കുഞ്ഞ് ജനിച്ച സമയം കുഞ്ഞിന്റെ ഭാവി പറയും...

12am-4am

കുഞ്ഞ് ജനിയ്ക്കുന്നത് അര്‍ദ്ധരാത്രി മുതല്‍, അതായത് രാത്രി 12 മുതല്‍ പുലര്‍ച്ചെ 4 വരെയുള്ള സമയത്തെങ്കില്‍ വളരെ സെന്‍സിറ്റീവായ സ്വഭാവത്തോടു കൂടിയവര്‍ എന്നു പറയാം. വളരെ ഇമാജിനേഷന്‍ ഉള്ള പ്രകൃതവുമാകും.

12am-2am

ഇതില്‍ തന്നെ അര്‍ദ്ധ രാത്രി മുതല്‍ പുലര്‍ച്ചെ 2 വരെയുള്ള സമയത്തു ജനിയ്ക്കുന്ന കുഞ്ഞുങ്ങളെങ്കില്‍ മിക്കവാറും സാഹചര്യങ്ങളില്‍ ആത്മവിശ്വാസമുള്ള, ശാന്തത കൈ വിടാത്ത പ്രകൃതക്കാരാകും. ആളുകളെ സ്‌നേഹിയ്ക്കുന്ന, അവര്‍ക്ക് പൊസറ്റീവായ സന്ദേശങ്ങള്‍ നല്‍കുന്നവര്‍. അറിവു വര്‍ദ്ധിപ്പിയ്ക്കാന്‍ ഇഷ്ടപ്പെടുന്നവരുമാകും. കുടുംബത്തിന് എപ്പോഴും നമ്പര്‍ 1 സ്ഥാനം നല്‍കുന്നവരും.

2am-4am

2 എഎം മുതല്‍ 4 എഎം വരെയുള്ള സമയത്തു ജനിയ്ക്കുന്നവരെങ്കില്‍ വളരെ ബുദ്ധിയുള്ളവരാകും. ആശയ വിനിമയത്തില്‍ മിടുക്കരായവര്‍. ഏറെ ജിജ്ഞാസയുള്ളവര്‍. അധ്വാനിച്ചാല്‍ നല്ല കരിയറിന് സാധ്യതയുള്ളവര്‍. ആത്മവിശ്വാസമുള്ളവരും.

4am-8am

4 എഎം മുതല്‍ 8 എഎം വരെ ജനിച്ചവരെങ്കില്‍ ഉറച്ച സ്വഭാവമുള്ളവരാകും. ഇവര്‍ പൊതുവേ ബുദ്ധിയുള്ളവരുമാകും. ജീവിതത്തിലെ ഏതു സാഹചര്യങ്ങളേയും നേരിടാന്‍ പ്രാപ്തിയുള്ളവര്‍. ഇവരുടെ സ്ഥിരത ഇവരുടെ ഉയര്‍ച്ചയ്ക്കു കാരണമാകും. മാത്രമല്ല, ലക്ഷ്യത്തിലെത്തും വരെ പ്രയത്‌നിയ്ക്കുവാന്‍ തയ്യാറാകുന്ന സ്വഭാവക്കാരുമാണ്.

4am-6am

ഇതില്‍ തന്നെ 4 എഎം-6 എഎം വരെ ജനിയ്ക്കുന്നവര്‍ റൊമാന്റിക് ആയവര്‍ എന്നു പറയണം. കാര്‍ക്കശ്യമുള്ളതു കാരണം മറ്റുള്ളവര്‍ക്കു മുന്നില്‍ ഉറച്ച വ്യക്തിത്വം എന്ന പേരു ലഭിയ്ക്കുന്നവര്‍. അവനവനു വേണ്ടി നില്‍ക്കാന്‍ ഇവര്‍ പഠിയ്‌ക്കേണ്ടതും അത്യാവശ്യമാണ്.

6am-8am

6 എഎം-8എഎം വരെയുള്ള സമയത്തു ജനിയ്ക്കുന്നവര്‍ നാച്വറല്‍ ലീഡറായിരിയ്ക്കും. ആര്‍ട്ടിസ്റ്റിക് കഴിവുകള്‍ ഏറെയുള്ളവരാകും, ഇവര്‍.

8am-12pm

8 എഎം-12 പിഎം വരെയുള്ള സമയത്തു ജനിയ്ക്കുന്നവര്‍ ഫിലോസഫി സ്വഭാവക്കാരാകും. നല്ല കലാവാസനയുളളവരുമാകും. ജീവിതത്തില്‍ ആഗ്രഹങ്ങളുള്ള,അതായത് അംബീഷ്യസ് എന്ന ഗണത്തില്‍ പെടുത്താവുന്നവര്‍.

8am-10am

ഇതില്‍ 8 എഎം-10 എഎം വരെയുള്ള സമയത്തു ജനിയ്ക്കുന്നവര്‍ വളരെ സന്‍സിറ്റീവായവരാകും. ഒറ്റയ്ക്കിരിയ്ക്കാന്‍ ആഗ്രഹിയ്ക്കുന്ന, സമാധാനം ഇഷ്ടപ്പെടുന്ന കൂട്ടരുമാകും. മനശാന്തിയ്ക്ക് മുന്‍ഗണന നല്‍കുന്നവര്‍.

