന്നു വേണം, പറയുവാന്‍. ഇതല്ലാതെയും പേഴ്‌സില്‍ ചില വസ്തുക്കള്‍ സൂക്ഷിയ്ക്കുന്നത്, ലക്ഷ്മീരൂപം, ഒറ്റ രൂപാ നാണയം, ആലില, അല്‍പം അരി എന്നിവയില്‍ ഏതെങ്കിലും സൂക്ഷിയ്ക്കുന്നതു നല്ലതാണ്.

നാണയങ്ങള്‍

നാണയങ്ങള്‍

നാണയങ്ങള്‍ ധന, ധാന്യാഭിവൃദ്ധിയ്ക്കു നല്ലതാണെന്നു പറയാം. . ഇതു പോലെ ഒറ്റ രൂപാ കോയിന്‍ പഞ്ചഗവ്യത്തിലോ ചാണക വെള്ളത്തിലോ കഴുകി ശുദ്ധിയാക്കി പേഴ്‌സില്‍ വയ്ക്കുന്നതും ഗുണം ചെയ്യും. ഇതുപോലെ ഒരു രൂപാ നാണയം കൊണ്ട് കടം വീട്ടാമെന്നും പറയും. പഴ്‌സ് ഒരിക്കലും പണമില്ലാതിരിയ്ക്കരുത്. ഇതില്‍ എപ്പോഴും ഒരു ഒറ്റ രൂപാ നാണയം വയ്ക്കുക. പൂജിച്ചു കിട്ടുന്ന നാണയമെങ്കില്‍ കൂടുതല്‍ നല്ലത്.

വിഷുവിന്

വിഷുവിന്

വിഷുവിന് വിഷുക്കൈനീട്ടം എന്നതിനു പുറകിലെ വിശ്വാസം ഇതു തന്നെയാണ്. സാധാരണ ഗതിയില്‍ ഒറ്റ രൂപാ നാണയമാണ് വിഷുക്കൈ നീട്ടമായി പണ്ടു നല്‍കിക്കൊണ്ടിരുന്നത്, നല്‍കേണ്ടത്. കാരണവന്മാര്‍ മനസു നിറഞ്ഞ്, മനസില്‍ പ്രാര്‍ത്ഥനയോടെ, അനുഗ്രഹത്തോടെ നല്‍കുന്ന ഒരു രൂപാ നാണയം ഒരു വര്‍ഷം നിറയെ സാമ്പത്തികവും ഐശ്വര്യവുമെല്ലാം നല്‍കുമെന്നു വേണം, പറയുവാന്‍.

ദക്ഷിണ

ദക്ഷിണ

ഇതാണ് ഒരു രൂപാ നാണയം കൊണ്ട് ധനവാനാകാം എന്നു പറയുന്നതിന്റെ അര്‍ത്ഥം. വെറ്റിലയില്‍ ദക്ഷിണയുടെ രൂപത്തിലും നല്‍കുന്നത് ഒറ്റ രൂപാ നാണയം തന്നെയാണ്. മറ്റു പണത്തിനല്ല, ഇതിലുള്ള ഒറ്റ രൂപാ നാണയത്തിനു തന്നെയാണ് പ്രസക്തി.

വെള്ളിനാണയമോ സ്വര്‍ണ നാണയമോ

വെള്ളിനാണയമോ സ്വര്‍ണ നാണയമോ

സാധാരണ നാണയത്തിനു പകരം വെള്ളിനാണയമോ സ്വര്‍ണ നാണയമോ, പ്രത്യേകിച്ചും അഷ്ടലക്ഷ്മിയുടെ രൂപം ആലേഖനം ചെയ്തതോ, ലക്ഷ്മീ രൂപത്തിലുള്ളതോ സൂക്ഷിയ്ക്കുന്നതും ഏറെ ഐശ്വര്യം കൊണ്ടു വരും. ഇതും ധന ലാഭം നല്‍കുന്ന ഒന്നാണെന്നാണ് വിശ്വാസം.

English summary

How To Be Rich With One Rupee Coin

How To Be Rich With One Rupee Coin, Read more to know about,
X