പ്രായംവെറും 37, മക്കളാവട്ടെ 38, ആദ്യപ്രസവം 13ല്‍

ഉഗാണ്ടയാണ് സ്വദേശം

ഉഗാണ്ടയാണ് ഇവരുടെ സ്വദേശം. മറിയം നബത്താന്‍സി എന്നാണ് ഇവരുടെ പേര്. മറിയം പ്രസവിച്ച് കൂട്ടിയത് 38 കുട്ടികളെയാണ്, അതും തന്റെ മുപ്പത്തി ഏഴ് വയസ്സിനുള്ളില്‍. ഇതില്‍ തന്നെ പ്രസവത്തോടെ ആറ് കുട്ടികള്‍ മരിച്ചിരുന്നു. മൊത്തം നാല്‍പ്പത്തി നാല് കുട്ടികള്‍ക്കാണ് മറിയം ജന്മം നല്‍കിയത്.

image courtesy:

സന്താനോത്പാദന ക്ഷമതയുള്ള സ്ത്രീ

ലോകത്തിലെ ഏറ്റവും കൂടുതല്‍ സന്താനോത്പാദന ക്ഷമതയുള്ള സ്ത്രീ ആണ് മറിയം. ഇവരുടെ കുട്ടികളില്‍ അഞ്ച് മാസം മുതല്‍ 23 വയസ്സ് വരെ പ്രായമുള്ള കുട്ടികളുണ്ട്. എല്ലാ കുട്ടികളേയും ഗര്‍ഭം ധരിച്ചത് സ്വന്തം ഭര്‍ത്താവില്‍ നിന്ന് തന്നെയാണ്.

പതിമൂന്നാം വയസ്സിലെ വിവാഹം

മറിയത്തിന്റെ വിവാഹം കഴിഞ്ഞത് പതിമൂന്നാം വയസ്സിലായിരുന്നു. അടുത്ത വര്‍ഷം നാല് കുഞ്ഞുങ്ങള്‍ക്ക് മറിയം ജന്മം നല്‍കി. അടുത്ത മൂന്ന് വര്‍ഷത്തില്‍ മൂന്ന് വീതം മൊത്തത്തില്‍ ഒന്‍പത് കുഞ്ഞുങ്ങള്‍ക്ക് മറിയം ജന്മം നല്‍കി. പിന്നേയും മറിയം പ്രസവിച്ചു. അവസാനം മുപ്പത്തി എട്ട് കുഞ്ഞുങ്ങള്‍ക്കാണ് മറിയം ജന്മം നല്‍കിയത്.

ഗര്‍ഭനിരോധന ഉപാധി

ഗര്‍ഭനിരോധന ഗുളികകളും മാര്‍ഗ്ഗങ്ങളും എല്ലാം മറിയത്തിനു മുന്നില്‍ തോറ്റു പോയി. ഇതെല്ലാം ഉപയോഗിച്ചിട്ടും അവര്‍ കുഞ്ഞുങ്ങള്‍ക്ക് ജന്മം നല്‍കിക്കൊണ്ടേ ഇരുന്നു. മറിയത്തിന്റെ ഗര്‍ഭപാത്രത്തില്‍ ഒന്നിലധികം അണ്ഡം ഉത്പാദിപ്പിക്കപ്പെടുന്നത് കൊണ്ടാണ് ഇത്തരത്തില്‍ സംഭവിക്കുന്നത്. രണ്ട് തവണ മാത്രമാണ് മറിയം ഒറ്റക്കുട്ടികളെയായി പ്രസവിച്ചത്. ബാക്കിയെല്ലാം ഇരട്ടക്കുട്ടികള്‍ ആയിരുന്നു.

ഹൈപ്പര്‍ ഓവുലേഷന്‍

ആര്‍ത്തവ സമയത്ത് സ്ത്രീകളില്‍ ഒരു അണ്ഡം മാത്രം ഉത്പ്പാദിപ്പിക്കപ്പെടുമ്പോള്‍ മറിയത്തിന്റെ ഗര്‍ഭപാത്രത്തില്‍ ഒന്നില്‍ കൂടുതല്‍ അണ്ഡങ്ങള്‍ ഉത്പ്പാദിപ്പിക്കപ്പെടുന്നുണ്ട്. ഇതിന്റെ ഫലമായാണ് മറിയം ഒന്നിലധികം കുട്ടികള്‍ക്ക് ഒരേ പ്രസവത്തില്‍ തന്നെ ജന്മം നല്‍കുന്നത്. ഇത് പലപ്പോഴും മറിയത്തിന്റെ ആരോഗ്യ സ്ഥിതിയില്‍ പല വിധത്തിലുള്ള മാറ്റങ്ങളും ഉണ്ടാക്കിയിട്ടുണ്ട്. അതുകൊണ്ട് തന്നെ പ്രസവം നിര്‍ത്തുക എന്നത് മറിയത്തെ സംബന്ധിച്ചിടത്തോളം ജീവന് അപകടമുണ്ടാക്കുന്ന അവസ്ഥയായി മാറുമായിരുന്നു.

ഭര്‍ത്താവ് ഉപേക്ഷിച്ചപ്പോള്‍

എന്നാല്‍ ഇത്രയും മക്കളായതു കൊണ്ട് തന്നെ ഭര്‍ത്താവ് ഇവരെ ഉപേക്ഷിച്ച് പോയി. മുപ്പത്തിയെട്ട് മക്കളേയും നോക്കുന്നത് മറിയം തന്നെയാണ്. എന്നാലും ഒരിക്കലും അവര്‍ മക്കളുടെ എണ്ണത്തിന്റെ കാര്യത്തില്‍ വിഷമിച്ചിട്ടില്ല. വീട്ടു ചിലവും കുട്ടികളുടെ വിദ്യാഭ്യാസവും എല്ലാം മറിയം ഒറ്റക്ക് തന്നെയാണ് നോക്കി നടത്തുന്നത്.