നടുറോഡിലിറങ്ങി അഭ്യാസം; യോഗം ആശുപത്രിയിലാവാന്‍

ഭാര്യക്കുള്ള സ്‌നേഹം

ഭാര്യക്ക് തന്നോടുള്ള സ്‌നേഹം എത്രത്തോളം ഉണ്ടെന്ന് അറിയുന്നതിന് വേണ്ടിയാണ് ഇയാള്‍ ഇത് ചെയ്തത്. എന്നാല്‍ അതിന്റെ അവസാനം ഒരു ദുരന്തമായിരുന്നു ഫലം എന്നതാണ് സത്യം. ഭാര്യക്കുള്ള സ്‌നേഹം യഥാര്‍ത്ഥമാണെങ്കില്‍ തിരക്കുള്ള റോഡില്‍ നിന്ന് ഭാര്യ ഭര്‍ത്താവിനെ പിടിച്ച് മാറ്റും എന്നായിരുന്നു അയാള്‍ വിചാരിച്ചത്.

ചൈനയില്‍ സംഭവം

ചൈനയിലാണ് ഇത്തരത്തില്‍ ഒരു സംഭവം നടന്നത്. തിങ്കളാഴ്ച രാത്രിയോടെയാണ് മദ്യപിച്ച് ലക്കു കെട്ട ശേഷം ഇത്തരം ഒരു സാഹസത്തിന് ഇയാള്‍ മുതിര്‍ന്നത്. തന്നെ പിടിച്ച് മാറ്റാന്‍ ഭാര്യ എത്തും എന്ന് തന്നെയായിരുന്നു അയാള്‍ വിചാരിച്ചിരുന്നത്. എന്നാല്‍ സംഭവിച്ചത് ഇതാണ്.

എന്നാല്‍ സംഭവിച്ചത്

റോഡിന് നടുവില്‍ നിലയുറപ്പിച്ച യുവാവിനെ പിടിച്ച് മാറ്റാന്‍ ഭാര്യശ്രമിക്കുന്നുണ്ടെങ്കിലും അയാള്‍ ഒന്നിനും കൂട്ടാക്കാതെ റോഡിന് നടുവില്‍ തന്നെ നില്‍ക്കുകയായിരുന്നു. ഇയാള്‍ ഭാര്യ വിളിക്കുന്നതിനനുസരിച്ച് കുതറി മാറുന്നതിന് വേണ്ടി ശ്രമിക്കുന്നതും വീഡിയോയില്‍ കാണാവുന്നതാണ്.

അവസാനം അപകടം

എന്നാല്‍ റോഡില്‍ നിന്ന് പിടിച്ച് മാറ്റുന്നതിനിടെ എതിരേ വന്ന വാന്‍ ഇടിക്കുകയായിരുന്നു. വാന്‍ വളരെയധികം വേഗത്തില്‍ ആയിരുന്നു വന്നിരുന്നത്. ഉടനേ തന്നെ ആശുപത്രിയില്‍ എത്തിച്ചതു കൊണ്ട് ഇദ്ദേഹത്തിന് ജീവന്‍ നഷ്ടമായില്ല. ഇപ്പോള്‍ സംഭവിച്ചിരിക്കുന്ന അപകടത്തില്‍ നിന്നെങ്കിലും ഒരു പാഠം പഠിക്കും എന്നാണ് ഭാര്യ കരുതുന്നത്.

ഭാര്യയുമായി വഴക്കിട്ട ശേഷം

ഭാര്യയുമായി ഉണ്ടായ വഴക്കിന് ശേഷമാണ് ഇത്തരമൊരു സാഹസത്തിന് ഇദ്ദേഹം മുതിര്‍ന്നത്. ഭാര്യയുടെ സ്‌നേഹം പരീക്ഷിക്കുന്നതിന് വേണ്ടിയാണ് ഇത്തരത്തില്‍ താന്‍ ചെയ്തതെന്ന് ഇദ്ദേഹം പറയുന്നു. ഇപ്പോള്‍ ആശുപത്രി കിടക്കയില്‍ ഭാര്യയോടൊപ്പം ചിലവഴിക്കുകയാണ് ഇയാള്‍.