നിങ്ങളുടെ കയ്യില്‍ ട്രയാംഗിള്‍ ഉണ്ടോ, എങ്കില്‍....

മൗണ്ട് ഓഫ് വീനസ്

മൗണ്ട് ഓഫ് വീനസ് എന്നറിയപ്പെടുന്ന കയ്യിന്റെ ഭാഗത്തുള്ള വലിയ ത്രികോണാകൃതി അഥവാ ട്രയാംഗിള്‍ വിശാല ഹൃദയമുള്ള ആളെ സൂചിപ്പിയ്ക്കുന്നു. വളരെ ലാളിത്യമുള്ള വ്യക്തിയായിരിയ്ക്കും. പ്രണയത്തില്‍ സെന്റിമെന്റലായ ഇവര്‍ ഉയര്‍ന്ന നിലവാരത്തിലെ ജീവിതം നയിക്കുകയും ചെയ്യും. എന്നാല്‍ ട്രയാംഗിളാണ്, അതേ സമയം അത്ര കറക്ടുമല്ല എന്ന രീതിയിലെ ആകൃതിയെങ്കില്‍ അനശ്വര പ്രണയത്തെ സൂചിപ്പിയ്ക്കുന്നു.

മൗണ്ട് ഓഫ് മാര്‍സ്

മൗണ്ട് ഓഫ് മാര്‍സ് എന്ന ഭാഗത്തെ ഈ ട്രയാംഗിള്‍ നല്ല ധൈര്യമുള്ള, പോരാളിയായ, അതേ സമയം ക്ഷമാശീലമുള്ളയാളെ സൂചിപ്പിയ്ക്കുന്ന ഒന്നാണ്. എന്നാല്‍ അത്ര വ്യക്തമല്ലാത്ത ട്രയാംഗിളെങ്കില്‍ ഭീരുവിനെ സൂചിപ്പിയ്ക്കുന്ന ഒന്നാണ്.

മൗണ്ട് ഓഫ് ജുപ്പീറ്റര്‍

മൗണ്ട് ഓഫ് ജുപ്പീറ്റര്‍ എന്ന ഭാഗത്തുള്ള ട്രയാംഗിള്‍ നയതന്ത്ര ശാലിയായ ഒരാളെ സൂചിപ്പിയ്ക്കുന്ന ഒന്നാണ്. സ്വന്തം വളര്‍ച്ചയ്ക്കു കൂടുതലായി ആഗ്രഹിയ്ക്കുന്ന ശ്രമിയ്ക്കുന്ന തരക്കാര്‍. എന്നാല്‍ ഇത് അല്‍പം സ്ഥാനം തെറ്റിയാണെങ്കില്‍ അഹങ്കാരിയും സ്വാര്‍ത്ഥനുമായ വ്യക്തിയെ സൂചിപ്പിയ്ക്കുന്നു.

മൗണ്ട് ഓഫ് സാറ്റേണ്‍

മൗണ്ട് ഓഫ് സാറ്റേണ്‍ എന്ന ഭാഗത്തുള്ള ട്രയാംഗിള്‍ വിശ്വസിയ്ക്കാവുന്ന, ആകര്‍ഷകത്വമുള്ള വ്യക്തിയെ സൂചിപ്പിയ്ക്കുന്ന ഒന്നാണ്. എന്നാല്‍ സ്ഥാനം മാറിയോ വ്യക്തമോ അല്ലെങ്കില്‍ ചതിയരും വിശ്വസിയ്ക്കാന്‍ കഴിയാത്തവരും.

മൗണ്ട് ഓഫ് സണ്‍

മൗണ്ട് ഓഫ് സണ്‍ എന്ന ഭാഗത്തുള്ള ട്രയാംഗിള്‍ മതപരമായ കാര്യങ്ങളില്‍ വിശ്വസിയ്ക്കുന്ന, മറ്റുള്ളവരുടെ നന്മ ആഗ്രഹിയ്ക്കുന്നവരെ സൂചിപ്പിയ്ക്കുന്നു. എന്നാല്‍ ഇത് സ്ഥാന മാറിയോ വ്യക്തമോ അല്ലെങ്കില്‍ ജീവിതത്തില്‍ വളരെ അപൂര്‍വമായി വിജയിക്കുന്ന, സമൂഹത്തില്‍ നിന്നും വിമര്‍ശനങ്ങള്‍ ഏറ്റു വാങ്ങേണ്ടി വരുന്ന വ്യക്തിയെയാണ് സൂചിപ്പിയ്ക്കുന്നത്.

