വീട്ടില്‍ സമ്പത്തു വര്‍ദ്ധിയ്ക്കാന്‍ ഇവ പരീക്ഷിയ്ക

മണിപ്ലാന്റ്

വീട്ടില്‍ മണിപ്ലാന്റ് വച്ചു പിടിപ്പിയ്ക്കുന്നത് പണം വരാനുള്ള നല്ലൊരു വഴിയാണെന്ന് ഫെംഗ്ഷുയി പറയുന്നു. ഇത് നല്ല രീതിയില്‍ പരിപാലിയ്ക്കുകയും വേണം. മണിപ്ലാന്റ് വയ്ക്കാന്‍ ഏറ്റവും ഉത്തമമായ ദിക്ക് തെക്കുകിഴക്കാണ്. വാസ്തു നിര്‍ദേശിയ്ക്കുന്ന ദിശ. മണിപ്ലാന്റ് ഒരിയ്ക്കലും നിലത്തു പടര്‍ത്തി വളര്‍ത്തരുത്. ഇത് ചട്ടിയിലോ കുപ്പിയിലോ വയ്ക്കുക.

അക്വേറിയം

അക്വേറിയം പണമുണ്ടാക്കാന്‍ സഹായിക്കുന്ന വാസ്തുവിദ്യയാണെന്നു പറയാം. വീടിന് ഐശ്വര്യവും ഊര്‍ജവുമുണ്ടാകും. ഇതിലെ വെള്ളം വൃത്തിയായിരിയ്ക്കണം. മീനുകള്‍ ആരോഗ്യമുള്ളവയായിരിയ്ക്കണം.ചൈനീസ് ഫെങ്ങ്ഷുയി അനുസരിച്ച് അക്വേറിയത്തിലെ മത്സ്യങ്ങളുടെ ദ്രുത ചലനം സജീവമായ ഊര്‍ജ്ജത്തെ വര്‍ദ്ധിപ്പിക്കുന്നു. 'ചി' എന്നാണ് ഇത് അറിയപ്പെടുന്നത്. ഇത് ആരോഗ്യവും സമ്പത്തും വര്‍ദ്ധിപ്പിക്കാനും സഹായിക്കും.

മാവില, ആലില

മാവില, ആലില എന്നിവ വീടിന്റെ പ്രവേശനകവാടത്തില്‍ വയ്ക്കുന്നത് വീട്ടില്‍ ലക്ഷ്മീദേവിയെ ക്ഷണിച്ചു വരുത്തുവാന്‍ സഹായിക്കുന്നുവെന്നാണ് പൊതുവേയുള്ള വിശ്വാസം. ഇത്തരം വഴികള്‍ പരീക്ഷിയ്ക്കാം.

പക്ഷികള്‍ക്ക്

പക്ഷികള്‍ക്ക് ധാന്യമണികള്‍ നല്‍കുന്നത് നല്ലതാണ്. ഇവയ്ക്കായി വെള്ളം വച്ചു കൊടുക്കുന്നതും നല്ലതു തന്നെ, എന്നാല്‍ പ്രാവിന്റെ കൂടും വവ്വാലിന്റെ വരവുമൊന്നും ഐശ്വര്യത്തിന് നല്ലതല്ല. ഇത് ദോഷങ്ങള്‍ വരുത്തുന്ന ചിലതാണ്.

കീറിയ പേഴ്‌സുകള്‍

കീറിയ പേഴ്‌സുകള്‍ ധനനഷ്ടമുണ്ടാക്കുന്നുവെന്നു വാസ്തു പറയുന്നു. വാസ്തുപ്രകാരം നോട്ടുകള്‍ മടക്കി വയ്ക്കുന്നതും ധനഷ്ടമുണ്ടാക്കും. ഇതുപോലെ പേഴ്‌സില്‍ കാര്‍ഡുകളോ ലൈസന്‍സോ ഒന്നും തന്നെ പാടില്ല. പ്രത്യേകിച്ചും കടം സൂചിപ്പിയ്ക്കുന്ന ക്രെഡിറ്റ് കാര്‍ഡുകള്‍. ഇതുപോലെ പേഴ്‌സ് ഒഴിഞ്ഞിരിയ്ക്കാനും പാടില്ല. അല്‍പം പണം, ഒരു ഒറ്റരൂപയെങ്കിലും ഇതില്‍ വേണം.

വാസ്തുദോഷങ്ങള്‍ നീക്കാന്‍

പല വീടുകള്‍ക്കും വാസ്തുദോഷങ്ങളുണ്ടാകും. പ്രത്യേകിച്ചു നാം വാസ്തു നോക്കി പണിയിപ്പിക്കാത്ത, അല്ലെങ്കില്‍ പണിത ശേഷം വാങ്ങുന്ന വീടുകള്‍ക്ക്. ഇവിടെ ധനഷ്ടവും പ്രശ്‌നങ്ങളുമുണ്ടാകുന്നതും സാധാരണയാണ്‌ഇതിനുള്ള പരിഹാരം ഉദയസൂര്യന് അഭിമുഖമായി ഒരു ചെമ്പു പാത്രത്തില്‍ വെള്ളം വയ്ക്കുന്നതാണ്. വാസ്തുദോഷങ്ങള്‍ നീക്കാന്‍ ഇത് സഹായിക്കും.

വായില്‍ കോയിനുള്ള തവള

കുബേരന്റെ രൂപം വടക്കു ദിക്കില്‍ വയ്ക്കുന്നതാണ് പണമുണ്ടാകാന്‍ നല്ലത്. തെക്കുദിക്കില്‍ വയ്ക്കരുത്. ഇത് ധനഷ്ടമുണ്ടാക്കും. ഇതുപോലെ വായില്‍ കോയിനുള്ള തവള വീടിന്റെ പ്രധാന വാതിലിനു സമീപത്തായി ഉള്ളിലേയ്ക്കു നോക്കുന്ന വിധത്തില്‍ വയ്ക്കുക.

മയില്‍പ്പീലി

പണം വച്ചിരിയ്ക്കുന്നിടത്ത്, അതായത് അലമാരയിലോ ലോക്കറിലോ ഒരു മയില്‍പ്പീലി വയ്ക്കുന്നത് ധാരാളം സമ്പത്തുണ്ടാകാന്‍ സഹായിക്കുമന്നു പറയാം.ഏതെങ്കിലും പ്രത്യേക ഉദ്ദേശത്തോടെ സൂക്ഷിച്ചിരിയ്ക്കുന്ന മയില്‍പ്പീലി ഒരിക്കലും അലങ്കാരവസ്തുവിന്റെ ഗണത്തില്‍ കൈകാര്യം ചെയ്യരുത്. ഇത് വളരെ പ്രധാനമാണ്.