കല്ല്, അടപ്പ്,നാണയം; വയറ്റിലായത് 2 കിലോയോളം

സൗത്ത് കൊറിയയില്‍ സംഭവം

ഈ സംഭവം നടക്കുന്നത് സൗത്ത് കൊറിയയില്‍ ആണ്. വയറിനു വേദനയായി പലപ്പോഴും പല വിധത്തിലുള്ള വേദന സംഹാരികള്‍ കഴിച്ച് കാലം കഴിക്കുകയായിരുന്നു ഇദ്ദേഹം. അതുകൊണ്ട് തന്നെ ഇത് എന്തുകൊണ്ടുള്ള വയറു വേദനയാണ് എന്ന് മനസ്സിലായും ഇല്ല.

വിശദമായ പരിശോധന

വിശദമായ പരിശോധനക്ക് ശേഷമാണ് ഇദ്ദേഹത്തിന്റെ ഈ സ്വഭാവത്തെക്കുറിച്ച് പുറത്തറിഞ്ഞത്. വയറില്‍ പരിശോധിക്കുമ്പോള്‍ കല്ല് പോലെ തടയുന്നത് പോലെ പരിശോധനയില്‍ അനുഭവപ്പെട്ടു. പരിശോധന ഫലമാണ് ഞെട്ടിച്ചത്. ഇദ്ദേഹത്തിന്റെ വയറ്റില്‍ നിറയെ ഇത്തരത്തിലുള്ള കല്ലുകളാണ് എന്നത് എല്ലാവരേയും ഞെട്ടിച്ചു.

എന്തുകൊണ്ട് ഇങ്ങനെ

എന്തുകൊണ്ട് വയറ്റില്‍ ഇത്തരത്തില്‍ കല്ല് പോലുള്ള ഭാഗങ്ങള്‍ കാണപ്പെട്ടു എന്നതിന്റെ വിശദാംശങ്ങള്‍ അന്വേഷിച്ചപ്പോഴാണ് ഇദ്ദേഹം കാലം കുറേയായി ഉത്കണ്ഠ പോലുള്ള അവസ്ഥകള്‍ വന്നാല്‍ ഇത്തരത്തില്‍ കല്ലും കുപ്പിയുടെ അടപ്പും നാണയങ്ങളും ആണ് കഴിക്കുക എന്നാണ് പറയുന്നത്. ഇത് ലഹരി കഴിക്കുന്നത് പോലുള്ള സുഖമാണത്രേ ഇയാള്‍ക്ക് നല്‍കുന്നത്.

ഉടനേ തന്നെ ഓപ്പറേഷന്‍ ചെയ്തു

വായില്‍ കൂടി ഒരു കനം കുറഞ്ഞ ട്യൂബ് വയറ്റിലേക്ക് ഇറക്കി വ്യത്യസ്തമായ ഒരു സര്‍ജറിയാണ് ഇയാളുടെ വയറ്റില്‍ നിന്ന് ഇതെല്ലാം നീക്കം ചെയ്യുന്നതിന് വേണ്ടി ചെയ്തത്. അല്‍പം പാടു നിറഞ്ഞ ശസ്ത്രക്രിയ ആയതു കൊണ്ട് തന്നെ വളരെയധികം ശ്രദ്ധിച്ചാണ് ഇത്തരത്തില്‍ ഒരു ശസ്ത്രക്രിയ ചെയ്തത്.

രണ്ട് കിലോയിലധികം വസ്തുക്കള്‍

ഇദ്ദേഹത്തിന്റെ വയറ്റില്‍ ഏകദേശം രണ്ട് കിലോയിലധികം വസ്തുക്കളാണ് കണ്ടെത്തിയത്. ദിവസം ചെല്ലുന്തോറും ഇതെല്ലാം വിഴുങ്ങിയതിന്റെ ഫലമായി അദ്ദേഹത്തിന്റെ ശരീരം ശോഷിച്ച് വന്നു. 9 ദിവസത്തോളം ഇദ്ദേഹം ആശുപത്രിയില്‍ കിടന്നു. ഇപ്പോള്‍ പൂര്‍ണമായും ഈ പ്രശ്‌നത്തില്‍ നിന്ന് ഇദ്ദേഹം പുറത്ത് വന്നിട്ടുണ്ട്.