സ്ത്രീധനത്തിന് പകരം വരന് കിട്ടിയ ധനം ചില്ലറയല്ല

ബംഗാളിലാണ് സംഭവം

ബംഗാളിലാണ് ഇത്തരത്തില്‍ ഒരു സംഭവം നടന്നത്. വ്യത്യസ്തമായി സ്ത്രീധനം വാങ്ങിയ കല്ല്യാണച്ചെക്കന്‍ ബംഗാളുകാരനാണ്. എന്നാല്‍ ഇവിടെ സ്വര്‍ണവും പണവും ഒന്നുമല്ല സ്ത്രീധനമായി നല്‍കിയത്. 1000 പുസ്തകങ്ങളാണ് സ്ത്രീധനത്തിന്റെ പേരില്‍ വധുവിന്റെ അച്ഛന്‍ വരന് നല്‍കിയത്. അത്ഭുതപ്പെടുത്തുന്ന ഒരു സ്ത്രീധനം തന്നെയായിരുന്നു ഇതെന്ന കാര്യത്തില്‍ സംശയം വേണ്ട.

സ്ത്രീധനം വേണ്ടെന്ന തീരുമാനം

സ്ത്രീധനം വാങ്ങാന്‍ തയ്യാറല്ലെന്ന് വരന്റെ വീട്ടുകാരും വരനും വധുവിന്റെ വീട്ടുകാരോട് ആദ്യമേ പറഞ്ഞിരുന്നു. എന്നാല്‍ വേദിയില്‍ പുസ്തകക്കെട്ടുകള്‍ കണ്ടപ്പോള്‍ ആദ്യം അതിശയിച്ചു പോയി എന്നും എന്നാല്‍ പിന്നീട് ഇതാണ് സ്ത്രീധനം എന്ന് കേട്ടപ്പോള്‍ സന്തോഷമായി എന്നും അദ്ദേഹം പറഞ്ഞു.

വധുവിന്റം തീരുമാനം

വധുവിന്റെ തീരുമാനമാണ് ഇത്തരത്തില്‍ ഒരു സ്ത്രീധനം നല്‍കുന്നതിന് കാരണമായത്. സൂര്യന്‍കാന്ത് ബാരിക് എന്നാണ് വരന്റെ പേര്. പ്രിയങ്ക എന്നാണ് വധുവിന്റെ പേര്. സ്ത്രീധനം വാങ്ങുന്നതിന് തയ്യാറല്ലെന്ന തീരുമാനത്തെ വളരെയധികം അംഗീകരിക്കുന്നതായി വധുവിന്റെ അച്ഛനും പറഞ്ഞു. കൂടാതെ മരുമകനെ അഭിനന്ദിക്കുന്നതിനും ഇദ്ദേഹം മറന്നില്ല. സ്ത്രീധനത്തിന്റെ കാര്യത്തില്‍ മരുമകന്‍ എടുത്ത പുരോഗമനപരമായ തീരുമാനമാണ് ഇത്തരം ഒരു സമ്മാനം നല്‍കുന്നതിന് പ്രചോദനമായത് എന്നാണ് ഇദ്ദേഹം പറയുന്നത്.

വധുവിന്റെ അഭിപ്രായം

വധുവിന്റെ അഭിപ്രായവും ഒട്ടും മാറ്റമില്ലാത്തതാണ്. സ്ത്രീധനം കൊടുക്കുന്നതും വാങ്ങിക്കുന്നതുമായ ഏര്‍പ്പാടിനോട് തനിക്കും താല്‍പ്പര്യമില്ല. അതുകൊണ്ട് തന്നെ ഒരുപോലെ ചിന്തിക്കുന്ന പങ്കാളിയെ കിട്ടിയതില്‍ താന്‍ സന്തോഷവതിയാണ് എന്നാണ് വധു പറഞ്ഞത്. ഒരു ലക്ഷം രൂപയുടെ പുസ്തകങ്ങളാണ് വരന് സമ്മാനമായി വധുവിന്റെ വീട്ടുകാര്‍ നല്‍കിയത്.

മികച്ച പ്രതികരണം

ഇത്തരത്തില്‍ ഒരു തീരുമാനം എടുത്തതിനെ അഭിനന്ദിച്ച് ലോകത്തിന്റെ പല കോണുകളില്‍ നിന്ന് പല വിധത്തിലുള്ള അഭിനന്ദനങ്ങളാണ് ഇരു വീട്ടുകാര്‍ക്കും ലഭിക്കുന്നത്. മാത്രമല്ല വരന്റെ സ്ത്രീധന വിരുദ്ധ നിലപാടിനെ പ്രശംസിച്ചും ധാരാളം പേരാണ് മുന്നോട്ട് വന്നിട്ടുള്ളത്. ഇ്ന്ന് സോഷ്യല്‍ മീഡിയയില്‍ ഫേമസ് ആണ് ഇരുവരും.