ധനം വീട്ടിലേയ്‌ക്കെത്തിയ്ക്കും 9 മുക്കാലിത്തവള

ചൈനീസ് ഫെംഗ്ഷുയി പ്രകാരം

ചൈനീസ് ഫെംഗ്ഷുയി പ്രകാരം ചി, അതായത് പൊസററീവ് ഊര്‍ജം വീട്ടിലേയ്ക്കു ധനത്തെ ആകര്‍ഷിയ്ക്കുമെന്നാണ് പറയുന്നത്. ഇതിനായി ഉപയോഗിയ്ക്കുന്ന ഒന്നാണ് തവണ. മലയാളത്തില്‍ പറയുകയാണെങ്കില്‍ മുക്കാലിത്തവള എന്നു പറയാം. കാരണം ഈ തവളയ്ക്ക് മൂന്നു കാല്‍ മാത്രമേയുള്ളൂ. ഇതിനു വായില്‍ ഒരു ചൈനീസ് നാണയവും ഉണ്ടാകും. ഇത് ധനം ചാടിപ്പിടിയ്ക്കും എന്നാണ് വിശ്വാസം. അതാണ് വായിലെ നാണയം സൂചിപ്പിയ്ക്കുന്നത്.

ഈ തവളയുടെ താഴ്ഭാഗത്തായി

ഈ തവളയുടെ താഴ്ഭാഗത്തായി ധാരാളം പണവും മറ്റുമാണ് കാണുക. ഈ മുക്കാലിത്തവളയെ വയ്‌ക്കേണ്ടത് വീടിനു മുന്‍വാതിലിന് സമീപമായി ഉള്ളിലേയ്ക്ക് അഭിമുഖമായി ഇരിയ്ക്കുന്ന രീതിയിലാണ്. പുറത്തേയ്ക്കു മുഖം വരുന്ന വിധത്തില്‍ ഇതിനെ വയ്ക്കരുത്. ഇത് പണം പോകാന്‍ വഴിയൊരുക്കും.

തെക്കു കിഴക്കു മൂല

സൗത്ത് ഈസ്റ്റ് ഡയറക്ഷന്‍, അതായത് തെക്കു കിഴക്കു മൂലയാണ് കുബേരന്റെ ഇരിപ്പിടമായി, അതായത് പണത്തിന്റെ ഏരിയ ആയി കണക്കാക്കപ്പെടുന്നത്. സ്വീകരണ മുറിയില്‍ ഇവിടെ ഇതിനെ വയ്ക്കാം. ഇത് ബിസിനസുകാര്‍ക്കും ഏറെ നല്ലതാണ്. കരിയറില്‍ ഉയര്‍ച്ച വേണ്ടവര്‍ക്ക ഇതിനെ വടക്കേ മൂലയില്‍ വയ്ക്കാം. ഇതു പോലെ ഓഫീസ് ടേബിളിലും ഇതിനെ വയ്ക്കാം.

ചില സ്ഥലങ്ങളില്‍

ചില സ്ഥലങ്ങളില്‍ മണി ഫ്രോഗിനെ അതായത് മുക്കാലിത്തവളയെ വയ്ക്കരുത്. കിടപ്പു മുറി, അടുക്കള, ടോയ്‌ലറ്റ് എന്നിവിടങ്ങളില്‍ ഇത് അരുത്. ഇതു ദോഷം വരുത്തും. ഇതുപോലെ ഇതിനെ നിലത്തു വയ്ക്കരുത്. പൊട്ടിയ തവളയെ വയ്ക്കരുത്. ഇതിരിയ്ക്കുന്ന ഭാഗം എപ്പോഴും വൃത്തിയായിരിയ്ക്കുകയും വേണം.

ഈ മുക്കാലിത്തവള

ഈ മുക്കാലിത്തവള പണം കൊണ്ടു വരണമെങ്കില്‍ ഇതിനെ ആക്ടിവേറ്റ് ചെയ്യണം എന്നാണ് ഫെംഗ്ഷുയി പ്രകാരമുള്ള വിശ്വാസം. എന്നാലേ ഇതു ധനം കൊണ്ടു വരിക എന്ന കര്‍മം പൂര്‍ത്തീകരിയ്ക്കൂ.

