മരിച്ചിട്ടും പൈതലിന് അമ്മിഞ്ഞപ്പാലേകി അവള്‍

മധ്യപ്രദേശിലെ ഡമോവ് ജില്ലയിലാണ്

മധ്യപ്രദേശിലെ ഡമോവ് ജില്ലയിലാണ് ഈ സംഭവമുണ്ടായത്. ഒരു സ്ത്രീയുടെ ശവശരീരം റെയില്‍വേ ട്രാക്കിനടുത്തു കിടക്കുന്നുവെന്ന വാര്‍ത്തയെ തുടര്‍ന്ന് പൊലീസുകാര്‍ സംഭവ സ്ഥലത്തെത്തുകയായിരുന്നു.

കാഴ്ച

അവിടെയെത്തിയ ഇവര്‍ കണ്ട കാഴ്ച ഹൃദയഭേദകമായിരുന്നു. മരിച്ചു കിടക്കുന്ന സ്ത്രീയുടെ മുലപ്പാല്‍ കുടിയ്ക്കുന്ന 17 മാസം പ്രായമുള്ള ഒരു ആണ്‍കുഞ്ഞ്. ആ സ്ത്രീയുടെ മകനായിരുന്നു, അത്. അമ്മയെ ഏറെ നേരമായിട്ടും വിളിച്ചിട്ടും ശ്രദ്ധ ലഭിയ്ക്കാതെയായപ്പോള്‍ വിശന്നു തുടങ്ങിയ ആ കുഞ്ഞ് കരഞ്ഞു കൊണ്ട് അമ്മിഞ്ഞപ്പാല്‍ കുടിയ്ക്കുകയായിരുന്നു. വിളിച്ചാല്‍ വിളി കേള്‍ക്കാന്‍ അമ്മയില്ലെന്ന സത്യം തിരിച്ചറിയാനാകാത്ത ആ കുഞ്ഞിന് വിശപ്പടക്കാന്‍ മരിച്ചെങ്കിലും അമ്മ കരുതിയ അമ്മിഞ്ഞപ്പാല്‍ തുണയായി.

സ്ത്രീയുടെ ദേഹത്തു പറ്റിയ മുറിവുകള്‍

സ്ത്രീയുടെ ദേഹത്തു പറ്റിയ മുറിവുകള്‍ പരിശോധിച്ച് ഇത് അപകടമാണെന്ന നിഗമനത്തിലാണ് പൊലീസ് എത്തിയത്. ഈ കുഞ്ഞിനെ ആശുപത്രിയില്‍ എത്തിച്ചപ്പോള്‍ ചെറിയ കോള്‍ഡുണ്ടെന്നതല്ലതല്ലാതെ മറ്റ് ആരോഗ്യ പ്രശ്‌നങ്ങള്‍ ഒന്നും തന്നെയുണ്ടായില്ല.

കരളലിയിക്കുന്ന കാഴ്ചയായിരുന്നു

കരളലിയിക്കുന്ന കാഴ്ചയായിരുന്നു അതെന്ന് സംഭവം നേരില്‍ കണ്ട പൊലീസ് ഓഫീസര്‍ നാഥുറാം പറഞ്ഞു. കുഞ്ഞിനെ പിന്നീട് അവിടെയുള്ള ലോക്കല്‍ ചൈല്‍ഡ് വെല്‍ഫെയര്‍ കമ്മറ്റിയില്‍ ഏല്‍പ്പിച്ചു.