കൈത്തണ്ടയിലെ ഈ രേഖ ഒരു സൂചനയാണ്

Published: Friday, August 3, 2018, 20:07 [IST]

കൈ രേഖാ ശാസ്ത്രം പണ്ടുകാലം മുതലേ പലരും വിശ്വസിച്ചു പോരുന്ന ഒന്നാണ്. ശാസ്ത്ര ശാഖയായി അംഗീകരിയ്ക്കപ്പെട്ടിരിയ്ക്കുന്ന ഒന്നാണ് ഇതെന്നു വേണം, പറയാന്‍.

കയ്യില്‍ പല രേഖകളുമുണ്ട്. ഒരാളുടെ കൈ രേഖ പോലെയാകില്ല, അടുത്തയാളുടെ കൈരേഖ. രേഖകള്‍ അനുസരിച്ചു പല കാര്യങ്ങളും വ്യത്യാസപ്പെട്ടിരിയ്ക്കുകയും ചെയ്യും.

കൈക്കുള്ളിലെ രേഖ മാത്രമല്ല, കൈത്തണ്ടയിലെ രേഖകളും പറയുന്ന ചില കാര്യങ്ങളുണ്ട്. പ്രത്യേകിച്ചും ബ്രേസ്ലെറ്റ് രേഖ. കൈപ്പത്തിയുടെ തൊട്ടു താഴെയായി കൈ മലര്‍ത്തിപ്പിടിച്ചാല്‍ കാണുന്ന രേഖയാണിത്. ഇതു വിശദീകരിയ്ക്കുന്ന കാര്യങ്ങളും പലതാണ്.

സ്ത്രീകളുടേയും പുരുഷന്മാരുടേയും ഈ പ്രത്യേക ലൈന്‍ നോക്കി ഫലം പറയുന്നതും വ്യത്യസ്തമായിരിയ്ക്കും. ആരോഗ്യസ്ഥിതി, സാമ്പത്തികം തുടങ്ങിയ പല കാര്യങ്ങളും ഇത്തരം രേഖകള്‍ വെളിപ്പെടുത്തുന്നു.

ഒരു ബ്രേസ്ലെറ്റ് ലൈന്‍

പുരുഷന്മാരുടെ കയ്യില്‍ ഒരു ബ്രേസ്ലെറ്റ് ലൈന്‍ മാത്രമേ ഉള്ളൂവെങ്കില്‍ ഇത് നല്ല ആരോഗ്യത്തിന്റെ സൂചനയാണ് നല്‍കുന്നത്. ശാരീരികമായും മാനസികമായും നല്ല ചുറുചുറുക്കുള്ള പുരുഷന്മാരെയാണ് ഇത് സൂചിപ്പിയ്ക്കുന്നത്.

രണ്ടെണ്ണമാണെങ്കില്‍

ഇത്തരം ലൈന്‍ രണ്ടെണ്ണമാണെങ്കില്‍ ഇത്തരം പുരുഷന്മാര്‍ സാമ്പത്തികമായി മുന്‍പന്തിയിലാകും എന്ന സൂചനയാണ് നല്‍കുന്നത്. പൊതുവേ സന്തോഷകരമായിരിയ്ക്കും, ഇത്തരക്കാരുടെ ജീവിതം.

മൂന്നു ലൈന്‍

മൂന്നു ലൈന്‍ ഇതേ രീതിയില്‍ കാണപ്പെടുകയാണെങ്കില്‍ ഇവര്‍ ചെയ്യുന്ന ജോലിയില്‍ ആത്മാര്‍ത്ഥതയുള്ളവരാണെന്നു വേണം, പറയാന്‍. വളരെയേറെ താല്‍പര്യത്തോടെ ജീവിതത്തെ സമീപിയ്ക്കുന്നവരുമാണിവര്‍.

നാലു വരകളും

നാലു വരകളും ഈ രീതിയില്‍ കാണുന്നവരുണ്ട്. ഇത്തരക്കാര്‍ക്ക ജീവിതത്തിലെ പ്രശ്‌നങ്ങള്‍ നേരിടാന്‍ സാധിയ്ക്കും. ഇതിനുള്ള ധൈര്യമുണ്ടാകും. കുടുംബത്തോട് സ്‌നേഹവും അടുപ്പവും ഉള്ളവരുമാകും.