ഇതിനു ചുറ്റും

ഇതിനു ചുറ്റും ഒരു ചുവന്ന റിബ്ബണ്‍ കെട്ടുന്നത് പണം കൊണ്ടുവരാന്‍, ഇതിനെ ആക്ടിവേറ്റ് ചെയ്യാന്‍, പ്രവര്‍ത്തനക്ഷമമാകാന്‍ സഹായിക്കുന്നു. വാങ്ങിക്കുമ്പോഴേ ഇതില്‍ ഈ റിബണ്‍ ഉണ്ടെങ്കില്‍ ഇതു മതി. വീണ്ടും കെട്ടേണ്ടതില്ല.

ചുവന്ന

ചുവന്ന റിബണ്‍ ഇല്ലെങ്കില്‍ ഇതിനെ ഒരു ചുവന്ന തുണിയില്‍ വയ്ക്കുക. തിളക്കമുള്ള സില്‍ക്ക് തുണിയാണ് ഏറെ നല്ലത്. ഇത് ഉപയോഗിച്ചതാകരുത്. ഇത് സ്റ്റൂളിലോ അല്‍പം ഉയരമുള്ള പ്രതലത്തിലോ വിരിച്ച് ഇതിനു മേല്‍ തവളയെ വയ്ക്കാം. അല്ലെങ്കില്‍ ചുവന്ന നിറത്തിലെ പേപ്പറില്‍ വയ്ക്കുക.

തവളയുടെ വായിലെ കോയിന്‍

തവളയുടെ വായിലെ കോയിന്‍ ഏറെ പ്രാധാന്യമുള്ള ഒന്നാണ്. സാധാരണ ഗതിയില്‍ ഇതിനെ വാങ്ങുമ്പോഴേ വായില്‍ കോയിനുമുണ്ടാകും. ഇല്ലെങ്കില്‍ ഒരെണ്ണം വായില്‍ വയ്ക്കുക. രണ്ടു തരം കോയിനുകളാണ് സാധാരണ ഇതിനെ വാങ്ങുമ്പോള്‍ ലഭിയ്ക്കുക.

മുകളിലേയ്ക്കു വരത്തക്ക വിധത്തില്‍

ഒരെണ്ണം റൂബി അഥവാ മാണിക്യക്കല്ലിനെ പ്രതിനിധീകരിയ്ക്കുന്ന ഒന്നാണ്. റൂബിയുടെ ഭാഗം മുകളിലേയ്ക്കു വരത്തക്ക വിധത്തില്‍ ഇതു തവളയുടെ വായില്‍ വയ്ക്കുക. ചിലപ്പോള്‍ ചൈനീസ് അടയാളങ്ങളുള്ള കോയിനാകും ലഭിയ്ക്കുക, ഇതും ഇത്തരം അടയാളങ്ങള്‍ മുകളിലേയ്ക്കു വരത്തക്ക വിധത്തില്‍ വയ്ക്കണം.

9 തവളകളെ

സാധാരണ ഗതിയില്‍ ഇത്തരം 9 തവളകളെ വീട്ടില്‍ വയ്ക്കുന്നതാണ് കൂടുതല്‍ ഐശ്വര്യകരമെന്നു വിശ്വസിയ്ക്കപ്പെടുന്നു. എല്ലാ ദിശകളില്‍ നിന്നും ധനം വരുന്നതിനെയാണ് ഇത് സൂചിപ്പിയ്ക്കുന്നത്. വാതിലിനു സമീപം വയ്ക്കുന്നത് എന്തായാലും ഉളളിലേയ്ക്കു തിരിഞ്ഞിരിയ്ക്കണം. വീട്ടില്‍ പല ഭാഗത്തായി ഇതു വയ്ക്കാം.

3

9 തവളകള്‍ ഇല്ലെങ്കില്‍ 9 അല്ലെങ്കില്‍ 3 എന്നിങ്ങനെയുള്ള നമ്പറുകളുമാകാം. ഇതും ഭാഗ്യധായകമാണ്. 3*3 സൈസിലെ ഒരു തവള മാത്രമെങ്കിലും വീടിനും ഓഫീസിനും മതിയാകും.