മാസവരുമാനം 30000, ഭാര്യമാര്‍ 3

അംഗപരിമിതന്‍

വികലാംഗനാണ് ചോട്ടു ബരായ്ക് എന്നയാള്‍. നിരവധി പൊന്‍തൂവല്‍ ഇദ്ദേഹം തൊപ്പിയില്‍ അണിഞ്ഞിട്ടുണ്ട്. യഥാര്‍ത്ഥത്തില്‍ ഇയാളൊരു ഭിക്ഷക്കാരനാണ്, അതിലുപരി ഒരു മാര്‍ക്കറ്റിംഗ് സ്ഥാപനത്തിലെ അംഗവുമാണ്. മാത്രമല്ല സ്വന്തമായി ഒരു ഷോപ്പ് ചോട്ടുവിനുണ്ട്. ഇതൊന്നും കൂടാതെ മൂന്ന് ഭാര്യമാരാണ് ഇയാള്‍ക്കുള്ളത്.

വരുമാനം

വരുമാനത്തെക്കുറിച്ച് ചോദിച്ചാല്‍ ഇത് നിങ്ങളെയെല്ലാം ഞെട്ടിക്കുന്ന ഒന്നാണ്. ഒരുമാസം 30000 രൂപയാണ് ഇദ്ദേഹം സമ്പാദിക്കുന്നത്. മാത്രമല്ല മൂന്ന് കുടുംബത്തേയും നല്ലതു പോലെ സംരക്ഷിച്ചു പോരുന്നുമുണ്ട്.

വീണ്ടും വ്യാപാരസ്ഥാപനങ്ങള്‍

ഇതൊന്നും കൂടാതെ കിട്ടുന്ന പണത്തില്‍ നിന്നും നല്ലൊരു പങ്ക് സൂക്ഷിച്ച് വെക്കുന്നുമുണ്ട്. ഇത് കൊണ്ട് ഈ അടുത്തായി ഒരു പാത്രക്കടയും തുറന്നിട്ടുണ്ട്. ഈ ഷോപ്പ് നടത്തിക്കൊണ്ടു പോവുന്നതാകട്ടെ ഇദ്ദേഹത്തിന്റെ ഭാര്യമാരില്‍ ഒരാളും.

സ്വസ്ഥമായ ജീവിതം

സ്വസ്ഥമായ ജീവിതം ഇത്തരം കാര്യങ്ങള്‍ ചെയ്യുന്നതിലൂടെയെല്ലാം ചോട്ടു നയിച്ച് കൊണ്ട് പോവുന്നുണ്ട്. പല കടകളില്‍ നിന്നുമായി ലഭിക്കുന്ന വരുമാനവും ഇത്തരത്തില്‍ ചോട്ടുവിനേയും മൂന്ന് ഭാര്യമാരേയും വളരെയധികം സഹായിക്കുന്നു.

തുടക്കം ഇങ്ങനെ

ജന്മനാ തന്നെ അംഗവൈകല്യം ബാധിച്ച ഇയാള്‍ ദാരിദ്ര്യം സഹിക്കാന്‍ വയ്യാതെയാണ് റെയില്‍വെ പ്ലാറ്റ്‌ഫോമുകളില്‍ ഭിക്ഷയെടുക്കാനിറങ്ങിയത്. പിന്നീട് ഇത് സ്ഥിരമായി. ദിവസവും 1000 മുതല്‍ 1200 വരെ ഇയാള്‍ സമ്പാദിക്കുന്നുണ്ട്. മാത്രമല്ല കുടുംബത്തിനു വേണ്ടി ഒരു നിശ്ചിത തുക സൂക്ഷിച്ച് വെക്കുന്നതിനും ഇതിലൂടെ ചോട്ടുവിന് കഴിയുന്നു.