മൗണ്ട് ഓഫ് മാര്‍സ്

മൗണ്ട് ഓഫ് മാര്‍സ് എന്ന സ്ഥലത്താണ് ട്രയാംഗിള്‍ എങ്കില്‍ ഇത് ശാസ്ത്രജ്ഞനായി വിജയിക്കാന്‍ സാധിയ്ക്കുന്ന വ്യക്തിയെ സൂചിപ്പിയ്ക്കുന്നു. ജീവിതത്തില്‍ വിജയം നേടുമെന്നും ഇതു സൂചിപ്പിയ്ക്കുന്നു. ആയുര്‍രേഖ അഥവാ ലൈഫ് ലൈനിലാണ് ഇത്തരം അടയാളമെങ്കില്‍ ഇത് ദീര്‍ഘായുസ് സൂചിപ്പിയ്ക്കുന്നു.

ഹെഡ്‌ലൈനില്‍

ഹെഡ്‌ലൈനില്‍ ഇത്തരം ട്രയാംഗിളെങ്കില്‍ വളരെ ബുദ്ധിമാനായ ഒരാളെ സൂചിപ്പിയ്ക്കുന്നു. നല്ല വിദ്യാഭ്യാസ സൂചനയും ഇതു നല്‍കുന്നു. അതേ സമയം ഇത്തരം ട്രയാംഗിള്‍ ഫേറ്റ് ലൈനിലാണെങ്കില്‍ ദുര്‍ഭാഗ്യവും പരാജയവുമാണ് ഫലം.

വിവാഹരേഖ

വിവാഹരേഖ അഥവാ മാര്യേജ് ലൈനിലാണ് ഇത്തരം ട്രയാംഗിള്‍ എങ്കില്‍ ഇത് വിവാഹത്തിലേയും വിവാഹ ജീവിതത്തിലേയും പ്രശ്‌നങ്ങള്‍ സൂചിപ്പിയ്ക്കുന്നു. ഇത്തരക്കാര്‍ക്ക് വിജയസാധ്യത കുറവാണ്. അതേ സമയം കയ്യില്‍ ചന്ദ്രന്റെ സ്ഥാനത് ഇത്തരം ട്രയാംഗിള്‍ എങ്കില്‍ ഇത് വിദേശ ഭാഗ്യം സൂചിപ്പിയ്ക്കുന്ന ഒന്നാണ്.

ലൈഫ് ലൈന്‍, ഹെഡ് ലൈന്‍

ലൈഫ് ലൈന്‍, ഹെഡ് ലൈന്‍ എന്നിവിടങ്ങളിലാണ് ഇത്തരം രേഖയെങ്കില്‍ ഇത് വളരെ നല്ലതാണെന്നാണ് വിശ്വാസം. ഇത് ഭാഗ്യത്തെ സൂചിപ്പിയ്ക്കുന്നു. ഹെല്‍ത്ത് ലൈന്‍, ഹൈഡ് ലൈന്‍ എന്നിവിടങ്ങളില്‍ രൂപപ്പെടുന്നവ ബുദ്ധിയുടെ സൂചന നല്‍കുന്നു.

ഹെല്‍ത്ത് ലൈന്‍, ലൈഫ് ലൈന്‍

ഹെല്‍ത്ത് ലൈന്‍, ലൈഫ് ലൈന്‍ എന്നിവിടെയാണ് ഈ അടയാളമെങ്കില്‍ ഇത് സമൂഹത്തില്‍ വലിയ കാര്യങ്ങള്‍ ചെയ്യുന്നയാളെ സൂചിപ്പിയ്ക്കുന്നു. അതേ സമയം ട്രയാംഗിളിന്റെ രേഖകള്‍ മുറിഞ്ഞതെങ്കില്‍ സ്വാര്‍ത്ഥനായ, വസ്തുവകകളോട് താല്‍പര്യമുള്ളയാളെ സൂചിപ്പിയ്ക്കുന്നു.