10am-12pm

10എഎം-12 പിഎം വരെയുള്ള സമയത്തു ജനിച്ച കുട്ടികള്‍ പുതിയ കാര്യങ്ങള്‍ പരീക്ഷിയ്ക്കാന്‍ ഇഷ്ടപ്പെടുന്ന, ഉള്‍വലിയാത്ത പ്രകൃതമുള്ളവരാകും. ഇവര്‍ നല്ല ടീം പ്ലെയര്‍മാരുമായിരിയ്ക്കും.

12pm-4pm

12പിഎം-4പിഎം വരെയുള്ള സമയത്തു ജനിച്ച കുട്ടികള്‍ വളരെ എനര്‍ജിയുള്ള, ക്രിയേറ്റീവായ തരക്കാരാകും. വളരെ ആക്ടീവായ, ജിജ്ഞാസയുള്ള പ്രകൃതവും.

12pm-2pm

ഇതില്‍ തന്നെ 12 പിഎം-2 പിഎം വരെ സമയമുളളവര്‍ പഠിപ്പിയ്ക്കാന്‍ കഴിവുള്ളവരാകും. ഇത് ഏതു ഫീല്‍ഡിലായാലും. ഉത്തരവാദിത്വമുള്ള, ആഗ്രഹമുള്ള തരക്കാരുമാകും. ഇവര്‍ക്കു തന്നെ ഇവര്‍ക്കാവശ്യമുള്ളത് തിരിച്ചറിയാന്‍ സാധിയ്ക്കും.

2pm-4pm

2 പിഎം-4 പിഎം വരെയുള്ള സമയത്തു ജനിച്ചവരെങ്കില്‍ സാഹസികരാകും. വളരെ ആക്ടീവായ ഇവര്‍ വെല്ലുവിളികള്‍ നേരിടാന്‍ വഴികള്‍ കണ്ടെത്തും.

4pm-8pm

4 പിഎം-8പിഎം വരെയുള്ള സമയത്തു ജനിച്ചവരെങ്കില്‍ റിബല്‍ സ്വഭാവമുള്ളവരാകും. പൊതുവെ ശാന്തരല്ലാത്തവരും, അതായത് അടങ്ങിയിരിയ്ക്കാത്ത പ്രകൃതം.

4pm-6pm

ഇതില്‍ തന്നെ 4 പിഎം-6 പിഎം വരെയുള്ള സമയത്തു ജനിയ്ക്കുന്നവരെങ്കില്‍ ജീവിതത്തെ പൊസററീവായും എനര്‍ജിയോടെയും സമീപിയ്ക്കുന്നവരാകും. ബന്ധങ്ങളുടെ കാര്യത്തില്‍ ഒരാളെ വിശ്വസിയ്ക്കുന്ന കാര്യത്തില്‍ ഏറെ ശ്രദ്ധാലും. അതായതു വളരെ ശ്രദ്ധിച്ചേ ആളുകളെ വിശ്വസിയ്ക്കൂവെന്നര്‍ത്ഥം. മറ്റുള്ളവരെ ഉപദേശിയ്ക്കുന്ന ഇവര്‍ മറ്റുള്ളവര്‍ക്കു മുന്നില്‍ തങ്ങളുടെ ചിന്തകള്‍ പെട്ടെന്നു പ്രകടിപ്പിയ്ക്കില്ല.

6pm-8pm

6പിഎം-8 പിഎം വരെയുളള സമയത്തു ജനിയ്ക്കുന്നവരെങ്കില്‍ മറ്റുള്ളവരോട് അനുകമ്പ കാണിയ്ക്കുന്നവരാണ്. ജീവിതത്തെ അതിന്റെ വഴിയ്ക്കു സ്വീകരിയ്ക്കുന്ന, ഈസി ഗോയിംഗ് ടൈപ്പ് ആളുകള്‍.

8pm-12am

8 പിഎം-അര്‍ദ്ധരാത്രി അതായത് 12 വരെയുള്ള സമയത്തു ജനിയ്ക്കുന്നവരെങ്കില്‍ ഈ കുട്ടികള്‍ ആത്മവിശ്വാസമുള്ള, അധികാര സ്വഭാവുമുള്ള തരക്കാരാകും.

8pm-10pm

ഇതില്‍ 8 പിഎം-10 പിഎം വരെയുളള സമയത്തു ജനിയ്ക്കുന്നവരെങ്കില്‍ മറ്റുള്ളവരെ സഹായിക്കുന്നതില്‍ സന്തോഷം കണ്ടെത്തുന്ന, സഹായിക്കുന്ന പ്രകൃതമാകും. എല്ലാറ്റിലും പെര്‍ഫെക്ഷന്‍ അതായത് പരിപൂര്‍ണത താല്‍പര്യപ്പെടുന്ന ഇവര്‍ തെറ്റുകള്‍ വരുത്തുന്നതില്‍ തീരെ താല്‍പര്യമില്ലാത്തവരുമാണ്.

10pm-12am

10പിഎം-12 വരെയുള്ള സമയത്താണ് കുഞ്ഞിന്റെ ജനനമെങ്കില്‍ വളരെ സന്തോഷവാനായ കുട്ടിയാകും. ക്രിയേറ്റീവായ കുട്ടിയാണ്. ജീവിത ലക്ഷ്യങ്ങള്‍ എന്തെന്നതിനെ കുറിച്ച് ബോധ്യമുള്ള പ്രകൃതം. ഇതു നേടിയെടുക്കാന്‍ എല്ലാ വിധത്തിലും ശ്രമിയ്ക്കുന്നവര്‍.