ഒറ്റ പ്രസവത്തില്‍ 17 കുട്ടികള്‍, സത്യമിതാണ്

സോഷ്യല്‍ മീഡിയ വഴി

സോഷ്യല്‍ മീഡിയ വഴിയാണ് ഇത്തരത്തില്‍ ഒരു കാര്യം പ്രചരിച്ചത്. പതിനേഴ് കുഞ്ഞുങ്ങളാണ് ഈ യുവതിക്ക് ജനിച്ചത് എന്ന തരത്തിലായിരുന്നു പ്രചരണം. മൂന്ന് ഫോട്ടോകളും ഇതോടൊപ്പം പ്രചരിച്ചിട്ടുണ്ടായിരുന്നു. ലക്ഷക്കണക്കിന് ആളുകളാണ് ഇത് പ്രചരിപ്പിച്ചത്.

സത്യാവസ്ഥ

എന്നാല്‍ ഒറ്റ പ്രസവത്തില്‍ പതിനേഴ് കുഞ്ഞുങ്ങള്‍ക്ക് ജന്മം നല്‍കിയതിലൂടെ അമേരിക്കന്‍ യുവതിയായ കാതറിന്‍ ബ്രിഡ്ജ് ലോക റെക്കോര്‍ഡിന് ഉടമയായി എന്നാണ് പറയുന്നത്. എന്നാല്‍ ഇവരുടെ ഫേസ്ബുക്ക് ഫോട്ടോകള്‍ സഹിതമാണ് ഇത് പ്രചരിച്ചത്. പതിനേഴ് കുട്ടികളുടേയും പേരുകള്‍ സഹിതമാണ് ഫേസ്ബുക്ക് പോസ്റ്റ് എത്തിയത്.

വാര്‍ത്ത സഹിതം

ഫേസ്ബുക്ക് പോസ്റ്റിനോടൊപ്പം തന്നെ വാര്‍ത്ത സഹിതമാണ് പലരും ഇത് പ്രചരിപ്പിച്ചത്. എന്നാല്‍ അധികം വൈകാതെ തന്നെ ഇത് സത്യമല്ല എന്ന കാര്യം മനസ്സിലാക്കി. കെട്ടിച്ചമച്ച വാര്‍ത്തയാണ് ഇതെന്ന് പിന്നീട് മനസ്സിലാക്കാന്‍ സാധിച്ചു. വാര്‍ത്തക്കൊപ്പം നല്‍കിയ ഗര്‍ഭിണിയുടെ ചിത്രവും വ്യാജമായി സൃഷ്ടിക്കപ്പെട്ടതായിരുന്നു. ആക്ഷേപ ഹാസ്യ വെബ്‌സൈറ്റ് ആണ് ഇത്തരത്തില്‍ ഒരു വാര്‍ത്ത പുറത്ത് വിട്ടത്.

കുഞ്ഞുങ്ങള്‍ പിതാവിനൊപ്പം

കുഞ്ഞുങ്ങള്‍ പിതാവിനൊപ്പം നില്‍ക്കുന്ന ഫോട്ടോ സഹിതമാണ് ചിത്രം പ്രചരിക്കപ്പെട്ടത്. എന്നാല്‍ ഇതും വ്യാജമായി പ്രചരിപ്പിക്കപ്പെട്ടതാണ് എന്നത് പിന്നീട് തിരിച്ചറിയപ്പെട്ടു. ഈ ചിത്രം ഒരു ഡോക്ടര്‍ തന്റെ ഫേസ്ബുക്ക് പ്രൊഫൈല്‍ ചിത്രമായി ഉപയോഗിച്ചതാണ്. ഇതാണ് പിന്നീട് വ്യാജ ചിത്രത്തോടൊപ്പം പ്രചരിപ്പിച്ചത്.