വാസ്തുദോഷം നീക്കി പണം വരാന്‍ ഉപ്പ് ഇങ്ങനെ

ദൃഷ്ടിദോഷം, കരിങ്കണ്ണ്

ദൃഷ്ടിദോഷം, കരിങ്കണ്ണ് എന്നൊക്കെയുള്ള പ്രയോഗങ്ങള്‍ സര്‍വസാധാരണയാണ്. ഇതു ജീവിതത്തില്‍ നഷ്ടങ്ങളുണ്ടാക്കുമെന്നതാണ് പൊതുവേയുള്ള വിശ്വാസം. കണ്ണു പറ്റി എന്നു പൊതുവേ പറയുന്നത് സ്വാഭാവികമാണ്. ഇതിനുള്ള നല്ലൊരു പരിഹാരമാണ് ഉപ്പ്. ഒരു നുളള് ഉപ്പ് വലതു കയ്യിലെക്കുക. ഇത് കണ്ണു പറ്റിയെന്നു കരുതുന്ന ആളുടെ തലയ്ക്കു മീതേ മൂന്നു തവണ ഒഴിഞ്ഞു പുറക്കേയ്ക്കു കളയുക. ഇത് ദിവസവും 3 തവണ വീതം മൂന്നു നാലു ദിവസം അടുപ്പിച്ചു ചെയ്യാം.

ബിസിനസില്‍

ബിസിനസില്‍ ഉയര്‍ച്ചയുണ്ടാകാന്‍ ഒരു നുളള് ഉപ്പ് ചുവന്ന തുണിയില്‍ പൊതിഞ്ഞ് ഓഫീസിലോ ധന ലാഭം വേണ്ടിടത്തോ കെട്ടിത്തൂക്കിയിടുക. ഇത് നെഗറ്റീവ് ഊര്‍ജം ഒഴിവാക്കാനും വാസ്തു ദോഷം തീര്‍ക്കാനും ധന ലാഭത്തിനും സഹായിക്കുന്ന ഒന്നാണ്.

ദാരിദ്ര്യവും സാമ്പത്തിക പ്രശ്‌നങ്ങളും

ദാരിദ്ര്യവും സാമ്പത്തിക പ്രശ്‌നങ്ങളും അകറ്റാന്‍ വീടും ഓഫീസോ ബിസനസ് സ്ഥാപനമോ തുടയ്ക്കുമ്പോള്‍ ഒരു നുളള് ഉപ്പ് വെള്ളത്തിലിട്ടു തുടയ്ക്കുക. വ്യാഴാഴ്ച ഉപ്പു ചേര്‍ക്കരുത്. ഇത് സാമ്പത്തിക പ്രശ്‌നങ്ങള്‍ ഒഴിവാക്കാനും നെഗറ്റീവ് ഊര്‍ജം നീക്കാനും സഹായിക്കും.

ദാമ്പത്യ പ്രശ്‌നങ്ങളുണ്ടെങ്കില്‍

വീട്ടീല്‍ ദാമ്പത്യ പ്രശ്‌നങ്ങളുണ്ടെങ്കില്‍ ഇതൊഴിവാക്കാനും ഉപ്പ് ഏറെ നല്ലതാണ്. പ്രത്യേകിച്ചും കാര്യമില്ലാത്ത ഭാര്യയും ഭര്‍ത്താവും തമ്മില്‍ വഴക്കും പ്രശ്‌നങ്ങളുമെങ്കില്‍. ഇതിനു കാരണം നെഗറ്റീവ് ഊര്‍ജമാകും. ഇതു നീക്കാന്‍ ഒരു കഷ്ണം റോക്ക് സാള്‍ട്ട് അഥവാ കല്ലുപ്പ് കട്ടിലിന്റെയോ കിടക്കയുടേയോ മൂലയില്‍ വച്ചാല്‍ മതിയാകും. ഇതു നെഗറ്റീവ് ഊര്‍ജം നീക്കാന്‍ സഹായിക്കും. ഇത് ഒരു മാസത്തിനു ശേഷം മാത്രം എടുത്തു നീക്കുക.

ബാത്‌റൂമും ടോയ്‌ലറ്റും

വീടുകളില്‍ പൊതുവേ നെഗറ്റീവ് എനര്‍ജി നിറയുന്ന രണ്ടിടങ്ങളാണ് ബാത്‌റൂമും ടോയ്‌ലറ്റും. ഇതു നീക്കാനും ഉപ്പു കൊണ്ടു പരിഹാരമുണ്ട്. ഉപ്പും ഗ്ലാസും ചൊവ്വയുമായി ബന്ധപ്പെട്ടിരിയ്ക്കുന്നു. ഒരു ഗ്ലാസില്‍ അല്‍പം ഉപ്പു നിറച്ച് ബാത്‌റൂമിലോ ടോയ്‌ലറ്റിലോ വയ്ക്കുന്നതു വാസ്തു ദോഷം നീക്കാന്‍ നല്ലതാണ്.

കട്ടിലിന് അടിയില്‍

ഇതുപോലെ കട്ടിലിന് അടിയില്‍ ഉപ്പു നിറച്ച ബൗള്‍ വയ്ക്കുന്നതും ഏറെ നല്ലതാണ്. ഇത് ആ മുറിയിലെ നെഗറ്റീവ് ഊര്‍ജം വലിച്ചെടുക്കുന്നു. കടലുപ്പോ എപ്‌സം സാള്‍ട്ടോ ഉപയോഗിയ്ക്കാം. ഇതുപോലെ അസുഖമായി കിടക്കുന്നവരുടെ കട്ടിലിന് അടിയില്‍ ഇതേ രീതിയില്‍ ഉപ്പു വയ്ക്കുന്നതും ഏറെ നല്ലതാണ്. ഇത് അസുഖത്തില്‍ നിന്നും മോചനം നല്‍കുന്നു.