ലൈംഗിക പീഢനം 8 വയസ്സില്‍, കാരണം ഇത്

പിറന്നാള്‍ ദിവസം സംഭവിച്ചത്

തന്റെ എട്ടാം വയസ്സ് തികയുന്ന ദിവസമാണ് ഇത്തരത്തിലൊരു സംഭവം നടന്നത്. പിറന്നാള്‍ ദിനത്തില്‍ സംഭവിച്ച ആ ദുരന്തം ഇന്നും ജീവിതത്തില്‍ വളരെ വലിയ ഒരു വിങ്ങലായി നില്‍ക്കുന്നു. ഫ്രൂട്ടി വാങ്ങിക്കുന്നതിനായി വൈകുന്നേരം കടയില്‍ പോയ ആ എട്ടു വയസ്സുകാരിയെ കടയുടമ പീഢിപ്പിക്കുകയായിരുന്നു.

ചോക്ലേറ്റ് പകരം

പീഢന ശേഷം ചോക്ലേറ്റ് പകരം നല്‍കി അയാള്‍ അവളെ വീട്ടിലേക്ക് പറഞ്ഞയച്ചു. എന്നാല്‍ അതൊരിക്കലും തെറ്റായി തോന്നാന്‍ മാത്രം വിവരം അന്ന് ആ എട്ട് വയസ്സുകാരിക്ക് ഉണ്ടായിരുന്നില്ല. വീട്ടിലെത്തിയ അവള്‍ അമ്മയോട് കാര്യം പറഞ്ഞു.

അമ്മയുടെ കുറ്റപ്പെടുത്തല്‍

എന്നാല്‍ തന്റെ കുഞ്ഞിനെ സംരക്ഷിക്കുന്നതിന് പകരം അവളുടെ കുറ്റം കൊണ്ടാണ് ഇത്തരത്തില്‍ സംഭവിച്ചത് എന്നാണ് അമ്മ പറഞ്ഞത്. മാത്രമല്ല പകരത്തിനു പകരം എന്നോണം ചോക്ലേറ്റ് വാങ്ങിച്ചതിന് അവളെ പൊതിരെ തല്ലുകയും ചെയ്തു അമ്മ. എന്നാലും വേണ്ടത്ര പ്രാധാന്യം ഇതിന് നല്‍കാനോ കടയുടമക്കെതിരേ പരാതി നല്‍കുന്നതിനോ അമ്മ തയ്യാറായില്ല. മാത്രമല്ല ഇതിനു മുതിര്‍ന്ന അച്ഛനെ ഇതെല്ലാം സാധാരണം എന്ന് പറഞ്ഞ് നിരുത്സാഹപ്പെടുത്തുകയും ചെയ്തു.

ഡിപ്രഷനെന്ന അവസ്ഥ

എന്നാല്‍ പിന്നീട് ആ കുഞ്ഞിന്റെ അവസ്ഥ വളരെ പരിതാപകരമായിരുന്നു. ഡിപ്രഷനിലേക്ക് ഓരോ ദിവസം ചെല്ലുന്തോറും അവള്‍ എത്തിപ്പെട്ടുകൊണ്ടിരുന്നു. മാത്രമല്ല പഠനത്തില്‍ പിന്നോക്കമാവുന്നതിനും കൂട്ടുകെട്ടുകളില്‍ നിന്ന് ഒറ്റക്കു നില്‍ക്കുന്നതിനും എല്ലാം ആ സംഭവം കാരണമായി.

വര്‍ഷങ്ങള്‍ കഴിഞ്ഞു

വര്‍ഷങ്ങള്‍ കഴിഞ്ഞിട്ടും അവളുടെ ജീവിതത്തിന് കാര്യമായ മാറ്റങ്ങള്‍ ഒന്നും സംഭവിച്ചില്ല. മാത്രമല്ല പല വിധത്തില്‍ ആ സംഭവം അവളെ അലട്ടിക്കൊണ്ടിരിക്കുകയും ചെയ്തു.

വീണ്ടും ഇത്തരത്തില്‍

സ്‌കൂള്‍ കാലം കഴിഞ്ഞ് കോളജ് ജീവിതത്തിലേക്ക് കടന്നപ്പോഴും അവളുടെ ജീവിതത്തെ ആകെ താളം തെറ്റിച്ച ഒരു സംഭവം ഉണ്ടായി. വീട്ടിലേക്ക് വരും വഴി വാനിലുണ്ടായിരുന്ന ഡ്രൈവറും ക്ലീനറും ചേര്‍ന്ന് അവളെ ലൈംഗികമായി ഉപദ്രവിച്ചു. ഇത് എല്ലാ വിധത്തിലും അവളെ തളര്‍ത്തിക്കളഞ്ഞു.

ജീവിതത്തിലേക്ക് തിരിച്ച്

എന്നാല്‍ ജീവിതത്തിലേക്ക് തിരിച്ച് വന്നു കൊണ്ടിരുന്ന അവളെ പിന്നീട് ഞെട്ടിച്ചത് അച്ഛന്റേയും അമ്മയുടേയും വിവാഹ മോചനമായിരുന്നു. ഒരിക്കലും ഒന്നിക്കാന്‍ പറ്റാത്ത രീതിയില്‍ അവര്‍ അകന്നു പോയി. എന്നാല്‍ വിവാഹമോചനത്തിനു ശേഷം ആരോടൊപ്പം പോണമെന്നറിയാതെ പഠനം പോലും പൂര്‍ത്തിയാക്കാന്‍ സാധിക്കാതെ നില്‍ക്കുകയാണ് അവള്‍.